Isaías 41:10 - Tayta Diosninchi Isquirbichishan

¹⁰ Ama manchacuychu. Nogaga gamcunawanmi caycä. Ama manchacuychu. Nogaga Diosniquimi cä. Nogami yanapar gamcunataga callpata gö. Maquëcho charararmi gamcunataga alli goyächishayqui.

Isaías 41:10 Referans Kwoze

Josué 1:9

Noga Tayta Diosniquimi maychöpis yanapäshayquipaj. Nogami niycä mana manchacunayquipaj, sumaj balurchanayquipaj.»

Romanos 8:31

Chayno caycaptenga ¿imatanataj mas munashun? Tayta Diosninchi faburninchi caycaptenga ¿pinataj contranchi jatarenga?

Filipenses 4:13

Jesucristo yanapämaptinmi llapanchöpis alli llogshë.

2 Corintios 12:9

Ichanga pay nimaran: «Cuyashalläwan cuntintacuy. Munayniyoj cashätaga runacuna tantiyaconga quiquillanpitaga imatapis rurayta mana puydejcunata yanapaptëmi.» Chaymi quiquilläpitaga imata ruraytapis mana camäpacur cushicö. Chayno yanapämaptinmi musyacan Jesucristo munayniyoj cashan.

Salmos 27:1

Tayta Diosmi achquipämaj, salbamaj caycan. ¿Pitaraj manchacöman? Tayta Diosmi imapitapis chapäman. ¿Imataraj manchacöman?

Salmos 63:8

Cawashäcamaga gam munashallayquitami ruraycä. Derëchu caj maquiquega manami cacharimanchu.

2 Crónicas 20:17

Gamcunaga manami pillyanquipächu. Gamcunaga chayllacho shuyaray mana yarpachacuypa. Chaychömi musyanquipaj noga Tayta Dios imano salbashätapis. ¡Jerusalén runacuna, Judá runacuna ama manchacuychu ni llaquicuypischu! Paycunata magaj wara ayway. Noga Tayta Diosga gamcunawanmi caycä.› »

Salmos 145:14

Tayta Diosga tunejcunata charinmi. Ñacaycajcunatanami alliman churan.

Isaías 12:2

Tayta Diosmi salbaman. Payman yäracurmi imapitapis mana manchacöchu. Tayta Diosmi callpata goman, imapitapis pacaman. Paymi salbamajnë.»

Isaías 60:19

«Manami nistanquipänachu junajpa inti achicyapäshunayquita, ni quilla chacaypa achicyapäshunayquitapis. Noga Tayta Diosnami cashaj imaycamapis achquiquino. Noga Tayta Diosniquimi achicyapäshayqui.

Deuteronomio 20:1

«Guërraman aywar capas ricanqui contrayquicunapa suldäruncuna, cawalluncuna, pillyapaj carrëtancunapis aypalla caycajta. Chaypis ama manchacuychu. Gamcunataga Egiptupita jorgamushoj Tayta Diosmi yanapaycäshunqui.

Zacarías 13:9

Chay cawaycar quëdaj cajtaga ninaparämi päsachishaj. Guellay, gori oxidashanta limyuyächejnömi limyuyächishaj. Chayno ruraptërämi paycunaga nogatana mañacamangapaj. Noganami paycunata yanapäshaj. Paycunataga nishaj ‹Acrashä runacunami canqui› nir. Paycunapis nenga: ‹Tayta Diosmi Diosninchëga› nir. Noga Tayta Diosmi në chayno cananpaj.»

Salmos 37:24

Chay runaga Tayta Dios pushaptinmi tunirpis jatarenga.

Salmos 29:11

Tayta Diosmi acrashan runacunataga munayninwan yanapan. Tayta Diosmi acrashancunataga bindisyunta gon jauca goyäcunanpaj.

Efesios 3:16

Llapanpäpis munayniyoj captin paytami mañacö Espíritu Santu imaypis shonguyquicunata shacyächinanpaj.

2 Crónicas 32:8

Paycunaga runacunapa callpallanmanmi yäracun. Noganchïwanmi ichanga caycan Tayta Diosninchi, pillyaptinchi yanapämänanchïpaj» nir. Ray Ezequías chayno niptin llapan runacuna mana manchacuypana carcaycaran.

Zacarías 10:12

Acrashäcunataga nogami callpayojyächishaj. Nircorga nogaman yäracamushpannami aywanga. Noga Tayta Diosmi chayno në.»

