Isaías 51:9 - Tayta Diosninchi Isquirbichishan

⁹ ¡Ricchayna ari Tayta Dios! Fiyupa munayniyoj cashayquita musyacächiyna ari. Mas unay caj watacuna rurashayquino, unay caj runacuna cawashan wichan rurashayquino rurayna ari. Gammi illgächishcanqui lamarcho caycaj waräcuy Rahabtapis.

Isaías 51:9 Referans Kwoze

Isaías 52:1

Sión, ricchayna ari. Sumaj callpachacuy. Rispitädu Jerusalén siudä, achicyaypa achicyaj caj röpayquitana jaticuy. Jäpa runacunawan ganra runacunaga pillyaj manami gamman yaycamongapänachu.

Isaías 27:1

Chay junajmi Tayta Diosga manchariypaj, jatuncaray sablinwan castiganga Leviatán waräcuyta. Culebrano pillguypa-pillgur aywaycaj Leviatantami castiganga. Lamarcho caycaj waräcuytapis wañuchengami.

Salmos 89:10

Lamarcho manchacuypaj caycaj waräcuytapis wañusha runatanöllami ñitirishcanqui. Chiquishojcunatapis munayniquiwanmi mashtaypa mashtarishcanqui.

Isaías 30:7

Chay nasyonga munayniynajmi. Yanapänanpäpis manami camäpacunchu. Chaymi chay nasyuntaga jutichapashcä: «Ima ruraytapis mana camäpacoj nunayllu» nir.

Ezequiel 29:3

cayno ninqui: ‹Caynömi Tayta Dios nin: « ‹Egiptupa raynin faraón, cananga nogami contrayqui ricacö. Gamga canqui jatuncaray waräcuy mayu yacullacho tiyacojnömi. Chayno carmi ninqui: «Nilo mayuga nogapami. Nogami rurashcä» nir.

Isaías 51:17

Jerusalén, apurä ricchay ari. Juclla jatariy. Gamga Tayta Dios castigacunan cöpacho caycajtami upushcanqui. Juc runa cöpata charir ushajpaj upucurcur fiyupa machasha cashannömi ñacashcanqui.

Salmos 44:1

Tayta Dios, quiquëcunami wiyarä. Papänëcunapis willapämaran paycuna caycashan wichan rurashayquicunata, päsaj watacunacho rurashayquita.

Job 26:12

Munayniyoj cayninwanmi lamarta manshuyächisha. Waräcuy Rahabtapis yachaj cayninwanmi binsisha.

Salmos 7:6

¡Tayta Dios! ¡Chiquimajcunawan rabyasha pillyay ari! ¡Alli arriglanayquipaj nisha caycarga faburnë jatariy ari Tayta Dios!

Habacuc 3:13

Gamga shamushcanqui sirbishoj runacunata yanapänayquipämi. Shamushcanqui quiquiqui acrashayqui rayta yanapänayquipämi. Mana allita ruraj runacunapa mandajnintaga ushashcanquimi. Chay fiyu runa mandashan nasyuntapis pasaypami ushashcanqui. Selah

Isaías 62:8

Tayta Diosga munayniyoj cashpanmi juraran. Jurar niran: «Mananami imaypis camacächishänachu rïguyquita chiquishojcuna apacunantaga, ni ñacar rurashayqui bïnuyquita juc-lä runacuna upucurcunantapis.

Salmos 93:1

¡Tayta Diosmi ray! ¡Tayta Diosga achicyaypa achicyaycaj röpashami caycan! Payga munayniyoj cayninwanmi fiyupa achicyacurcusha. Paymi cay mundutapis sumaj tacyachisha mana cuyucunanpaj.

Salmos 87:4

Tayta Diosmi parlasha: «Rejsimaj nasyun runacunaga carcaycan Egipto, Babilonia, Tiro, Etiopía, Filistea runacunami. Chay nasyun runacunaga Jerusalén runacunanömi.»

Salmos 44:23

Tayta Dios, ¿imanirtaj puñucunqui? ¡Ricchayna ari! ¡Ricchayna! Para-simriga ama witicuychu ari.

Apocalipsis 12:9

Chay dragonga caran dyablu nishan Satanasmi. Paymi llapan runacunata llutanta rurachej unay culebra caycan. Chaymi Satanasta llapan gatirajnincunatawan janaj pachapita gargamuran.

Apocalipsis 11:17

«Munayniyoj Tayta Dios, gamtami agradësicö. Gamga unaypita-pacha cawajmi canqui, cananpis caycaj, [shamunanpaj caycajmi] caycanqui. Llapanta munayniquichömi chararaycanqui. Cananga gamnami mandayta gallaycushcanqui.

Lucas 1:51

Munayninwanmi rurasha fiyupa almiraypajcunata. Munayniyoj-tucojcuna yarpashancunatapis manami camacächishachu.

