Isaías 5:29 - Tayta Diosninchi Isquirbichishan

²⁹ Shamoj runacuna gaparashanpis wiyacaycan liyuncuna gaparashanno, gaparar micunanpaj cäsata charejno, pipis guechuyta mana puydiptin micunanpaj apacojnömi.

Isaías 5:29 Referans Kwoze

Zacarías 11:3

Uyshërucunaga gaparayparämi wagarcaycan, cuyayllapaj guewancuna ushajpaj illgasha captin. Jordancho fiyupa juntasha caycaj jachacuna ushajpaj illgasha captinmi liyunpis wagaycan.

Miqueas 5:8

Chaynöpis Jacobpita miraj quëdajcunaga intëru nasyuncunachömi aypacasha caycangapaj. Animalcunacho manchacuypaj liyun caycajnömi caycangapaj. Liyonga uyshacunata charishpan rachir-usharinmi. Cawaycajtaga manami ni jucnayllatapis cachaycunchu.

Isaías 42:22

Ichanga Tayta Dios acrashan runacunata suwaparcaycan, guechurcaycanmi. Llapantami prësu charisha. Calapösumanmi wichgaycusha. Llapan ima-aycantapis guechurcaycan. Paycunata washänanpäga manami pipis canchu. Ima-aycanta guechuptinpis manami pipis canchu «cutichiy» ninanpaj.

Sofonías 3:3

Mandajniquicunaga caycan liyuncuna gaparpajnömi. Juezniquicunapis caycan chacaypa cäsata ashiycaj atojcunanömi. Paycunaga cäsata charishpan waranninpaj imantapis mana cachaycojnömi carcaycan.

Amós 3:8

Liyun wagamuptenga ¿piraj manchariyllawan mana sicsicyanmanchu? Willacunanpaj pitapis Tayta Dios niptenga ¿piraj mana willacunmanchu?

Oseas 11:10

«Gamcunaga nogatami wiyacamanquipaj. Noganami liyun gaparajno parlamushaj. Liyun gaparajno parlaptëmi nogapa cajcunaga inti yaganan caj-läpita sicsicyaycar shamongapaj.

Jeremías 51:38

Babiloniacunaga liyuncuna gaparpajnömi gaparpanga. Liyun-mallwacunanörämi aullarcaycanga.

Jeremías 50:17

«Israelcunaga caycaran jircacho ogracasha uysha caycajnömi. Chayno caycaptinmi rimëruga Asiriapa raynin micucoj liyunno shamuran. Chaypitaga Babiloniapa raynin Nabucodonosorna usharinanpaj shamuran.

Jeremías 49:19

Jordán mayu cantun shatapita liyun llojshir alli guewa caycashancho animalcuna caycajman aywajnömi nogaga illajpita shamushäpaj. Chaura Edom runacunaga manchacamashpan gueshpirmi aywaconga. Nircurna camacächishaj acrashä runa paycunapa mandajnin cananpaj. ¿Piraj nogamanga tincunman? ¿Piraj nogawan churacanman? ¿Pï michicojraj nogata ichipamanman?

Jeremías 4:7

Puñunancho caycashanpita cäsata ashej liyun aywajnömi nasyuncunata ushajpaj illgächej aypalla suldärucuna aywaycämun. Nasyunniquicunata illgächinanpämi aywarcaycämun. Paycunami siudäniquicunatapis ragällan chunyajta cachayconga.

Isaías 31:4

Tayta Dios nimaran: «Juc liyun uyshata wañuycachiptin, llapan uyshërucuna shuntacaycur manchachinanpaj gaparpaptinpis liyonga manami manchacunnachu. Chaynömi shamonga munayniyoj Tayta Diosga Sión lömacho caycaj acrashan runacunata washänanpaj.

Isaías 10:6

Paytami cachä acrashä juchasapa runacunata magananpaj. Rabyachimaj nasyun runacunamanmi cachä. Chayman cachä ima-aycantapis suwapänanpaj, guechunanpaj, cällicho caycaj mituta-jina lluchcargärinanpämi.

Salmos 50:22

«Nogata mana yarpämajcuna, sumaj tantiyacuy. Illajpitami gamcunataga ichic-ichicllaman rurarishayqui. Chauraga manami pipis salbashunquipächu.

Números 24:9

Liyun cäsata charinanpaj llupucuycojnömi caycan. Pipis rimapayta manchacunmi. ¡Israelcuna, gamta bindisyunta goshojcunataga Tayta Diospis bindisyuntami gonga! ¡Maldisyunta goshojcunatami ichanga maldisyunanga!»

Génesis 49:9

Judá, gamga canqui juc manta liyun cäsata charircur cutimojno; micunanpaj pampaman lätacuycojno. Chayno caycaptiquega ¿piraj gamta rabyachishunquiman?

Isaías 35:9

Chaychöga manami tiyangachu liyuncuna. Micucoj animalcunapis manami chaymanga yaycongachu. Chay nänipaga salbacusha cajcunallami cutimonga.

Isaías 47:15

Chaynömi ushacanga brüjuyquicunaga. Wamra cashayquipita-pachami paycunawanga parlacurayqui. Cada-ünunmi quiquin munashanno llutancunata rurasha. Salbashunayquipäga manami pipis cangapächu.»

Nahúm 2:11

Cananga ¿maytaj liyuncunapa tiyanan machay? ¿Maytaj liyun-mallwacunapa tiyanan uchcu? ¿Maytaj liyuncunapis, liyun-mallwacunapis jauca goyänan parti? ¿Maytaj pipis mana manchachiptin goyashan caj parti?

Jeremías 2:15

¿Imanirtaj paycunamanga contrancuna sinchipa gaparpar liyunnöraj yaycun? Paycunapa nasyunnintaga cachaycärisha ragällatami. Llapan siudänincunatapis rupaycachishami. Chaychöga manami pipis tiyannachu.