Isaías 5:22 - Tayta Diosninchi Isquirbichishan

²² Ay imanöraj canqui waran-waran upyallar cacojcuna, machächicojcunata rurayllapaj callpayojcuna.

Isaías 5:22 Referans Kwoze

Isaías 5:11

Ay imanöraj canqui upyallapaj yarparaycar warämojcuna, machashalla chacarpärejcuna.

Habacuc 2:15

«¡Ay imanöraj canqui juccunata machächejcuna! Gamcunaga bisïnuyquicunata machächishcanqui upatächicojcunawan bïnuta tacurcachir upuchishpayquimi. Chayno rurashcanqui galallata ricar cushipänayquipämi.

Isaías 28:7

Cananga cüracunawan profëtacunapis machächicojcunata achcata upucurcushpanmi tuni-tuni purircaycan. Tayta Dios willapaycashan örapis tuniycacharcaycan. Dimandacojcunatapis machashami arriglaycan.

Isaías 56:12

Paycunaga nin: «Upyananchïpaj bïnuta, machächicojcunata ashej aywashun. Canan rurashanchïno warapis rurashun. Capas masllaräpis rurashun.»

Éxodo 23:8

«Autoridä captiqui faburnin canayquipaj pacayllapa guellayta pägayta munashuptiquipis ama chasquinquichu. Guellayta chasquej cäga ricacun gapranönami. Chaymi rasun cajtapis manana cäsupannachu. Chaynöpami guellay chasquëga juchaynajtana ‹juchayoj canqui› nir castigan.

Proverbios 20:1

Machacurcorga runacuna alli chölu-tucunmi. Upyacarcärerga quiquin-purami rimanacun. Machashaga manami pipis yarpayninchöchu.

Proverbios 23:29

¿Pitaj ñacan? ¿Pitaj nanächicun? ¿Picunataj rimanacullar, wagallar goyan? ¿Piraj pitapis mana gallaripaycällar malubracun? ¿Picunaparaj ñawinpis yawartasha?

Proverbios 31:4

Lemuel, manami allichu mandajcunapis ni raycunapis alläpa upyallaman chayaptenga.

Isaías 22:13

Chaypis gamcunaga munashayquicunata rurar cushicullarmi carcaycanqui. Wäcacunata, uyshacunata pishtar, aychata micur, bïnuta upullarmi carcaycanqui. Gamcunaga nircaycanqui: «Cawashanchïyaj micucushun, upucushun; waranachari wañucushunpis» nir.

Isaías 24:9

Birsushpan manami bïnuta upyanganachu. Upyajcunapäga machächicojcunapis ashgajmanmi ticracurenga.

1 Reyes 20:16

Llapan camaricarcärir llojshiran las-dösi. Ben-adadnami jinalla upyarcaycaran quimsa chunca ishcaynin (32) yanapajnin raycunawan ramädacho.

Proverbios 31:5

Machacurcorga laycuna niycashantapis gongaycunmanmi. Chayno gongaycorga ñacaycajcunata mananami alliga ricanganachu.