Isaías 53:6 - Tayta Diosninchi Isquirbichishan

⁶ Llapanchïmi uyshacunano ogracasha carcaycashcanchi. Cada-ünunchïmi quiquinchi munashanchïno goyäcushcanchi. Ichanga juchanchïcunapita paylla ñacananpämi Tayta Diosga camacächisha.

Isaías 53:6 Referans Kwoze

1 Pedro 2:25

Ñaupataga ogracasha uyshanömi cashcanqui. Cananmi ichanga cuyamajninchi Jesucristumanna cutishcanqui. Uyshancunata uysha michej alli ricashannömi payga imapitapis ricaycäshunqui.

1 Pedro 3:18

Jesucristupis juchanchi-raycumi juc cutilla wañusha Tayta Diospa ñaupanman chayachimänanchïpaj. Payga juchaynaj caycarmi juchasapacunapa ruquinchi wañusha. Wañuptinpis Espíritu Santumi cawarachimuran.

Salmos 119:176

Nogaga uyshanömi pantacäcushcä. Ashimaj shaycamuy ari. Nogaga manami gongashcächu mandamintuyquicunata.

Romanos 4:25

Tayta Diosga Jesucristuta cachamuran cruscho wañunanpämi. Nircurna cawarimuran juchanchïcunapita perdunasha cananchïpaj.

Isaías 55:7

Fiyu runacunaga mana allicunata ama rurachunnachu, mana allita rurananpäga ama yarpächunnachu. Tayta Diosman yapay cutichun. Chaura paypis cuyapangami. Payga amatar alli cashpanmi perdunacun.

Santiago 5:20

Pantacasha caycajcunata pipis cuticherga allitami ruraycan. Wañuypitami salbaycan. Arpinticuptenga Tayta Diosninchïpis llapan juchantami perdunangana.

Isaías 53:10

Tayta Diosmi chayno manacajman churaypa ñacachiyta munaran. Sirbejninnami llapan juchayojcunapa ruquin wañunan caran. Chaypitami payga unaycama cawanga. Paypita mirajcunatapis ricangarämi. Tayta Dios munashancunataga llapanta paymi ruranga.

Isaías 56:11

Paycunaga mana sacsaytapis atipaj yargaj guella allgucunanömi. Paycunaga imatapis mana tantiyaj uyshërucunami. Cada-ünunmi imanöpis yarpashanno goyäcun. Imatapis quiquincuna munashallantami ashircaycan.

Salmos 69:4

Imatapis mana ruraycaptillä chiquimajcunaga ajchäpitapis mas aypalla ricacusha. Chiquimajcunaga aypallami mirasha. Imatapis mana ruraycaptëmi illgächimayta yarpaycan. Mana suwapasha caycaptëmi «cutichimay» nircaycäman.

Ezequiel 3:18

Capaschari juchayoj runata noga nëman ‹mana allita rurashayquipita wañunquimi› nir. Ichanga chay jucha rurajta mana tantiyachiptiqui, juchanta cachaycushpan allina cawananpaj mana willaptiqui, chay runa wañonga juchanpita. Ichanga chay runa wañushanpita noga gamtami tapushayquipaj.

Isaías 6:7

Chayta shimëman tanurcur nimaran: «Cay shanshacunami shimi wirpayquiman töpasha. Cananga mananami juchayojnachu canqui. Juchayquicunapita perdunashanami caycanqui.»

Isaías 40:2

Paycunataga alli shimillayquipa willapaycuy. Cananpitaga manana llaquisha goyänanpaj cashanta willaycuy. Paycunaga manami uywaynachu canga. Paycunataga juchancunapita castigashcänami. Paycunataga llapan juchanpita perdunashcänami.»

Isaías 53:5

Ichanga noganchi Diosta mana wiyacushanchïpitami juchayoj runatanöpis tucsiran. Noganchi mana allita rurashanchïpitami fiyupa ñacachiran. Pay ñacashanpitami noganchi alli goyayta tarishcanchi. Payta däñar-ushashanpitami noganchëga allchacashana caycanchi.

Isaías 53:7

Payga ñacachiptinpis upällallami cacusha. Paytaga aparan uyshata pishtananpaj apaycajnömi. Manami ni juc shimillapis rimacuranchu. Payga millwanta rutuptin uysha upällalla wiyaräcushannömi upällalla cacuran. Manami ni juc shimillapis rimacuranchu.

Isaías 53:11

Ñacashanpitaraj chaycunata ricar fiyupami cushicongapaj. Tayta Diosta sirbëga achcajtami salbangapaj. Payga achcajpa juchantami apanga.

Isaías 53:12

Chaypitami paytaga Tayta Dios mas alliman churanga. Chaychöga munayniyojcunawan iwalmi alli cajta chasquengapaj. Chaynöga chasquengapaj wañushanpitami, juchayojcunano ñacashanpitami. Rasunpa payga aypalla runacunapa juchantami aparan. Juchayojcunapäpis ruwacur mañacusha.

Isaías 55:8

Tayta Dios cayno nin: «Noga yarpashäga manami gamcuna yarpashayquinöchu. Noga rurashäga manami gamcuna rurashayquinöpischu.

Jeremías 50:6

«Acrashä runacunaga pantacasha uyshacunanömi carcaycasha. Mandajnincunami llutanpa yarpächisha jircacunacho uysha pantacajnöpis pantacäcunanpaj. Paycunaga purisha juc jircapita juc jircamanmi. Chayno purir gongaycärishanami maycho tiyanan cashantapis.

Daniel 9:5

Nogacunaga juchatami rurashcä. Llutallantami rurashcäcuna. Gamta mana yarpashpämi goyashcäcuna. Mandamintuyquicunatapis, layniquicunatapis munashayquinöga manami rurashcäcunachu.

Génesis 22:6

Chayno nirmi Abrahamga rupachinanpaj caj yantata wamran Isaacta matancaparan. Abrahamnami ninata cuchilluta aparan. Apacarcärir aywacuran wamran ishcan.

Jueces 21:25

Chay wichan Israelcunapaga manarämi raynin caranrächu. Israelcunaga quiquincuna yarpashallantami imatapis ruraj.

Isaías 66:3

Waquin runacunami ichanga aduramashpan töruta rupachinanpaj pishtan. Runa-masintapis wañuchin. Uyshata nogapaj pishtan. Allgutapis cuncanta milluypa wañuchin. Chaqui micuy ofrendancunatapis nogapaj churan. Nircorga cuchipa yawarnintapis churan. Aduramashpan insinsutapis rupachin. Nircorga ïdulucunatapis aduran. Chayno melanaypajcunata rurananpaj acrajcunaga chaycunata rurashpan fiyupa cushicun.