Isaías 43:5

Ama manchacuychu. Nogaga gamcunawanmi caycä. Cay pachacho inti yagamunan caj-läpitami gamcunapita mirajcunataga cutichimushaj. Cay pachacho inti yaganan caj-läpitapis gamcunapita mirajcunataga shuntamushämi.

Salmos 46:11

Munayniyoj Tayta Diosmi noganchïwanga caycan. Jacob rispitashan Tayta Diosmi noganchïpa pacacunanchëga. Selah

Isaías 49:8

Tayta Diosga caynömi nin: «Ruwacamashayqui örami wiyashcä. Yanapänäta nistashayqui örami yanaparä. Nogami chapäshayqui. Israelcunawan conträtu rurashä señal canayquipämi churashayqui. Chaynöpami nasyun yapay allina canga. Pasaypa pirdichisha caycaj chacracunachöpis yapayna tiyanga.

Salmos 37:17

Fiyucunapataga callpantapis ushajpämi Tayta Dios ushacächenga. Allicunatanami ichanga yanapanga.

Isaías 44:2

Nogami gamcunata ruraj Tayta Diosniqui caycä. Mamayquipa pachancho yurinayquipäpis nogami camacächirä. Nogami gamcunataga yanapaycä. Jesurún, Jacobpita miraj sirbimajnëcuna, acrashä runacuna ama manchacuychu.

Salmos 144:11

Mana rejsishä jäpa runacunapita salbaycamay ari. Chay runacunaga llullallatami parlanpis. Llullacur manacajpita jurashpan derëchu caj maquintapis jogarin.

Salmos 41:12

Munashayquino allillata rurasha caycaptëga manami cachaycamashcanquichu. Ñaupallayquichömi imaypis cachimashcanqui.

Salmos 46:7

Munayniyoj Tayta Diosmi noganchïwan caycan. Jacob rispitashan Tayta Diosmi noganchïpa pacacunanchëga. Selah

Isaías 52:7

Alli willacuyta apamushpan jircacunapa shamojta ricarga fiyupami cushicunchi. Fiyupa cushicuypämi alli goyayllana cananpaj willacuptenga, salbashana cananpaj willacuycajta wiyashaga. Payga Sionta nin «Tayta Diosniquimi ray» nir.

Génesis 15:1

Chaypita unayllataga Abramta Tayta Dios ribilar cayno niran: «Abram, ama manchacamaychu. Nogami gamtaga ima mana allicunapitapis chapaycä. Gamtaga ima-aycayquipis mas aypalla cananpämi yanapäshayqui.»

Salmos 65:5

Nogacunata salbamaj Tayta Diosnë, mañacamushäta wiyamashpayqui fiyupa allicunata rurarmi yanapaycämanqui. Gammanmi yäracamun llapan nasyuncho tiyajcuna, may caru lamarpita mas carucho tiyajcunapis.

Lucas 1:30

Anjilga niran: «María, ama manchacuychu. Tayta Diospa ricay-ñawincho allimi canqui.

Salmos 147:12

Jerusalén, Tayta Diosta alabay. Sión, Diosniquita alabay.

1 Crónicas 12:18

Chayno niptin quimsa chunca jinyu suldärucunapa mandajnin Amasaiga Tayta Dios rimachiptin sinchipa niran: «Gammanmi shamushcä David, Gamwan alli goyänapämi shamushcä Isaïpa wamran. ¡Gampis gamwan goyajcunapis jauca goyaycuchun! Gamtaga Tayta Diosniquimi yanapaycäshunqui.» Niptin Davidga jamachiran suldäruncunana cananpaj. Mandaj suldäruncunawan iwal mandaj cananpaj churaran.

Lucas 1:13

Chaura anjil niran: «Zacarías, ama manchacamaychu. Mañacushayquitami Tayta Dios wiyashurayqui. Chaymi warmiqui Elisabet gueshyaconga ollgu wamrata. Jutintami churapanquipaj ‹Juan› nir.

Salmos 99:4

Gammi munayniyoj ray canqui Tayta Dios. Allita ruraj cajta cuyanqui. Gammi camacächishcanqui llapanpis iwal cananpaj. Israel runacuna caycashanchöga gammi alli cajta rasun cajta rurashcanqui.

Salmos 144:8

Chay runacunaga llullacuyllatami rimanpis. Manacajpita jurashpan derëchu caj maquintapis jogarin.

Oseas 1:9

Chaura Oseasta Tayta Dios niran: «Wamrapa jutinta churapay ‹Lo-amí› nir. Chaynöga jutin canga gamcuna manana acrashä runacuna captiquimi. Ni Nogapis manami Diosniquinachu cä» nir.

