Isaías 52:1 - Tayta Diosninchi Isquirbichishan

¹ Sión, ricchayna ari. Sumaj callpachacuy. Rispitädu Jerusalén siudä, achicyaypa achicyaj caj röpayquitana jaticuy. Jäpa runacunawan ganra runacunaga pillyaj manami gamman yaycamongapänachu.

Isaías 52:1 Referans Kwoze

Apocalipsis 21:27

Chaychöga caycanga Cashni uyshapa libro de bïdancho jutincunata apuntasha cajcunallami. Chaychöga manami cangachu juchasapacuna, pengaypaj llutanta rurajcuna ni llullacojcunapis.

Isaías 51:17

Jerusalén, apurä ricchay ari. Juclla jatariy. Gamga Tayta Dios castigacunan cöpacho caycajtami upushcanqui. Juc runa cöpata charir ushajpaj upucurcur fiyupa machasha cashannömi ñacashcanqui.

Apocalipsis 21:2

Ricarä mushoj Jerusalén siudätapis Tayta Diospa ñaupanpita bäjaycämojta. Casarananpaj mushoj röpan jatisha jipashno cuyayllapaj caycaran.

Zacarías 3:4

Chaura chay anjilga yanapajnincunata niran Josué jatiraycashan ganra röpacunata lojtipänanpaj. Nircorga Josuëta niran: «Ricashayquinöpis llapan juchayquitanami jorgushcä limyuna canayquipaj. Cananga mandashaj limyu röpatana jatipäshunayquipämi» nir.

Isaías 51:9

¡Ricchayna ari Tayta Dios! Fiyupa munayniyoj cashayquita musyacächiyna ari. Mas unay caj watacuna rurashayquino, unay caj runacuna cawashan wichan rurashayquino rurayna ari. Gammi illgächishcanqui lamarcho caycaj waräcuy Rahabtapis.

Isaías 35:8

Chunyaj chaqui jirca cashan chaupinpana näni caycangapaj. Chay nänipa jutinmi canga «Rispitädu näni». Juchanpita manaraj limyu cäga manami chaypa aywangapächu. Mana tantiyaj upacunaga manami chaypa aywangachu.

Isaías 48:2

Gamcunaga «rispitädu siudäpitami cä» nircaycanqui. Chayno nishpayquimi Israelpa Diosninman yäracunqui. Paypa jutenga munayniyoj Tayta Diosmi.

Romanos 13:14

Chaypa ruquenga Jesucristupa maquincho caway-llapa. Amana yarpachacuynachu shonguyqui munashanta ruranayquipäga.

Mateo 4:5

Chaypitana Satanasga Jesusta pusharan Jerusalenman. Chaychöna Templupa mujinëti puntanman wicharcachir

Nahúm 1:15

¡Judá runacuna, masqui ricay! Willacoj maynami jircacunapa aywaycämun alli goyay cananpäna willapata apamushpan. Diosta adurana fistayquicunata rurayna. Tayta Diosta aunishayquicunatapis cumliyna. Yapayga imaypis manami fiyu runacunapa munaynincho canquipänachu. Chay fiyu runacunaga ushajpänami ushacasha.

Efesios 6:10

Ermänucuna, Jesucristo fiyupa munayniyoj car yanapäshushayquiwan sumaj callpachacuy ari.

Isaías 61:10

Tayta Diosnëga salbamashami. Llapanchöpis allichömi jorgamasha. Chayno yanapämashanpitami cushicö. Almäpis fiyupa cushicun. Cananga caycä casarananpaj mösu alli rucacusha caycajnömi, u casarananpaj caycaj jipash camaränanpaj bisticusha caycajnömi.

Isaías 60:21

«Marcayquichöga alli runacunallanami tiyanga. Chaychöga paycunallami imaycamapis tiyacongapaj. Paycunami caycan lantashä lantapita chillguimojcunaga. Paycunataga quiquëmi churashcä munayniyoj cashäta juccunata musyachinäpaj.

Isaías 26:2

Siudäpa puncunta quichay-llapa. Chaypami yaycamonga Tayta Diosta wiyacoj runacuna, payman yäracoj runacuna.

Isaías 1:21

Ñaupata alli goyaj Jerusalén runacuna, imanöshi pirdicashcanqui. Ñaupataga llapaniquimi rasun cajllata rurarayqui. Allillata rurarmi goyarayquipis. Cananga llapaniquipis wañuchicojllamanmi ticrashcanquipis.

Nehemías 11:1

Judá nasyunpa mandajnincunaga llapanpis tiyaran Jerusalencho. Waquin caj famillyacunana surtita jitaypa acranacuräcuna chuncaj casädupita juc casädu jinan Jerusalencho tiyananpaj, isgun caj casäducunana marcancunacho-cama tiyananpaj.

Éxodo 28:40

Aaronpa wamrancunapaj rurachinqui päsaypa largu röpacunata, labur wachcuncunata, shucullpincunata, chayta jaticur camaränanpaj, rispitädu cananpaj.

Éxodo 28:2

Wauguiqui Aarón rispitädu cüra cashpan jaticunanpaj rurachinqui cuyayllapaj camarajlla röpata.

