Isaías 36:9 - Tayta Diosninchi Isquirbichishan

⁹ Egipto nasyunpita cawallucunata muntacojcunata tarimuyta yarparpis ¿imanöparäshi binsinquiman munayniyoj raynëpa suldäruncunapa manacajnin mandajllantapis?

Isaías 36:9 Referans Kwoze

Isaías 10:8

Chaymi payga nin: ‹Llapan raycunapis munaynillächömi caycan.

Jeremías 2:36

¿Imanirtaj apurä purinqui yanapäshoj nasyuncunata rucachinayquipaj? Asiria runacuna illajpita llullapäshushayquinömi Egipto runacunapis rurashunquipaj.

Isaías 36:6

Nogaga musyaycämi yanapäshunayquipaj Egipto runacunaman yäracuycashayquita. Egiptoga caycan challcu shogushnömi. Pipis tucnacurcuptenga maqui paltantapis challcur päsarinmi. Chaynömi Egiptupa faraonnenga payman yäracojta ticrapanga.

Isaías 31:3

Egipto runacunaga runallami, manami dioscunachu. Cawalluncunapis aychallami, manami espirituchu. Tayta Diosga paycunata castigangami. Chauraga yanapaj Egiptuwan, «yanapämay» nej cajpis mana allimanmi chayangapaj. Llapan iwalmi wañongapaj.

Isaías 30:7

Chay nasyonga munayniynajmi. Yanapänanpäpis manami camäpacunchu. Chaymi chay nasyuntaga jutichapashcä: «Ima ruraytapis mana camäpacoj nunayllu» nir.

Isaías 20:5

Chayrämi Etiopiaman yäracoj Filistea runacunaga fiyupa mancharenga. Pengaconga Etiopía runacuna imano caycashantapis ricar. Egipto runacunaman yäracur paycunaga alli-chölu-tucuran.

Proverbios 21:31

Runaga cawalluta sillacun guërraman yaycunanpaj. Chaypis Tayta Diosrämi camacächin maygan gänananpäpis.

2 Reyes 18:24

Egipto nasyunpita cawallucunata muntacojcunata tarimuyta yarparpis ¿imanöparäshi binsinquiman munayniyoj raynëpa suldäruncunapa manacajnin mandajllantapis?

Deuteronomio 17:16

Chay ray ama rantengachu achca cawallucunata. Egiptumanpis ama cachangachu cawallu rantej. Tayta Diosmi nishurayqui ‹Egiptuman aywaj nänipa ama imaypis cutimunquichu› nir.

2 Reyes 7:6

Siria runacunataga Tayta Dios mayapacachisha caran pillyapaj caj aypalla carrëtacuna, aypalla suldärucuna, cawallucuna yaycuycajtano. Chaura Siria runacunaga yarparan Israelpa raynenga Het nasyunpa raynincunata, Egipto nasyunpa raynincunata mincacushanta.

Isaías 36:8

«Cananga Asiriapa rayninwan alli parlacuy. Nogaga ishcay waranga (2,000) cawallucunatapis gömanmi. ¿Chayta muntacunanpaj runacunata tarinquimanchuraj?