Isaías 41:18 - Tayta Diosninchi Isquirbichishan

¹⁸ Yacu mana cashan jircacunachömi mayucunatapis yurichishaj. Guechwa ragran quinranchöpis pucyucunatami pashtachimushaj. Chunyaj chaqui jircacunatapis ishtanquimanmi ticrarachishaj. Yacu mana cashan jircacunapami mayu-mallwacunata aywachishaj.

Isaías 41:18 Referans Kwoze

Salmos 107:35

Ichanga chunyaj chaqui jircatana ticrachin gochaman, chaqui pachacunatana pucyucunaman.

Isaías 58:11

Nogaga imay örapis pusharaycäshayquipämi. Chunyaj chaqui jircachöpis aypalla micuytami tarichishayqui. Callpayqui cananpäpis yanapäshayquimi. Chauraga caycanquipaj cadalla pargusha werta caycajnömi, yacu llojshinan pösucho imaypis yacu mana chaquejnömi.

Isaías 30:25

Wañuchinacuy cashan wichan, pacacuna siudäcunapa perganta juchuchishan wichanga intëru puntacunapita, altunnin puytush lömacunapitapis yacu shamongapaj chayasha mayu-jinarämi.

Apocalipsis 7:17

Tayta Diospa ñaupancho munayniyoj Cashni uyshami paycunataga uyshacunatano ricanga. Imaypis mana yacunänanpaj Paymi cawachicoj chuya yacuman pushanga. Tayta Diospa ñaupanchöga imaypis manami waganganachu.»

Isaías 44:3

Nogami camacächej-aywä chunyaj jircapa yacu aywananpaj, chaqui jircacunachöpis mayu aywananpaj. Gamcunapita mirajcunamanga nogami Espiritöta cachamushaj. Paycunatami bindisyunta goshaj.

Apocalipsis 22:1

Chaypitanami anjil ricachimaran imaycamapis cawachicoj chuya mayuta. Chay yacuga llojshiycämuran Tayta Dios y Cashni uysha jamaraycashan sillun rurinpitami.

Zacarías 14:8

Chay junäga Jerusalenpita llojshiycangapaj imaypis mana chaquej yacu. Chay yacuga chaynöllami aywaycanga tamya wichanpis usya wichanpis. Pullanga aywanga Cachi Lamarman, pullan cajna Mediterráneo lamarman.

Joel 3:18

Chay wichanga intëru jircacunacho, intëru lömacunachöpis bïnuwan lëchi canga yacu-jina aypallami. Judächo caj ragracunapapis aypalla yacumi aywanga. Templöpitanami yacu pashtaycangapaj. Chaynami parguycangapaj Sitim guechwa pampata.

Isaías 32:2

Raypis mandäshejcunapis cada-ünun cangapaj wayra chayananta chapajno, löcu wayrapita pacacunano, chaqui jircacunata pargunapaj sicyano, chaqui jircacho jatuncaray gagapa llantuyninno.

Isaías 12:3

Gamcunapis cushicushpayqui aywanquipaj salbasyunta tarichicoj pashtaj yacuta upoj.

Isaías 48:21

Chunyaj chaqui jircacunapa pushaptinpis manami yacunaranchu. Gagatapis paymi shillirachiran. Nircorga chaypitana aypalla yacuta llojshichimuran» nir.

Salmos 105:41

Gagata shillirachiran. Chaypitana yacu llojshimuran chunyajpa mayuno aywananpaj.

Salmos 46:4

Juc mayumi caycan Tayta Dios acrashan siudächo tiyaj runacuna cushicunanpaj. Chay siudäga Tayta Dios tiyashanmi.

Salmos 104:10

Tayta Dios, Gammi camacächinqui jircacunapita yacu urämunanpaj. Chay yacucunanami mayuman chayan.

Isaías 33:21

Chaychömi noganchïtaga Tayta Dios musyachimäshun munayniyoj cashanta. Chaypaga päsangapaj achca mayucunami, jatuncaray sicyacunami. Chaymanga chiquinacushanchïcuna manami yaycongapächu tacsha büquicunawan ni jatuncaray büquicunawanpis.

Isaías 35:1

Chunyaj jircacunapis chaqui pachapis cushicuchun. Gala pampacuna cushicur berdiypa-berdir guewa wiñar waytachun.

Isaías 65:13

Chaymi Tayta Dios cayno nin: «Sirbimajcunapäga micunanpaj cangami. Gamcunami ichanga yargaycho canquipaj. Sirbimajcunapaga upunanpäpis cangami. Gamcunami ichanga yacunaypita ñacanquipaj. Sirbimajcunaga cushicongapämi. Gamcunami ichanga pengaycho canquipaj.

Jueces 15:19

Chayno niptinmi Tayta Dios uchcuta ricacachiran Lehicho. Chaypita yacu llojshimuran. Chaura Sansonga uchcupita yacuta upuran. Chayraj callpanpis yapay yurircuran. Chaypitami Lehicho yacu pashtajta cananyaj rejsin «En-hacore» nishpan.

Salmos 126:4

Tayta Dios, gam yapay surtëcunata ticraycachiy, chunyaj chaqui jirca tamya wichan berdiman ticracurishannöna cananpaj.