Isaías 59:4 - Tayta Diosninchi Isquirbichishan

⁴ Pipis manami rasun cajtaga dimandacunnachu. Pipis manami cannachu rasun cajllawan dimanduman chayäga. Chaypa ruquenga llullacunanpaj cajllamanmi yarparaycan. Llullacuyllata rimananpämi carcaycan. Mana allitami gueshyaj carcaycan. Chayno carmi wañuchinacuyllacho carcaycan.

Isaías 59:4 Referans Kwoze

Job 15:35

Chay runacunaga juchallatami gueshyaj caycan. Pachanchöga engañacuyllami caycan. Wachangapis llullacuyllatami.»

Santiago 1:15

Shongunchi llutan yarpashancunata rurarga jucha ruraymanmi chayanchi. Chauraga mananami Tayta Diospa ñaupanman chayashunpänachu. Chaypa ruquenga wañuyllatanami tarishunpaj.

Jeremías 7:8

« ‹Gamcunaga yäracurcaycanqui llullapar nishushayquimanmi. Chay nishushayquega manami rasunpachu.

Jeremías 7:4

Gamcuna ama yäracuychu «¡Caychöga Tayta Diospa Templunmi caycan. Chaymi cay partita mana illgächengachu. Cayga Tayta Diospa Templunmi!» nishojcunaman. Chayno nishojcunaga llullapaycäshunquimi.

Miqueas 2:1

¡Ay cuyapaypämi ñacanga asta suyñuyninchöpis mana allita rurayllata yarpaycajcuna! Chay runacunaga imata rurananpäpis puydej munayniyoj cashpanmi pacha wararcuptinnaga chay yarpashanno ruran.

Isaías 30:12

Chaypitami Israelcunapa Santo Tayta Diosnenga nin: «Gamcunaga willaycächishäta manami wiyayta munanquichu. Chaypa ruquenga yarparcaycanqui wañuchinacuyllapaj, mana allita rurayllapaj.

Proverbios 4:16

Mana allita rurananpaj yarpashanta manaraj rurashancamaga manami jamaytapis tarinchu. Pitapis manaraj mana alliman chayachishancamaga paycunapäga manami puñuypis puñuychu.

Isaías 59:16

Chayno caycajta pipis mana michajta ricarmi Tayta Diosga fiyupa almiraran. Chaura munayniyoj cashanta llapanta musyachinanpaj quiquinmi camaricuran.

Isaías 59:3

Gamcunapaga maquiquipis yawarwan tiñicashami caycan. Dëduyquicunapis runa wañuchejllami. Llullacuyllatami parlanquipis. Shimiquicunapis mana allicunallatami parlan.

Salmos 62:10

Mana allita rurashayquicunamanga ama yäracuychu. ¡Runapa ima-aycantapis guechushpayqui ama alabacuychu! Rïcuyashpayqui guellayniquimanga ama yäracuychu.

Jeremías 5:1

Tayta Dios cayno nin: «Jerusalén cällicunapa puriy-llapa. Sumaj ricchacuy. Intërupa purishayqui läsacunachöpis sumaj ashiy. Chaycho mä tarinquichush jucnayllatapis alli runata, rasun cajta rurayta munajta. Jucnayllatapis tariptiquega Jerusalencho tiyaycajcunata perdunashämi.

Salmos 62:4

Gamcunaga mana alliman chayachimayllatami yarpanqui. Llullacorga mishquillami parlanqui. Janan shongullami alli parlapämanqui; shonguyquicho ichanga chiquiycämanqui. Selah

Job 15:31

Yanga manacajcunallaman ama yäracuchunchu. Chayman yäracorga yanga manacajcunallatami tarenga.

Isaías 5:7

Chacrapa duyñonga munayniyoj Tayta Diosmi. Lantashan übasga caycan Israel nasyun runacunami, Judá runacunami. Tayta Diosga munaran layninta chay runacuna cumlinantami. Nishanga wañuchinacuyllatami aruycan. Tayta Diosga niran allillata rurananpämi. Nishanga ñacajcuna gaparpashallanmi wiyacaycan.