Génesis 31:5

Chayaptin niran: «Gamcunapa papäniquega manami ñaupata ricamashannönachu ricaman. Chaypis papänëpa Diosninmi nogata yanapämasha.

Génesis 49:24

Ichanga gampa ricrayquicuna fiyupa callpami canga. Lëchayquicunatapis sinchimi charinquipaj. Chaynöga canquipaj Jacobpa Tayta Diosnin yanapäshuptiquimi, Israelpa michejnin chapajnin yanapäshuptiquimi,

Éxodo 14:13

Chayno niptin Moisés niran: «¡Balurchay-llapa! ¡Ama manchacuychu! Cananmi Tayta Dios salbamashanchïta ricanquipaj. Egiptucunataga cananllanami ricanquipaj. Mananami mas imaypis ricanquipänachu.

Éxodo 20:20

Chaura Moisesga runacunata niran: «Ama manchacuychu. Tayta Diosga shamusha gamcunata musyapäshunayquipämi, payta rispitashpayqui juchata mana ruraypa cawanayquipämi.»

Isaías 50:9

Nogataga Tayta Diosmi yanapäman. Chauraga ¿piraj «juchayojmi canqui» nimanga? Puyu ushaptin röpa ushacashannömi conträcunaga llapan ushacanga.

Daniel 6:16

Chayno niptin rayga Danielta apachimuran liyuncuna caycashan uchcuman garpurinanpaj. Ichanga manaraj garpuptin rayga Danielta niran: «¡Mana jamaypa sirbishayqui Diosniqui salbaycushunqui ari!» nir.

Daniel 10:12

Chaymi nimaran: ‹Ama manchacuychu Daniel. Rimir-puntata fiyupa sasacunata tantiyayta munashayqui junajpita-pachami, gongurpacur Tayta Diosta mañacushayquipita-pachami payga llapan mañacushayquita wiyasha-cashunqui. Chaymi nogaga tantiyachinäpaj shamushcä.

Hageo 1:13

Chaura Tayta Diospa profëtan Hageoga cayno willaparan: «Tayta Diosga nin: ‹Noga Tayta Diosmi në: Nogaga gamcunawanmi caycä.› »

Hageo 2:5

Unay castayquicuna Egiptupita llojshimuptin conträtuta rurar aunishänömi espiritöga gamcunawan caycangapaj. Chayno caycaptenga ama manchacuychu.

Génesis 26:24

Chay chacay Tayta Dios yuriparcur niran: «Nogami caycä papäniqui Abrahampa Diosnin. Nogaga gamwanmi caycä. Chaymi ama manchacuychu. Sirbimajnë Abraham-raycumi gamtapis bindisyunta goshayqui. Chaymi gampita mirajcunapis aypallaman mirananpaj yanapäshaj.»

Jueces 6:16

Chaura Tayta Dios niran: «Gammi salbanqui. Nogaga yanapäshayquimi. Madián runacunataga llapantapis juc runatanöllami binsirinquipaj.»

2 Samuel 22:19

Ñacaycho caycaptëmi paycunaga magamaran. Chaypis Tayta Diosga yanapämaran.

Salmos 18:36

Gammi alli nänipa pushamashcanqui. Chaymi mana llushcacashcächu.

Salmos 33:12

Tayta Diosta rispitaj nasyun runacunaga cushishami cawanga. Paycunataga Tayta Diosmi payllata sirbinanpaj acrasha.

Isaías 35:4

Manchacojcunata niy: «¡Ama manchacuychu! ¡Balurchay! ¡Caychömi Tayta Diosga caycan salbashunayquipaj! ¡Chiquishojcunataga gamta rurashushayquimannömi castiganga!»

Isaías 37:6

Isaiasga niran: «Patrunniquita willay Tayta Dios cayno nishanta: ‹Imatapis Asiria raypa suldäruncuna nogapa conträ parlashanpitaga ama manchacuychu.

Lamentaciones 3:57

Gayacamushäta wiyamashpayquimi yanapämarayqui. Nircur «ama manchacuychu» nimarayqui.

Zacarías 10:6

«Nogami callpayojyächishaj Judäpita mirar aywaj runacunataga. Josëpita mirar aywajcunatapis salbashaj. Yapaymi cutichimur nasyunninman pushamushaj. Chaynöga rurashaj paycunata cuyapashpämi. Chaura paycunaga cangapaj noga imaypis mana cachaycushänömi. Nogami caycä mañacamashanta wiyaj Tayta Diosnin.