Isaías 48:3 - Tayta Diosninchi Isquirbichishan

³ Paymi cayno nin: «Unay imano cashantapis manaraj päsaptinmi willacachirä. Quiquëmi musyachirä. Illajpitami rurarä. Chauraga willacachishänöllami rasunpa llapanpis caran.

Isaías 48:3 Referans Kwoze

Isaías 42:9

Masqui yarpachacuy. Ñaupata willacachishäcunaga llapanmi cumlishana. Cananga yapaymi juc willacuycunatana willacachishaj. Gamcunataga musyaycächë manaraj imapis captinmi.»

Isaías 41:22

Ñaupa caj watacunacho imano ima cashantapis tantiyachimächun. Shamoj watacunacho ima cananpaj cajtapis willamächun. Chaura nogacunaga musyashänami imano cananpaj cashantapis.

Josué 21:45

Israelcunata unay aunishantaga llapantami Tayta Dios cumliran. Juc shimilla imapaj nishantapis manami gongaranchu.

Isaías 45:21

Mä rimacuy. Imata yarpashayquitapis nimay. Jucniqui-jucniquipis tapunacur parlacuy: ¿Pitaj gallarinallanchöna niran cayno cananpäga? ¿Pitaj unayna willacachiran? ¿Manachu noga Tayta Dios chaycunataga willarä? Nogapita mas juc diosga manami canchu. Nogapita mas jucga manami canchu allita ruraj, imapitapis salbäga.

Isaías 43:9

Llapan nasyun runacuna shuntacay. Llapan marca runacuna shuntacay. Chaycho caycajcuna ¿mayganraj rimir-puntata rimaran acrashä runacunata yanapänäpaj cashanta? Chayno cananpaj rimasha cashpanga mä testïgucunata pushamuchun. Mä chay testïgucuna nichun paycuna willacushanta. Wiyaj cäga llapanpis ‹¡Au, rasunpa nishannömi casha!› nengami.»

Isaías 37:7

Nogami camacächishaj willapa chayaptin cuticunanpaj. Chaura nasyunninman cuticongapaj. Chaychönami camacächishäpaj sabliwan wañuycachinanpaj› nir.»

Isaías 37:29

Nogapa conträ jatarir rabyar fiyupa ollguycashayquita wiyashcämi. Chaypitami sengayquiman churashaj juc arguyllata. Shimiquimannami frënuta churashaj. Nircorga shamushallayquipami cutichishayqui.› »

Isaías 29:5

Ichanga mana yarpashapitami Noga munayniyoj Tayta Diosga chiquishojcunata castigashaj. Paycunataga castigashaj räyuwan, timlurwan, löcu wayrawan, löcu tamyawan. Chay aypalla chiquishojcunaga quëdangapaj ñuchu allpamanno ticrashami. Aypalla gaticachäshojcunaga cangapaj chaqui pangata wayra apashanömi.

Isaías 30:13

Chaypitami gamcunaga juchayoj canqui. Juchayquega altu perga shillisha caycajnömi caycan. Perga shillicar mana yarpashapita amicäcojnömi canga.

Isaías 41:27

Nogami gallarinanpita-pachapis Sión runacunamanga willacachirä. Nogami Jerusalenmanpis alli willapata willacoj cacharä.