Isaías 59:10 - Tayta Diosninchi Isquirbichishan

¹⁰ Gapracunanöpis pergata yatayllapami puriycanchi. Ñawiynajnöpis tapra-taprami puriycanchi. Las-dösi inti caycaptinmi chacaypanöpis tacacanchi. Callpallanchïchöraj caycarmi wañushanöna carcaycanchi.

Isaías 59:10 Referans Kwoze

Deuteronomio 28:29

Gaprayasha carmi junajpapis chacaypano lamcaycachar purinquipaj. Ima rurashayquipis yangallami canga. Waran waranmi engañashunquipaj, ñacachishunquipaj. Pipis faburniqui mana captinmi suwacuna imayquitapis apaconga.

Job 5:14

Paycunaga yanauyaycaj chacaycho chacäpacusha caycajnöpis junaj pachapami yatayllapa purircaycan.

Lamentaciones 3:6

Wañojcuna pamparaycashan chacaychöno cawanäpämi cachaycamasha.

1 Juan 2:11

Yäracoj-masinta chiquej cajmi ichanga chacaycho caycan. Chacaypa purerga mayman aywashantapis manami musyanchu. Chacayllacho captinmi ñawinpis chacasha caycan.

Juan 12:40

Chay runacunapa yarpayninta ticrachisha mana tantiyajman. Rinrincunatapis chaparcusha mana wiyananpaj. Ñawintapis chaparcusha mana ricananpaj. Chaynöpami mana ricar, mana wiyar mana tantiyangachu. Chaynöpami mana arpinticongachu. Chayno captenga nogapis manami allchacächishächu.

Juan 12:35

Chayno niptin Jesús niran: «Nogami achqui caycä. Ishcay-quimsa junajllanami gamcunacho caycäshaj. Cay pachacho cashäcama nogaman yäracamuy. Nogaman yäracamorga manami chacäpacunquipächu. Chaypa ruquenga achicyajcho puriycajnömi canquipaj. Chacajcho purejcunaga maypa aywashantapis manami musyanchu.» Chayno nircur Jesús aywacuran. Nircur runacunapitaga pacayllapana goyäcuran.

Amós 8:9

Tayta Dios nin: «Chay nishä junajmi camacächishäpaj inti las-dösicho caycaptin pacha chacacäcunanpaj. Pullan junaj alli achicyaraycaptinmi camacächishaj intëru mundupa chacay ricacunanpaj.

Lamentaciones 4:14

Chaypitami cällicunapapis puriycan gaprano, mayman chayaytapis mana musyashpan. Yawarpita mana cawaj captinmi pipis mana yatayllapis yataycuyta munanchu.

Jeremías 13:16

Yanauyaycaj chacaj pachaman Tayta Dios manaraj chayachishushayquicama payta rispitay. Yanauyaycaj chacayta chayachimuptenga jircacunachöpis tacacanquipämi. Tayta Diosta rispitay shuyaraycashayqui achquita manaraj chacajman ticrachiptin.

Isaías 8:15

Paycunaga achcajmi tacacanga; tunenga; wañonga. Achcajmi togllaman watacashano quëdanga.»

Proverbios 4:19

Juchasapacuna mana alli goyashanmi ichanga caycan fiyupa manchacuypaj yanauyaycaj chacayno. Chay runacunaga manami musyanchu imaman tacacushantapis.

Isaías 8:14

Chayno rispitamaptiqui nogaga gamcunata chapäshayquipämi. Judá y Israel runacunapämi ichanga cashaj juc togllano, tacacänanpaj rumino. Jerusalén runacunapäpis cashaj redano, wascano.

Isaías 28:13

Chaypitami Tayta Diosga «Cayta, wacta ruray» nishunquipaj. «Wacta, cayta wiyacuy» nishunquipaj. «Cay-läman, wac-läman witiy» nishunquipaj. «Wac-läman, cay-läman witiy» nishunquipaj. Chaura purishpayqui ancallaypami tuninquipaj. Däñacunquipämi. Togllamanmi watacanquipaj. Chaychönami prësu ricacunquipaj.

Ezequiel 21:15

Chayno manchachiptinmi runacunapaga balurninpis mana canganachu. Chaymi aypallanpa wañuycachenga. Llapanpa wasincunamanmi wañuchicoj sablita churashcä. Chay sabliga achicyaycachänanpämi llushwachasha caycan. Wañuchinanpämi sumaj afilasha caycan.

Miqueas 3:6

Chaypitami gamcunataga manana musyachishayquinachu imata ruranäpaj cajtapis. Ima cananpaj cajcunatapis manami willapäshayquinachu.» Chay profëtacunapäga intipis yagacongami. Paycunapäga pachapis chacacäcongami.