Isaías 34:1 - Tayta Diosninchi Isquirbichishan

¹ Llapaniqui shamuy wiyanayquipaj. Tantiyanayquipaj sumaj wiyay marcacuna, nasyuncuna. Wiyachun cay pachapis, cay pachacho cajcunapis. Wiyachun mundu intërupis, munducho llapan cajcunapis.

Isaías 34:1 Referans Kwoze

1 Corintios 10:26

Cay pachacho cäga llapanpis Tayta Diosninchi camashallanmi caycan.

Isaías 43:9

Llapan nasyun runacuna shuntacay. Llapan marca runacuna shuntacay. Chaycho caycajcuna ¿mayganraj rimir-puntata rimaran acrashä runacunata yanapänäpaj cashanta? Chayno cananpaj rimasha cashpanga mä testïgucunata pushamuchun. Mä chay testïgucuna nichun paycuna willacushanta. Wiyaj cäga llapanpis ‹¡Au, rasunpa nishannömi casha!› nengami.»

Isaías 41:1

Tayta Diosmi cayno nin: «Lamar cantuncho caycaj nasyun runacuna upällalla wiyamay. Intëru nasyuncho caycaj runacunapis sumaj balurchay. Parlananchïpaj shamuy-llapa. Tapunacunanchïpaj shuntacämuy.

Isaías 1:2

Janaj pacha, cay pacha Tayta Dios cayno nishanta wiyay: «Wamräcunatami rucuyänancama uywashcä. Rucuyarcurnaga chiquicarcamashana.

Jeremías 22:29

¡Cay pachacho caycaj runacuna wiyay Tayta Dios nishanta!

Isaías 33:13

Carucho tiyajcuna wiyay-llapa imano rurashätapis parlajta. Sercacho caycajcunaga tantiyacuy ari munayniyoj cashäta.

Deuteronomio 32:1

«Syëlu wiyay rimashäta. Cay pacha wiyay imata niycashätapis.

Apocalipsis 2:7

«Wiyajcunaga Espíritu Santu yachachishanta sumaj tantiyacuchun. Imano ñacarpis imaycamapis yäracamajcunataga Tayta Diospa ñaupancho imaycamapis cawachicoj yörapa wayuyninta micunanpämi goshaj.

Isaías 49:1

Lamar cantuncho caycaj nasyun runacuna wiyamay. Caru nasyun runacuna nishäta sumaj tantiyacuy: Manaräpis yuriptillänami Tayta Diosga gayamaran. Mamäpa pachallanchöraj caycaptillänami nogapa jutëta rimaran.

Isaías 18:3

Llapayquimi, intëru munducho tiyajcunaga ricanquipaj puntacho señalta churamushanta. Llapayquimi wiyanquipaj trompëta wagamushantapis.

Salmos 96:10

Nasyuncunacho tiyajcunata «Tayta Diosmi Rayga» niy. Paymi cay mundutapis sumaj tacyachisha mana cuyunanpaj. Paymi llapan runacunatapis iwalninchïta mandamanchi.

Salmos 50:1

Munayniyoj Tayta Diosninchïmi gayachisha cay pachacho tiyajcunataga juc cantupita juc cantucama.

Salmos 24:1

Tayta Diosllapami cay munduga, chaycho caycajcunapis llapan cawaycajcunapis.

Jueces 5:31

«Tayta Dios, chiquishoj cäga llapanpis chaynölla ushacächun. Gamta cuyashoj cajcuna ichanga inti cuyayllapaj achicyashanno cachun.» Chaypitaga chuscu chunca (40) watayaj chay Israel nasyuncho jauca goyaylla caran.

Jueces 5:3

Raycunapis, llapayqui wiyamay. Mandajcunapis, wiyaycäramay. Israelcuna rispitar adurashan Tayta Diostami alabä.

Deuteronomio 4:26

Canan junaj gamcunata niycashätaga janaj pachapis cay pachapis wiyaycanmi. Nishäcunata mana wiyacorga Jordán chimpan nasyuncho tiyarcaycashpayqui illajpitami ushajpaj illganquipaj. Mananami unaycamaga tiyanquipänachu.

Génesis 6:13

Chaymi Noëta Tayta Dios niran: «Cay pachacho caycaj runacunaga carcaycan fiyupa jucha rurayllachömi, wañuchinacuyllachömi. Chaymi munducho cajtaga ushajpaj illgächej-aywä.

Isaías 48:16

Witimuy-llapa nishäta wiyanayquipaj. Gallarinanpita-pachapis nogaga manami imaypis pacayllapaga parlashcächu. Ima captinpis nogaga chaychömi caycarä.» Cananga Tayta Diosmi espiritunta nogaman churarcur cachamasha.

Ezequiel 38:17

« ‹Noga Tayta Diosmi në: Gampämi noga nirä unay, Israelcho sirbimaj profëtacunawan willacachishpä. Chay wichan paycuna willacuran Israelcunata maganayquipaj noga aywachinäpaj cashantami.›

Abdías 1:1

Caychöga isquirbiraycan Abdiasta Tayta Dios ribilashanmi. Edom runacunapaj Tayta Diosga caynömi nin: «Nogaga Israelcunapa Tayta Diosninmi cä. Juc cachatami nasyuncunaman cachashcä. Chay cachami cayno niycan: ‹¡Aywashun-llapa! ¡Aywashun Edom runacunawan pillyaj!›

Isaías 63:1

«Juc runami Edomcho caycaj Bosra siudäpita aywaycämun. Röpanpis pucaman tiñisha aywaycämun. Achicyaypa achicyaycaj röpan jatisha aywaycämun. Payga fiyupa munayniyojmi aywaycämun. ¿Piraj chay aywaycämöga?» «Noga llapantapis alli arriglajmi aywaycämö. Salbanäpäpis munayniyoj caycajmi aywaycämö.»

Jeremías 49:7

Edom nasyun runacunapaj munayniyoj Tayta Dios caynömi niran: «¿Temán siudächöga mananachu can yachajcuna? ¿Mananachu tantiyajcuna ima ruraytapis puydipacanna? ¿Yachajcunapis llapan yachay cayninta gongaycärishanachu?