Isaías 51:5 - Tayta Diosninchi Isquirbichishan

⁵ Wallcanami pishin salbanäpaj. Manapis aycällatanami munaynëwan llapan nasyun runacunata mandashaj. Lamar cantun nasyuncho tiyaj runacuna nogallamanmi yäracamonga. Munayniyoj cashallämanmi yäracamonga.

Isaías 51:5 Referans Kwoze

Isaías 46:13

Nogami camacächishaj salbanäpaj caycäga juclla chayamunanpaj. Salbanäpäga manami aycäpis pishinnachu. Sión runacunataga nogami salbashaj. Quiquëmi Israelchöpis caycäshaj.»

2 Corintios 5:10

Llapanchïmi Jesucristupa ñaupanman chayashunpaj imano cawashanchïpitapis pay jusgamänanchïpaj. Chaychömi premyuta chasquishunpaj cay pachacho imano cawashanchïpitapis.

Isaías 60:9

Chaycunaga shuntacasha aywarcaycämoj büquicunami. Ñaupa puntantanami Tarsis büquicuna aywaycämun. Chay büquicunaga wamrayquicunatami gorintawan guellaynintawan-cama fiyupa carupita apaycämun. Paycunaga aywaycämun Jerusalencho fiyupa almiraypajcunata rurashäpita aduramänanpämi. Nogaga Israelcunapa Santo Tayta Diosninmi caycä.

Isaías 42:4

Payga manami jamayta tarengachu cay pachacho alli goyay cananpaj manaraj arriglashancama. Lamar läduncho caj nasyun runacunapis pay yachachishanta wiyananpämi shuyaraycan.»

Romanos 2:16

Chaura noga alli willacuyta willacuycashäga tantiyachimanchi llapan runacunata Jesucristuwan Tayta Dios jusgachinanpaj cashantami. Chay junäga runacuna pacayllapa yarpashantapis Tayta Dios jusgangami.

Hechos 17:31

Tayta Diosga maynami juc runata acrasha juc junaj llapan runacunata ima rurashanpitapis jusgananpaj. Acrashanta musyananchïpämi chay runataga wañushanpita cawarachimusha.»

Lucas 24:47

Chaycuna cumlishana captinmi runacunata willapänayqui ‹Jucha rurashayquipita arpinticur Tayta Dios munashannöna caway. Chayrämi llapan jucha rurashayquipita perdunashunqui› nir. Jerusalenpita gallaycur may-chaypapis aywar llapan runacunata willapanqui.

Marcos 16:15

Cananpitaga intërupa ayway llapan runacunata alli willacuynëta willapänayquipaj.

Mateo 28:18

Disïpuluncuna caycashanman witiycurna Jesús niran: «Tayta Diosga maquëman llapantami churasha cay pachacho cajtapis syëlucho cajtapis.

Mateo 3:2

Chaychömi willacuran: «Tayta Diospa maquincho cawananchi timpu chayamushanami. Chaymi juchayquicunapita arpinticuyna-llapa» nir.

Sofonías 2:11

Llapan dioscunata illgächishpan chay nasyun runacunataga Tayta Dios fiyupami mancharachengapaj. Intëru munducho tiyajcunapis Tayta Diosllatanami adurangapaj. Chaura may-chaychöpis payllanami adurasha cangapaj.

Joel 3:12

Llapan nasyuncho tiyaj runacuna llapayqui camaricuy. Nircorga ayway Josafat guechwa pampaman. Chaychömi Tayta Dios jusgaj-aywan Israelpa bisïnun nasyun runacunata.

Isaías 63:5

Ricachacurishpä manami pitapis ricarächu yanapämänanpaj shamojta. Yanapämänanpaj pipis mana captin almirasha ricacurä. Ichanga quiquëmi munayniyoj cashpä llapanchöpis alli llojshishcä. Rabyallawanmi llapanta usharishcä.

Isaías 56:1

Tayta Dios cayno nin: «Rasun cajllata ruray-llapa. Alli cajllata ruray-llapa. Manapis aycällatanami salbashaj. Chayno salbashpämi munayniyoj cashäta musyachishaj.

