Isaías 47:13 - Tayta Diosninchi Isquirbichishan

¹³ Willapäshojcunaga aypallami casha. Asta yamacänayquicamami casha. ¡Cananga mä shamuchun ari goyllarta estudyajniquicuna, cada quilla imano cananpaj cajtapis willashojcuna! ¡Nircur paycuna mä salbayta camashunqui ari!

Isaías 47:13 Referans Kwoze

Isaías 44:25

Nogaga manami camacächëchu llulla profëtacuna ‹caynömi, wacnömi canga› nishanno cananpäga. Nogami camacächë musyacojcunapapis manana yarpaynin cananpaj. Nogami camacächë yachajcuna jucnin nishan jucnin nishanwan mana tincunanpäpis. Yachashancunapis imapäpis mana bälejna cananpaj camacächë.

Ezequiel 24:12

Ichanga yangami chayno ninawanpis wayllachishcä. Oxidashanga ninawanpis manami illgashachu.

Jeremías 51:58

Munayniyoj Tayta Diosmi nin: «Babilonia siudäpa intëru cantunpa anchu pergan caycajtapis ushajpämi juchurachenga. Jatun puncuncunatapis llapantami ruparachenga. Llapan nasyun runacuna arur ñacashanpis yangallami canga. Chay-jina uticar arushantapis ninami rupar ushacurconga.»

Isaías 57:10

Chay-jina purishpayquimi uticarayqui. Ichanga manami nirayquichu ‹yangallapämi ashinchi› nir. Sïguir ashinayquipäga imanöpapis balurcharayqui. Chaynöpami mana yamacaypa ashirayqui.

Habacuc 2:13

Chay-jina ñacar arushayquitapis munayniyoj Tayta Diosga manacajllamanmi ticrachengapaj. Llapan arushayquicunatapis nina ruparmi ushanga.

Daniel 5:30

Chay chacayllami Caldeacunapa raynin Belsasartaga wañuycachiran.

Isaías 47:15

Chaynömi ushacanga brüjuyquicunaga. Wamra cashayquipita-pachami paycunawanga parlacurayqui. Cada-ünunmi quiquin munashanno llutancunata rurasha. Salbashunayquipäga manami pipis cangapächu.»

Isaías 8:19

Ichanga runacuna nishunquipaj: «Almata tapucuy. Tapucuy shap-shapyayllapa parlaj musyacojcunata» nir. ¿Imanirtaj runacunaga wañojcunapa almanta tapucun? Chaypa ruquin runaga ¿manachu Tayta Diosta tapucunman?

Isaías 47:9

Ichanga illajpita juc junajllami disigrasyacuna chayashunquipaj: Wawaynajmi, biyüdami quëdanquipaj. Chay-jina brüju ruraj cashayquipis, majiquëru cashayquipis manami salbashunquipächu.

Jeremías 51:64

Jitarpur ninqui: ‹Cay jitarpushä röllu tallpucajnömi Babiloniapis illganga. Nircur Tayta Dios castigananpaj caycashanpitaga manami yapay imaypis cashanmanno cutenganachu› nir.» Caycamallami caycan Jeremías rimashancunaga.