Isaías 38:3 - Tayta Diosninchi Isquirbichishan

³ «Nogaga gamta amatarmi ruwacö Tayta Dios, llapan shongöwan gam munashayquino rurashäta yarpärinayquipaj.» Chayno nir llaquicushpan fiyupa wagaran.

Isaías 38:3 Referans Kwoze

Hebreos 6:10

Imano ñacarpis payman yäracushayquitaga Tayta Diosninchi manami gongangachu. Manami gongangachu ermänucunawan cuyanacur yanapänacushayquitapis.

Hebreos 5:7

Jesucristoga cay munducho goyaycashpan wagayparaj, gayacuyparämi ruwacuran. Wañuypita salbacoj Tayta Diosta mañacuran «Yanapaycallämay munashayquino llapanpis camacaycunanpaj» nir. Tayta Dios nishanta ruraj captinmi mañacushanta wiyaran.

Nehemías 13:14

Tayta Diosnë, noga allita rurashäcunataga ama gongaycuychu. Yarpaycuy Templuyquipaj, quiquiquita adurashunayquipaj rurashätaga.

2 Corintios 1:12

Ermänucuna, gamcunawanpis allimi cashcä. Pitapis manami llullapashcächu. Quiquëcunallapitachu manami cawä. Tayta Diosninchïmi cuyacoj cayninwan llapanchöpis yanapäman. Chaymi imapitapis mana pengacöchu.

Juan 1:47

Chaypitanaga Natanael chayaycajta ricar Jesús niran: «Paymi ichanga rasunpa Israel runa. Payga llullacuyta manami yachanchu.»

Nehemías 13:22

Nircur cüracunata yanapaj Leví runacunatana nirä limyuyänanpaj, puncu täpaj aywananpaj, chaynöpa säbadu jamay junajtaga rispitananpaj. Tayta Dios, chayno rispitachishäpita nogapäga ama gongaycuychu. Cuyapäcoj cashayquino nogatapis cuyapaycamay ari.

Nehemías 5:19

¡Tayta Diosnë cay runacunapaj alli cashäpita nogapis allicho canäpaj yarpaycuy ari!

Deuteronomio 6:18

Tayta Dios munashannölla imaypis caway-llapa. Chayrämi unay caj famillyayquicunata Tayta Dios aunishan nasyunman yaycur cushisha cawanquipaj.

Salmos 6:8

¡Lädöpitapis witicuyna mana allita rurajcuna! Tayta Diosga wiyashanami fiyupa wagashäta.

1 Crónicas 29:19

Wamrä Salomontapis alli yarpayta goycuy mandamintuyquicunata, layniquicunata llapanta cumlinanpaj. Chaynöpis yanapaycuy camarishä caycajcunawan Templuyquita pay aruchinanpaj.»

Oseas 12:4

Anjilwan pillyar binsiran. Nircur Jacobga wagashpan cuyapänanpaj ruwacuran. Tayta Dios Betelcho tarishpan chaycho parlaran.

Salmos 119:80

Gampa layniqui niycashallanman shongöpis yarpächun. Chaynöpami imapitapis mana pengacushächu.

Salmos 102:9

Tantapa ruquin uchpallatami acuycäpis. Upuycashä yacumanpis weguëmi jutuycan.

Salmos 32:2

Cushishami cawanga Tayta Dios mana jusgashan runaga, alli shongu runaga.

Salmos 101:2

Gam munashayquinöllami nogaga goyayta munä. ¿Imayraj noga cajman shamunqui? Palasyöchöpis allillatami rurashaj.

Salmos 26:3

Gam cuyapäcoj cashayquitaga rasunpami musyä. Chaymi munashayquinölla cawä.

Salmos 16:8

Imaypis Tayta Diostaga yarparaycämi. Pay lädöcho captenga imapis manami chayamangachu.

Nehemías 13:31

Nirä imay junaj yantata churamunanpäpis, imay rimir-punta shuntar raquishan micuyta apamunanpäpis. ¡Tayta Dios, ama gongaycamaychu ari; yanapaycamanqui ari!

Nehemías 1:4

Willaycamaptin llaquicur fiyupa wagarä. Chaymi achca junaj llaquisha goyarä, ayunarä, janaj pachacho caycaj Tayta Diosta mañacurä.

Esdras 10:1

Chayno Tayta Diospa Templun puncucho wagashpan Esdras gongurpasha mañacuycaptin warmi, ollgu, wamrapis fiyupa llaquicuywan wagarcaycaran. Paycunaga Esdraspa lädunman shuntacaran.

2 Crónicas 25:2

Amasiasga Tayta Diosta wiyacur allillatami ruraran. Ichanga janan shongullami ruraran.

2 Crónicas 16:9

Tayta Diosga ricaycanmi maycho ima caycashantapis Payman yäracoj cajta yanapänanpaj. Canan gamga upanömi llutanta rurashcanqui. Chaypitami cananpitaga amatar guërrallachöna canquipaj.»

1 Crónicas 29:9

Llapan runacuna fiyupami cushicuran quiquincunapa buluntäninpita Tayta Diospa Templun ruracänanpaj goycärir. Quiquin ray Davidpis fiyupami cushicuran.

1 Reyes 2:4

Chayno ruraptiquirämi Tayta Diosga cumlenga aunimashanta. Paymi aunimaran: ‹Wamrayquicuna noga munashäno llapan shongunwan, yarpayninwan allillata ruraptenga imaypis gampita mirar aywajllami Israelcunapa raynenga canga› nir.

Génesis 17:1

Abram isgun chunca isgun (99) watayoj caycaptin Tayta Dios yuriparcur niran: «Nogami cä munayniyoj Dios. Noga munashänölla goyay. Mana allicunata ama ruraychu.

Génesis 6:9

Caychömi isquirbiraycan Noëpa willapan: Noëga caran amatar alli runa. Chay wichanga payllami Dios munashanno goyaran.

1 Reyes 15:14

Puytush lömacunacho caj capillacunata mana illgächirpis Asaga rurananpaj Tayta Dios nishan cajtaga llapantami cumliran.

1 Crónicas 28:9

«Salomón, gamga rispitashä Tayta Diosta rispitar sirbinqui llapan shonguyquiwan, llapan callpayquiwan. Tayta Diosga musyanmi imata yarpaycashayquitapis. Gam payman yäracuptiquega yanapäshunquipämi. Payta gongaycuptiquimi ichanga paypis cachaycushunquipaj para-simrina.

Salmos 6:6

Atarpis pasaypanami uticashcä. Waray waraymi amatar wagä. Jawanätapis wagaycaptillämi weguë ushmasha.

Isaías 38:2

Chaura Ezequiasga tapyaman ticracurcur Tayta Diosta mañacur niran:

Isaías 38:4

Chaypita Isaiasta Tayta Dios niran:

2 Reyes 18:3

Ezequiasga Tayta Diosta wiyacur allita ruraran, unay caj famillyan David rurashanno.