Isaías 53:1

¿Piraj riguiran noganchi willacushanchïtaga? Tayta Diosga ¿pitataj munayniyoj cashanta musyachisha?

Isaías 51:5

Wallcanami pishin salbanäpaj. Manapis aycällatanami munaynëwan llapan nasyun runacunata mandashaj. Lamar cantun nasyuncho tiyaj runacuna nogallamanmi yäracamonga. Munayniyoj cashallämanmi yäracamonga.

Salmos 78:65

Chay örami runa puñushanpita riccharamojno Tayta Dios jataricurcuran. Bïnuwan machashanpita pillyaj runa paucar jataricurcojno

Salmos 21:13

¡Tayta Dios munayniyoj cashayquita llapanta musyaycachiy! ¡Chaypitami nogacunaga cushicur alabansacunawan alabashayqui!

Jueces 6:13

Chaura Gedeonga niran: «Ama rabyacunquichu Tayta. Tayta Dios yanapaycämaptenga ¿imanirtaj llapan disigrasya chayaycäman? Unay caj awilöcunaga ‹Tayta Dios Egiptupita jorgamar tucuy milagrucunatami ruraran› nimaranchaj. Cananga ¿imanirtaj milagrucunata mana ruranchu? Tayta Diosga gongaycäramashami. Cachaycamasha Madián runacunapa munayninmanmi.»

Deuteronomio 4:34

Ricashayquinöpis Egiptucho fiyupa ñacaycajtami Tayta Diosga milagrucunata rurashpan, guërrata rurashpan, manchariypaj castigashpan yanapäshurayqui Egiptupita yargamunayquipaj. Gamcunata Tayta Dios yanapäshushayquinöga manami maygan diospis ima nasyun runacunatapis yanapashachu.

Juan 12:38

Manami riguiranchu profëta Isaías rimashan cumlinanpaj cajtapis. Chay rimashanga caynömi caran: ¿Piraj riguiran noganchi willacushanchïtaga? Tayta Diosga ¿pitataj munayniyoj cashanta musyachisha?

Salmos 59:4

Nogaga allillatami rurashcä. Imatapis mana ruraycaptëmi wañuchimänanpaj juracuycan. ¡Apuray! ¡Yanapämay! ¡Masqui ricäramay imano caycashätapis!

Éxodo 6:6

«Chaymi gamga Israel-masiquicunata willanqui uyway caycashanpita, fiyupa ñacay aruycunacho caycajtapis, Egiptucunapa munaynincho caycashanpitapis noga Tayta Dios jorgunäpaj cashanta. Munayniyoj cashäta musyachishpämi jorgushaj. Almiraypajcunata rurarmi Egiptucunataga castigashaj.

Job 9:13

«Tayta Dios rabyacurcorga manami fäsi alliyanchu. Rahabta yanapajcunapis paypa ñaupanmanmi gongurpacun.

Salmos 77:5

Ñaupa watacunapaj, unaycunapaj yarpärë.

Isaías 52:10

Llapan nasyun runacunapa ricay ñawinchömi Tayta Diosga munayniyoj cashanta musyachisha. Chaynöpami Tayta Diosninchi salbamashanchëga intëru cay pachacho mayacanga.

Zacarías 2:13

Tayta Diospa ñaupanchöga pï-may runacunapis upällalla cacuchun. Noganchïman payga shamun fiyupa rispitäducho tiyaycashan janaj pachapitami.

Zacarías 10:11

Lamarta päsajnömi ñacaycunacho goyanga. Chaypis lamarpa pullchajyaynincunaga manami imatapis rurangachu. Nilo mayutapis ushajpämi chaquirachishaj. Asiria runacuna alli chölu-tucoj cashantapis manacajmanmi churashaj. Egipto runacuna munayniyoj caycashantapis illgächishämi.

Salmos 44:2

Quiquiquimi mana rispitashojcunatapis jitarirayqui. Jäpa runacunata illgächirayqui. Chaymannami awilöcunata tiyachirayqui.

Salmos 44:24

¿Imanirtaj pacacunqui? ¿Imanirtaj nogacunataga gongaycamashcanqui? Masqui ricay, imanöshi ñacaycächiman.

Salmos 89:11

Syëlupis cay pachapis gamllapami. Gammi camashcanqui mundutapis, munducho caycajcunatapis.

Miqueas 7:15

Nogacunatapis milagrucunata ricachimay. Egiptupita jorgamushpayqui ricachishayquino ricachimay.

Hechos 7:7

Chaynöpis Tayta Dios niran: ‹Ñacachej nasyun runacunataga castigashämi. Gampita miraj runacunatami ichanga jorgacamushaj cay particho sirbimänanpaj.›