Isaías 41:4 - Tayta Diosninchi Isquirbichishan

⁴ ¿Pitaj chaycunataga rurasha? Gallarinanpita-pacha llapanpis chayno cananpäga ¿pitaj nisha? Noga Tayta Diosllami chayno camacächishcä. Nogallami gallarinanpita-pacha imaycamapis caycä.»

Isaías 41:4 Referans Kwoze

Apocalipsis 22:13

Nogaga gallaycunanpita ushanancamami caycä.»

Isaías 48:12

«Jacobpita mirar-aywaj gayashä Israelcuna wiyamay: Noga japallämi cä Diosga. Nogallami gallarinanpita-pacha ushanancamapis caycä.

Apocalipsis 1:17

Payta ricaycurmi paypa ñaupanman wañushano tunirä. Chaymi derëchu caj maquinwan yataycamar nimaran: «Ama manchacamaychu. Nogaga gallaycunanpita ushanancamami caycä.

Isaías 41:26

¿Pitaj chayno cananpäga unayna musyachisha? ¿Pitaj unaypita-pacha nisha ‹Au, rasunpami› ninanchïpaj? Manami pipis wiyashachu ni juc shimillapis parlajta. Manami ni mayganpis musyachishachu.

Isaías 46:10

Nogami gallarinanpita-pacha willacachë imano cananpaj cashantapis. Shamoj watacunacho ima cananpaj cajtapis achca wata pishiycaptillannami willacachë. Ruranäpaj yarpaycashäcunaga rasunpa llapanmi cumlenga. Rurayta munashä cajtaga llapantami rurashaj.

Isaías 43:10

Tayta Diosga caynömi nin: «Nogata sirbimaj runacuna gamcunami testïgö canqui. Gamcunataga acrashcä rejsimänayquipämi, nogaman yäracamunayquipämi, pï cashätapis tantiyacur musyanayquipämi. Imaypitapis nogallami Diosga cä. Nogapita mas juc diosga manami cangapischu.

Hechos 17:26

«Juc runallata rurashanpitami achca nasyuncunaman mirashcanchi. Paymi distinamashcanchi may nasyuncho tiyananchïpaj, imaycama juc nasyun cananpaj, nasyuncunapa lindancuna may-maypa cananpäpis.

Apocalipsis 1:8

Unaypita-pacha cawaj, cananpis caycaj y shamunanpaj caycaj Tayta Diosmi nin: «Nogaga gallaycunanpita ushanancamami caycä» nir.

Isaías 42:24

¿Pitaj camacächisha Jacobpita miraj Israelcuna tiyashanta juccuna charicarcärinanpaj, quiquincunatapis prësu apananpaj? ¿Manachu chaytaga Tayta Dios camacächisha? Paycunaga juchatami ruraran. Tayta Dios nishancunataga manami rurayta munaranchu. Yachachishantapis manami wiyacuranchu.

Apocalipsis 2:8

«Esmirna marcacho caycaj ermänucunata ricaj anjilpaj cayno nishäcunata isquirbiy: Nogaga gallaycunanpita ushanancamami caycä. Y wañushäpitapis cawarimushcämi.

Apocalipsis 1:11

nimajta: «Ribilar ricachishäcunata llapanta isquirbircur apachiy ganchis marcacunacho caycaj ermänucunaman: Efesuman, Esmirnaman, Pergamoman, Tiatiraman, Sardisman, Filadelfiaman, Laodiceaman.»

Isaías 40:12

¿Pitaj maqui paltanta ucrurcachillar lamar yacuta tupusha? ¿Pitaj imano jatun caynintapis syëluta cuartasha? Cay pachacho caycaj llapan ñuchu allpata ¿pillaga juc tupuman tupushachuraj? Puytush lömacuna, puntacuna ayca lasashantapis musyananpaj ¿pillaga pësashachuraj?

Hechos 15:18

Chayno cananpäga unaypita-pachanami noga Tayta Dios musyachirä.›

Mateo 28:20

Gamcunata willapashä cajtaga wiyacunanpaj llapanta yachachinqui. Noganami gamcunata yan'gaycäshayquipaj cay pacha ushacänancamapis.»

Mateo 1:23

«Donsëlla jipashmi gueshyaj ricacur ollgu wamrata gueshyacongapaj. Jutintami churapangapaj ‹Emanuel› nir.» (Emanuel ninanga «Dios noganchïwan caycan» ninanmi.)

Isaías 40:26

Syëluman ñuquircushpayqui masqui ricchacuriy: ¿Pitaj llapan chaycunata rurasha? Chaycunataga rurasha llapan estrëllacunata juc juclla camacächejmi, llapantapis jutinpa-jutinpa rejsejmi. Payga fiyupa munayniyojmi, fiyupa callpayojmi. Rurashancunaga manami jucnayllapis pishinchu.

Deuteronomio 32:39

¡Nogallami llapanpaj munayniyoj Dios caycä! Nogapita mas jucga manami canchu. Nogami munayniyoj caycä pitapis cawayta gonäpaj, wañuchinäpäpis. Nogami pitapis gueshyachë, allchacächëpis. Ñawëpitaga manami pipis gueshpinchu.

Salmos 102:27

Gammi ichanga cashayquinölla caycanquipaj. Gamga imaypis chaynöllami cawaycanquipaj.

Isaías 41:3

¿Pitaj camacächisha chay ray mana manchacuypa gaticachänanpaj; imaypis mana purishan nänipa aywananpaj?

Isaías 43:13

Imaypitapis nogallami Diosga cä. Nogapa maquëpitaga manami pipis gueshpinchu. Noga ruraptëga manami pipis chapata ruranmanchu.»

Salmos 102:28

Sirbishojcunapita mirajcunataga allichömi goyächinquipaj. Quiquiquipa ñaupayquichömi tiyachinquipaj.

Isaías 41:20

Chaura intërucho tiyaj runacunami ricashpan tantiyaconga Noga Tayta Dios munaynëwan chaycunata rurashäta, gam Israelcunapa Santo Tayta Diosniqui chaycunata camashäta.»