Isaías 40:5 - Tayta Diosninchi Isquirbichishan

⁵ Chayrämi Tayta Diosga munayniyoj cayninta ricacächenga. Chaytaga llapan runacunami ricangapaj. Quiquin Tayta Diosmi chayno cananpaj nisha.»

Isaías 40:5 Referans Kwoze

Habacuc 2:14

Chauraga lamarcho yacu juntarashannömi mundu intëruchöpis Tayta Diosta rispitaj runacunallana aypalla canga.

Joel 2:28

«Chaypitanaga llapan runacunamanmi Espiritöta cachamushäpaj. Chaynöpami wamrayquicuna ollgupis warmipis ribilashäta willaconga. Auquincunapis suyñonga imapis cananpaj cajcunata. Mösucunapis ricapaconga shamoj watacunacho imanöpis cananpaj cajcunata.

Isaías 52:10

Llapan nasyun runacunapa ricay ñawinchömi Tayta Diosga munayniyoj cashanta musyachisha. Chaynöpami Tayta Diosninchi salbamashanchëga intëru cay pachacho mayacanga.

Lucas 3:6

Chaynöpami Tayta Dios cachamushan Salbacojtaga llapan runa ricanga.›»

2 Corintios 4:6

Cay munduta camashpanpis quiquin Diosmi niran: «Chacaj caycashanpita achicyächun». Paymi achicyajno caycaj alli willacuyninta nogacunapa shongöman churasha. Chaynöpami nogacunaga Jesucristuta ricar achqui achicyajnöpis musyaycächë Diosninchi alli cashanta.

Isaías 60:1

Tayta Dios cayno nin: «Jatariy Jerusalén. Achquiga chayamushanami. Munaynëmi gamcho achicyaycan.

Isaías 11:9

Jerusalenchöga mananami pipis mana allita ruranganachu. Imanömi lamarcho yacu juntan, chaynömi cay pachachöpis Tayta Diosta rispitaj runacunallana juntasha canga.

Isaías 58:14

Chaycunata cumlerga cushisha allimi goyanquipaj. Noganami alliman churashayquipaj altunnin jircacunapa llapanta binsichir pushashpä. Unay awiluyqui Jacobta goycunäpaj aunishächönami alli goyächishayquipaj.» Quiquin Tayta Diosmi chayno nisha.

Isaías 6:3

Paycunami gayaraypa ninacuycaran: «Munayniyoj Tayta Diosga Santo, Santo, Santumi. Paypa munayninmi intëru pachacho juntasha caycan.»

Salmos 72:19

Tayta Diosga imaycamapis alabasha caycuchun. ¡Cay pachachöga intërucho paylla rejsisha cachun! ¡Chayno caycuchun!

Apocalipsis 21:23

Chay siudäta quiquin Tayta Dios y Cashni uysha achicyapaptinmi intipis ni quillapis mana canganachu.

Hechos 2:17

Paymi niran: « ‹Ushanan junajcuna chayamuptin llapan runacunamanmi Espiritöta cachamushäpaj. Chaynöpami wamrayquicuna ollgupis warmipis willacuynëta willaconga. Mösucunapis ricapaconga shamoj watacunacho imanöpis cananpaj cajcunata. Auquincunapis suyñonga imapis cananpaj cajcunata.

Isaías 66:23

Cada quillami, llullu quilla cashan junajcho, cada semäna, säbadu jamay junajchöpis llapan runacuna shamongapaj nogata rispitamashpan ñaupächo gongurpacunanpaj.» Noga Tayta Diosmi chayno në.

Hebreos 1:3

Wamranmi musyachimanchi Tayta Dios imano munayniyoj cashantapis. Wamranta rejserga quiquin Tayta Diostapis rejsinchïmi. Llapan camashancunatapis munaynincho Wamran chararaptinmi canancamapis caycanraj. Wamranga llapan juchanchïcunata perdunamänanchïpämi cruscho wañurcur syëluman cutiran. Chaychönami cananga Tayta Diospa derëchu caj-läduncho jamaraycan.

2 Corintios 3:18

Chayno cawaptinchïmi ricamashpanchi runacunaga nenga: «Rasunpami Tayta Diospa maquinchöna cawaycan» nir. Paypa maquincho cawarga manchapacurmi cawashunpaj. Chaymi waran-waran Espíritu Santu yanapaycämanchi pay munashanno cawananchïpaj.

Juan 12:41

Isaías chayno niran Jesusta runacuna mana riguinanpaj cashanta musyarmi. Chaynöpis ricaran wañushanpita cawarircur Tayta Dioswan cananpaj cashantami.

Juan 1:14

Camacächej Palabraga runamanmi ticraran. Nircur nogacunawanmi cay pachacho goyaran. Paywan purirmi ricarä Tayta Diospa japallan wamran cashpan munayniyoj caycajta. Chaynöpami ricarä payga cuyapäcoj cashanta; rasun cajllata rimaj cashanta.

