Isaías 55:9 - Tayta Diosninchi Isquirbichishan

⁹ Imanömi syëlupis caycan allpapita mas janajcho, chaynömi yarpashäcunapis, ima rurashäcunapis gamcunapäga tantiyayta mana atipaypaj caycan.

Isaías 55:9 Referans Kwoze

Salmos 103:11

Payta rispitajcunataga fiyupami cuyan. Syëlu may-may altu cashannömi pay cuyapäcoj cashanga.

Mateo 11:25

Chay öra Tayta Diosta alabar Jesús niran: «Syëluchöpis cay pachachöpis munayniyoj caycaj papä, gamta alabä yarpaycashayquita yachaj-tucojcunata mana musyachishayquipitami. Chaypa ruquenga wamrano cajcunallatami tantiyachishcanqui.

Salmos 77:19

Lamar gochapami nänita rurarirayqui. Aypalla yacu jananpami aywarayqui. Ichanga yupiquita manami pipis tariranchu.

Salmos 36:5

Tayta Dios, cuyacoj cashayquimi ichanga syëlucama chayan. Alli cumlej cashayquega pucutaypita mas janajcamami chayan.

Salmos 89:2

Nogaga willacushaj wasipa alli simintunnöpis imaycamapis cuyacoj cashayquitami. Gampa palabrayquega syëlu imaypis mana rucaj cashannömi.

2 Samuel 7:19

¡Jananmanpis aunimashcanqui shamoj watacunacho nogapita mirajcuna munayniyoj cananpaj! ¡Manami ni pï runapis gamnöga ruranmanchu Tayta Dios!

Isaías 14:24

Munayniyoj Tayta Diosmi jurashpan nisha: «Yarpashänöllami rasunpa canga. Nishänöllami llapanpis canga.

Salmos 92:6

Chaymi mana tantiyacunchu llutan ruraj runacunaga.