Isaías 38:12 - Tayta Diosninchi Isquirbichishan

¹² Puñunä wasitapis guechumashpan uyshërucunapa chucllantanömi ushajpaj pascarcaycan. Noga cawashäga casha tilarcho awa pituraycajta awaj runa capturishannömi. Illajpitami usharamashcanqui.

Isaías 38:12 Referans Kwoze

Hebreos 1:12

Röpata dublajnömi rurarinquipaj. Rucarachinquipäpis röpanta rucacushannöllami. Gammi ichanga imaypis cashayquinölla caycanquipaj. Gamga imaypis chaynöllami cawaycanquipaj.»

2 Corintios 5:1

Musyanchïmi cay pachacho ushacashapis mana ushacaj mushoj cuerputa Tayta Diosninchïpita chasquinanchïpaj cashanta. Cay pachachöga ushacaj chucllanöllami cuerpunchi caycan. Syëluchömi ichanga mushoj cuerpunchi alli rurasha wasinöna canga. Chay cäga manami runa rurashanchu.

Salmos 73:14

Chaycunapaj yarpachacurmi nogaga imay örapis llaquicuycä. Cada tutami ñacä.

Santiago 4:14

Gamcuna manami musyanquichu waracuna imaman chayanayquitapis. Runaga ushacajllami. Goshtaynöllami yurircur manapis aycällatana illgacäcun.

2 Corintios 5:4

Cay ushacajlla cuerpunchïwan cawar pasaypami llaquicunchi. Chayno car manami wañucuytachu yarpaycanchi. Chaypa ruquenga munanchi wañojlla cuerpunchi mana ushacaj cuerpuman ticranantami.

Isaías 13:20

Chaychöga imaypis manami runa tiyanganachu. Yapayga mananami pipis tiyanganachu. Arabia runacunapis chaychöga manami pachaconganachu. Uyshërucunapis chaychöga mananami uywancunata jamachenganachu.

Isaías 1:8

Sionga japallannami quëdasha. Übas chacra chaupincho chuclla tiyaraycajno, calbäsa wayuraycaj chacra chaupincho jucnaylla ramäda caycajno, japallan siudäta chiquejcuna intëru cantunpa tumaparaycashannömi quëdasha.

Salmos 119:23

Munayniyoj runacuna mana allita ruramayta yarpaptinpis nogaga layniquicunallatami yarparaycä.

Salmos 102:11

Llantuy päsacojnöllami watäcunapis päsacuycan. Guewa wañuytajnömi wañuycä.

Salmos 31:22

Fiyupa manchariycashä örami yarparä «Tayta Diosga manami yarpämannachu» nir. Chaypis yanapämänayquipaj mañacamuptëga yanapämashcanquimi.

Job 17:1

«Jämaynëpis ushacaycannami. Wañuypis janächönami. Pampacunäpaj sepultürapis caycannami.

Job 14:2

Payga wayta pashtarcur wañuytacäcojnöllami. Cawanpis llantuy päsacojnöllami.

Job 6:9

¡Ima alliraj canman Tayta Dios llapiramaptin! Chauraga wañur usharäcömannami.

Job 4:20

Runaga illajpitami illaraycan. Imaypis mana cawarimojnami wañucun. Quëdaj runacunapis gongaycärinnami.

Salmos 90:5

Illajpitami runacunataga gam apacunqui. Suyñushancuna illgashannöllami runacunataga illgächinqui.