Isaías 42:11 - Tayta Diosninchi Isquirbichishan

¹¹ Cushicuchun chunyaj chaqui jircacunapis siudänincunapis, Cedarpita miraj runacuna witichinalla wasincunacho tiyajcunapis. Selacho tiyaj runacuna cushicuypita cantachun. Altunnin puntacunacho cushicuywan gaparpächun.

Isaías 42:11 Referans Kwoze

Isaías 32:16

Nasyun intëruchöpis rasun cajtawan alli cajllatanami pï-maypis ruranga.

Isaías 60:7

Cedarcho caj uyshacunatapis gampämi llapanta gatimongapaj. Nebaiotcho caj carnicunanami gampa munayniquicho canga altarcho nogata garamänayquipaj. Chaynami canga nogapa gustöpaj. Chaura nogaga wasëtapis mas cuyayllapaj cananpämi camacächishaj.

Nahúm 1:15

¡Judá runacuna, masqui ricay! Willacoj maynami jircacunapa aywaycämun alli goyay cananpäna willapata apamushpan. Diosta adurana fistayquicunata rurayna. Tayta Diosta aunishayquicunatapis cumliyna. Yapayga imaypis manami fiyu runacunapa munaynincho canquipänachu. Chay fiyu runacunaga ushajpänami ushacasha.

Isaías 52:7

Alli willacuyta apamushpan jircacunapa shamojta ricarga fiyupami cushicunchi. Fiyupa cushicuypämi alli goyayllana cananpaj willacuptenga, salbashana cananpaj willacuycajta wiyashaga. Payga Sionta nin «Tayta Diosniquimi ray» nir.

Isaías 35:6

Wegrucunapis capshinörämi pinticachangapaj. Mana rimaj upacunapis shimin pashtaptin gayarayparämi rimanga. Chunyaj jircachönami yacu pashtacaramonga pultutuyllana. Chaqui jircapanami mayunöraj yacu aywanga.

Isaías 21:16

Tayta Dios cayno nimaran: «Piyun juc wata conträtuta ushashannöllami cananpita juc watataga Cedar munayniyoj cashanpis ushacanga.

Isaías 16:1

Cay pachapa mandajninpäga Sión lömaman apachiy manta uyshacunata chunyaj jircacho caycaj Selapita-pacha.

Salmos 120:5

¡Cuyapaypämi caycä! Gorpanöllami tiyaycä Mesec particho. Cedar particho tiyajcunapa lädunmanmi toldöta ichichishcä.

Génesis 25:23

Tapucuptin Tayta Dios niran: «Gampa pachayquichöga caycan ishcay nasyunpämi. Paycunaga manaräpis yurillarnami shuyni-shuyni cayta munaycan. Jucajmi mas munayniyoj canga jucajpitaga. Mayurnin cajmi canga shullcanpa munaynincho.»

Jeremías 49:16

Pï-maytapis manchachej cashayquimi, alli-tucushayquimi engañashurayqui. Gagapa shillincunachömi tiyarcaycanqui. Altunnin puntacunachömi pachacaraycanqui. Ichanga ancacunano altunnincho caycajtapis urächimushayquimi. Noga Tayta Diosmi chayno në.

Jeremías 48:28

Moab runacuna, siudäta cachaycärir gueshpicuy. Gaga chaupincunaman aywacuy paluma gagapa wirpancunacho gueshtata ruraycur tiyajno tiyacunayquipaj.

Jeremías 21:13

«Jerusalén runacuna, gamcunaga patacho cashpayquimi nircaycanqui: ‹¿Piraj noganchïmanga yaycamunman magamänanchïpaj? ¿Piraj chayamunman pacacunanchïcho carcaycashanchïcama?› nir. Nogami gamcunapäga fiyupa rabyasha caycä.

Isaías 43:19

Cananga mushojtanami ruraj-aywä. Chayga yurimojnami-aywan. ¿Manachu cuentata gocunqui? Chunyaj chaqui jircapami juc nänita rurashaj. Imapis mana wayushan chaqui jircachömi mayuta yurichishaj.

Isaías 35:1

Chunyaj jircacunapis chaqui pachapis cushicuchun. Gala pampacuna cushicur berdiypa-berdir guewa wiñar waytachun.

Abdías 1:3

Gamcunaga gaga shilli uchcucunacho tiyarmi alli-tucurcaycanqui. Altunnin puntacunacho goyarmi yarparcaycanqui pipis mana binsishunayquipaj cashanta. Ichanga chayno alli-tucushpayqui quiquillayquimi engañacuycanqui.

Isaías 40:3

Juc runami gayacuypa willacuycan cayno nir: «Tayta Diosninchi shamunanpaj nänita allchay. Diosninchi shamunanpaj chunyajpa nänita dirichay.

Isaías 12:5

Tayta Diosta alabar cantay-llapa. Payga fiyupa almiraypajcunatami rurasha. Chaytaga cay pachacho caj runacuna intërucho musyanman.

Jeremías 49:31

Pay nisha: ‹Jauca goyäcuycaj runacunata magaj yaycushun. Paycunapaga manami canchu puncun, ni rancancunapis. Paycunata washänanpäga manami pipis canchu.

Ezequiel 27:21

Arabia runacunawan Quebarcho mandajcunapis gamcunawan ranticanacoj. Paycuna pägashoj-cashunqui manta uyshacunata, carnicunata, chïbucunatapis.