Zacarías 2:13

Tayta Diospa ñaupanchöga pï-may runacunapis upällalla cacuchun. Noganchïman payga shamun fiyupa rispitäducho tiyaycashan janaj pachapitami.

Isaías 1:20

Imaypis chaynölla mana wiyacoj cashpayquimi ichanga imanöpa gueshpiyta munarpis guërracho wañunquipaj.» Quiquin Tayta Diosmi chayno nisha.

Juan 17:2

Gammi nogataga churamashcanqui cay pachacho cajcunapaj munayniyoj canäpaj, chaynöpa acrashayqui cajcunataga imaycamapis cawayta tarichinäpaj.

Miqueas 4:4

Chauraga mana manchacuypanami runacuna goyangapaj. Cada-ünunnami jamarpäcongapaj übas yöranpa, ïgus yöranpa llantuncunacho. Munayniyoj Tayta Diosmi nisha chayno cananpaj.

Jeremías 9:12

¿Imapitataj chay nasyun mana alli, chaquisha, chunyaj pipis mana purinan caycan? ¿Pitataj Tayta Dios willapasha chayta willacunanpaj? Imanir chayno päsashantapis musyananpaj ¿pitaj musyaj-yachaj caycan?

Isaías 49:6

Paymi nimasha: «Manami sirbimajnë cashallayquiwanchu usharanga. Manami Jacobpita miraj cawaycar quëdaj Israelcunata cutichishallayquiwanchu usharanga. Chaypa ruquenga nogami camacächishaj nasyuncunapaj juc achquino canayquipaj. Chaynöpami camacächishaj mundu intërucho caycaj runacunaga gam-raycu salbasha cananpaj.»

Isaías 35:2

Chauraga waytapis aypallami canga. Cushicur cantaypis cangami. Tayta Diosmi camacächej-aywan chaqui jircacuna Libanuno cuyayllapaj cananpaj. Chaynöpis camacächenga Carmelo jircano, Sarón guechwano alli allpa cananpaj. Chayrämi llapan ricangapaj Tayta Dios cuyayllapaj munayniyoj caycajta.

Salmos 102:16

Pay Sionta allchananpaj shamushpanmi munayniyoj cashanta musyachiconga.

Salmos 96:6

¡Pay caycashanchöga fiyupa achicyajmi! ¡Pay tiyashan cajchöga munayninpis caycanmi!

Lucas 2:32

Payga achquinömi canga mana Israel runacunapäpis. Pay-raycumi acrashayqui Israelcunapis alli ricasha canga.»

Jeremías 32:27

«Nogaga llapan cawajcunapa Tayta Diosninmi cä. Chaura ¿imallaga nogapaj sasa canchuraj?

Isaías 66:16

Tayta Diosga llapan runacunatami ninawan castiganga. Espädanta aptacurcurmi llapanta jusgangapaj. Chaynöpami Tayta Dios castigaptin aypalla runa wañongapaj.

Éxodo 16:7

Tutapapis ricanquipaj Tayta Dios fiyupa munayniyoj cashanta. Nogacunapa conträ rimanayquipäga ¿pitaj nogacunaga cä? Gamcunaga Tayta Diospa contranmi rimashcanqui. Payga contran rimashayquita wiyashami.

Salmos 97:6

Tayta Dios allita ruraj cashanta syëlucunami willacun. May-chaychöpis tiyajcunanami rican alli cashanta.

Isaías 34:16

Masqui Tayta Diospa librunta ricay. Masqui liguiy. Chay animalcunapaj niycashäga llapanmi caycanga. Manami mayganpapis chinancunaga pishengapächu. Quiquin Tayta Diosmi chayno cananpaj camacächisha. Paypa espiritunnami shuntarengapaj.

Isaías 40:4

Llapan ragracunatapis pampayächiy. Puytush lömacunatapis parijay. Wicsu nänicunatapis dirichay. Uchcu-uchcu nänicunatapis pampachay.

Isaías 41:20

Chaura intërucho tiyaj runacunami ricashpan tantiyaconga Noga Tayta Dios munaynëwan chaycunata rurashäta, gam Israelcunapa Santo Tayta Diosniqui chaycunata camashäta.»

1 Reyes 14:11

Castayquicuna siudächo wañoj cajtana allgucuna miconga. Jircacho wañoj cajtanami aycha micoj äbicuna miconga. Noga Tayta Diosmi chayno cananpaj camacächishcä.›

Salmos 102:17

Wacchacuna mañacushanta Tayta Diosga wiyanmi. Paycuna mañacushantaga manami gonganchu.

Isaías 26:15

Tayta Dios gammi runacunata achcayächir nasyunnëta jatunyächishcanqui. Gam rispitasha canayquipämi chayno camacächishcanqui. Nasyunpa lindancunata mas carumanna witichishcanqui.

Isaías 66:18

Noga musyämi imano rurashantapis imano yarpaycashantapis. Chayamongapänami llapan nasyun runacunata, ima rimayta parlajcunatapis juc pachaman shuntanäpaj junaj. Paycunami shamushpan imano munayniyoj cashätapis ricamangapaj.