Isaías 5:18

Ay imanöraj canqui llullacuypa mana allita apaycämojcuna, jucha rurayta garchaycämojcuna.

Isaías 9:15

Animalpa umanman tincuchishanga caycan rispitädu runacunawan mandajcunami. Chupanman tincuchishanga caycan llulla profëtacunami.

Isaías 10:1

¡Ay imanöraj canga mana allita rurananpaj layta rurajcuna, pipis cumliyta mana puydinanpaj caj layta rurajcuna!

Isaías 26:18

Rasunpa gueshyacojnömi cashcäcuna. Au, rasunpami nogacunaga nanächicushcä gueshyacuycaj warminöpis. Ichanga wayrata gueshyacuycajnömi nogacunaga cashcä. Manami cay pachacho pitapis salbananpächu yuripacushcä. Cay pachacho tiyananpäga manami pitapis gueshyacushcächu.

Isaías 28:15

Gamcunaga nircaycanqui: «Wañuywanmi parlashcäcuna fiyupa manchariypaj mana alli chayamuptin nogacuna mana wañunäpaj. Nogacunaga llullacuypami pacacushäcuna. Engañaypami chapacushäcunapis.»

Isaías 29:20

Mana rispitacojcunaga manami canganachu. Fiyucunapis manami canganachu. Llutan ruraycunallata yarpajcunapis illganganami.

Isaías 30:9

Cay nasyun runacunaga mana wiyacoj llullami. Tayta Dios yachachishantapis manami wiyayta munanchu.

Isaías 33:11

Gamcuna rurayta yarpaycashayquiwan rurashayquipis caycan ogshanölla, rïgu päjanölla. Chayno captinmi pücarcuptillä jämaynëga nina rupacurcojnöpis usharengapaj.

Isaías 44:20

Chayga uchpata micojnömi. Chayno ruräga quiquillanmi llutanta yarpar ruraycan. Chay runacunaga manami yarpachacongapischu: «Aptaraycashä ïduluga ¿manachuraj manacajlla?» nir.

Isaías 47:10

Mana allicunata rurashpayquipis manami imatapis gocushcanquichu. ‹Pipis manami ricamanchu› nirmi yarparayqui. Quiquiqui musyaj-yachaj cayniquimi engañashurayqui. Shongullayquicho yarpashpayqui nirayqui: ‹Manami pipis noganöga canchu› nir.

Isaías 59:15

Rasun cajtaga mananami pipis parlannachu. Mana allita rurayta cachaycoj cajtaga ima charashallantapis suwapaycärinmi. Pipis allita mana ruraptin Tayta Diosga fiyupami rabyacurcusha.

Isaías 64:7

Pipis manami canchu gamta adurashöga. Pipis manami yarpachacunchu gamman yäracamunanpäga. Chaypitami nogacunapitaga pacacuycushcanqui. Jucha rurashäcunapitami cachaycamashcanquipis.

Jeremías 48:7

Moab, gamga munayniyoj cashayquimanmi, imay-aycayquipis cashanmanmi yäracoj-canqui. Ichanga gamcunatapis prësumi charishunquipaj. Quemós diosniquita, cürayquicunata, mandaj runacunatapis prësumi apanga.

Oseas 4:1

Israel runacuna, wiyay-llapa Tayta Dios rimashanta. Paymi cay nasyuncho tiyajcunapa contran rimaj-aywan. Paymi cayno nin: «Rasun cajta rimaj runacuna caychöga manami canchu. Mananami cuyapänacunnapischu. Nogataga manami pipis ‹Tayta Diosnë› nimannachu.

Salmos 7:15

Fiyupa jatun ruri uchcutami rurasha. Quiquin rurashan uchcullamanmi yaganga.

Salmos 12:3

Janan shongulla parlajcunataga Tayta Diosmi ushajpaj illgächenga.

Hechos 24:9

Tértulo nishannöllami chaycho caycaj Israel runacunapis niran.