Apocalipsis 19:14

Paytami aywäshimuran yuraj cawallun muntasha janaj pachapita caj suldärucuna. Paycunaga lïnupita fïnu yuraj röpan jatishami caycaran.

Apocalipsis 19:8

Chay jipashtami lïnupita achicyaycachaycaj fïnu röpata jaticunanpaj camaripasha.» (Chay fïnu lïnu röpaga Tayta Diosman yäracojcuna allicunata rurashancunami caycan.)

Efesios 4:24

Mushoj runanöna cay-llapa. Tayta Diosninchëga ruramashcanchi Pay munashanno allita rurar, juchata mana ruraypa, rasun cajllata rurar cawananchïpämi.

Lucas 15:22

«Chayno niptinpis papänenga uywaynincunata nisha: ‹Juclla mas alli caj röpata jorgaraycamur wamräta rucapay. Churaraycaj surtïjatawan llanguitapis jatipay.

Hageo 2:4

¡Imano captinpis balurchay Zorobabel! ¡Cüracunapa mandajnin Josué balurchay! Cay nasyuncho tiyaycajcunapis llapaniqui balurchay. Aruy-llapa. Gamcunawanmi noga caycä. Noga munayniyoj Tayta Diosmi chayno në.

Ezequiel 44:9

«Chaypitami noga Tayta Dios në: Templömanga manami yaycongachu Israelcunacho tiyaycaj mana wiyacamaj, mana señalacoj caj jäpa runacunaga.

Romanos 3:22

Pï captinpis Jesucristuman yäracuptenga Tayta Diosninchi perdunar salbanmi.

Daniel 10:9

Nogaga chay runa parlashanta wiyar chiyacäcur lätacaypa pampaman tunirä.

Jeremías 31:23

Israelcunapa munayniyoj Tayta Diosnin nin: «Judá runacunataga cutichishaj ñaupata tiyashan partimanmi, siudänincunamanmi. Chaycho tiyajcunaga yapaynami parlangapaj: ‹¡Alli goyay caycashan rispitädu jircaman Tayta Dios bindisyunninta churaycuchun!› nir.

Isaías 61:3

Sioncho llaquicuycajcunata shoganäpaj: pengacuycashanpa ruquin corönatana jatipänäpaj, llaquicuycashanpa ruquin cushicuyta tarichinäpaj; wagaycashanpa ruquin cushicur cantananpaj. Chaymi paycunataga nengapaj «Sinchi guerucuna» nir. Paycunaga caycangapaj Tayta Dios munayniyoj cashanta juccunata musyachinanpämi.

Isaías 1:26

Unay alli juezniqui cashannömi yapay alli juezniquicuna canga. Tantiyachishojniquicunapis unay cashannömi yapay canga. Chayno noga camacächiptëga yapaymi nishunquipaj: ‹Jerusalenchöga alli runacunami tiyan› nir, ‹Diosninta wiyacoj runacunami› nir.»

Salmos 110:3

Pillyashayqui junaj mandashayqui runacunaga gam cajmanmi shuntacämonga. Chay runacuna gampäga canga pacha waraptin shullay caycajnömi.

Efesios 5:14

Chaymi llutan rurajcuna tantiyacunanpaj rimaypis cayno nin: «Puñuycajcuna ricchay. Wañushacuna caycashanpita jatarimuy. Jesucristunami achquipäshunquipaj.»

Apocalipsis 11:2

Templupa wajtancho caj sawantaga ama tupumunquichu. Chay sawantaga cachaycushcä mana wiyacamaj runacuna munashanta ruracunanpämi. Paycunami chuscu chunca ishcay quillantin Jerusalencho tiyaj runacunata munaynincho chararanga.

1 Crónicas 16:29

Tayta Diosta rispitanapaj cashanno rispitay-llapa. Garayniquiwan paypa ñaupanman yaycuy. Cuyayllapaj wasincho aduray.

Isaías 4:3

Chaura Sión lömacho quëdajcunata, mana wañur Jerusalencho tiyaj cajcunata «Paycunaga Dios acrashan runacuna» nengami. Paycunaga cawananpaj apuntasha cajcunallami canga.

Isaías 49:18

Masqui sumaj intërupa ricachacuy. Ricay, imanöshi Israelcunaga shuntacarcaycan. Nircorga gammanna cuticaycämun. Noga Tayta Diosmi jurar cayno në: Paycunaga llapanpis cangapaj cuestaj aläjacunata churacushayquinömi, casarananpaj jipash cuyayllapaj adurnucunata jaticushannömi.

Isaías 64:10

Rispitädu siudäniquicunaga chunyajman ticrashami caycan. Jerusalenga pasaypa juchusha ragällanmi caycan.

Joel 3:17

Acrashan runacunata Tayta Dios niran: «Chay junaj chayamuptin gamcuna tantiyacunquipaj noga Tayta Diosniqui cashätami. Nogaga tiyashaj Templö caycashan Sión lömachömi. Chay Jerusalén siudäga cangapaj acracushä siudämi. Jäpa runacuna yapayga chay siudäta manami imaypis munaynincho chararanganachu.

Isaías 60:1

Tayta Dios cayno nin: «Jatariy Jerusalén. Achquiga chayamushanami. Munaynëmi gamcho achicyaycan.