Isaías 49:1

Lamar cantuncho caycaj nasyun runacuna wiyamay. Caru nasyun runacuna nishäta sumaj tantiyacuy: Manaräpis yuriptillänami Tayta Diosga gayamaran. Mamäpa pachallanchöraj caycaptillänami nogapa jutëta rimaran.

Isaías 40:10

Tayta Diosga fiyupa munayninwanmi chayamoj-aywan. Munayniyoj carmi llapanta maquincho chararanga. Juccunapa munaynincho caycajta shuntarcurmi acrashan runacunataga pushaycämun.

Salmos 98:9

Shaycämoj Tayta Diospa ñaupancho cantay-llapa. Tayta Diosga llapan runacunata jusgananpämi shaycämun. Payga llapantapis iwalmi arriglanga.

Salmos 85:9

Tayta Diosga jananchïchönami caycan rispitajcunata salbananpaj. Payga cay pachacho noganchïwanmi imaypis caycanga.

Salmos 67:4

Llapan nasyuncunachöpis cushicuypita gaparpächun, gam llapan runacunatapis alli mandashayquipita. ¡Gammi mandaycanqui cay pachacho caj llapan nasyuncunataga! Selah

1 Samuel 2:10

Tayta Diosga chiquejcunata illgächengami. Paycunataga syëlupita-pachami räyuwan ushachenga. Tayta Diosga llapan runatami jusganga. Acrashan raytanami munayniyojyächenga. Waquinpita mas munayniyoj cananpaj yanapanga.»

Deuteronomio 30:14

Chaypa ruquin canan willapashä mandamintucunaga umayquicunacho, shonguyquicunachömi caycan.

Salmos 110:6

Runacunata paymi jusganga imano rurashanpitapis. Gotuyninpami wañuycachenga. Cay pachacho cajtaga achcajpatami umantapis paquirgärenga.

Salmos 96:13

Shaycämoj Tayta Diospa ñaupancho cantay-llapa. Tayta Diosga llapan runacunata jusgananpämi shaycämun. Payga llapantapis allimi arriglanga.

Isaías 11:11

Chay wichanga Tayta Dios yapaymi acrashan runacunata shuntanga. Cutichimonga Asiriapita, Egiptupita, Patrospita, Etiopiapita, Elampita, Sinarpita, Hamatpita, lamar cantunpa caj nasyuncunapitapis.

Isaías 24:15

May-chaychöpis Israelcunapa Tayta Diosnintaga rispitashpan alabangami.

Isaías 26:4

Imaypis Tayta Diosllaman yäracuy-llapa. Payga mana ushacaj gaganömi.

Isaías 33:2

Tayta Dios, nogacunataga cuyapaycamay ari. Nogacunaga gammanmi yäracaycämö. Cada tuta yanapaycamay ari. Ñacaycunacho caycashä örapis salbaycamay ari.

Isaías 33:22

Chay büquicunapa wascancunapis manami watarangapächu guerun ichirajcunaman. Wayra tangananpaj bëlunpis manami mashtacangachu. Chaynöga cangapaj Tayta Dios juezninchi captinmi. Paymi caycan layninchïta ruraj; Paymi rayninchïpis. Paymi salbamäshunpaj. Chauraga chiquinacushanchïpa ima-aycantapis aypallatami guechushunpaj. Guechurcur raquipänacushaga gapracunapis chasquengami. Wegrucunapis yaycongapämi ima-aycantapis guechur apacunanpaj.

Isaías 54:17

Ichanga gamta illgächishunayquipaj manami pipis pillyanacunata rurashachu. Achäquita ashipäshojcunataga llapantami upällachinquipaj. Chaynömi canga nogata sirbimajcunapäga. Chaynöpami nogaga salbashaj.» Tayta Diosmi chayno nin.

Isaías 59:16

Chayno caycajta pipis mana michajta ricarmi Tayta Diosga fiyupa almiraran. Chaura munayniyoj cashanta llapanta musyachinanpaj quiquinmi camaricuran.

Isaías 62:11

Cay pachacho juc cuchupita juc cuchucamami Tayta Diosga Sión siudäta willachisha: «Salbashojniquega chayamushanami. Juccunapa munaynincho caycajta guechurcurmi Tayta Diosga acrashancunata shuntaycämun» nir.