Isaías 33:16 - Tayta Diosninchi Isquirbichishan

¹⁶ Chayno cawaj cajmi alli pachacho cawanga. Chay runaga goyanga gagacho rurasha caycaj pacacunachönömi. Chay runapaga micuyninpis yacupis manami pishengachu.

Isaías 33:16 Referans Kwoze

Isaías 32:18

Acrashä runacunaga allillami tiyangapaj. Mana manchacuypa sigüru wasicunachömi tiyangapaj.

Isaías 49:10

Chauraga yargaypis ni yacunaypis manami canganachu. Intipis, ni acaypis manami ñacachengapächu. Chaynöga canga paycunata noga cuyaptëmi, pusharaptëmi. Chuya yacu pashtajcunamanmi pushashaj.

Proverbios 1:33

Willapashäta chasquicojcunami ichanga cushishalla goyanga. Imapitapis mana manchacuypa goyanga.»

Habacuc 3:19

Nogataga Tayta Diosmi imapitapis chapäman. Paymi camacächin chaquë lluychupa chaquinno cörrinanpaj. Nircurpis altu jircacunaman pushaman. Cay mañacushan caycan cuerdayoj instrumentucunata tucar cantananpämi.

Isaías 25:4

Pobricunataga gammi imaypis washashcanqui. Llaquicuycajcunatapis yanapar chapashcanquimi. Löcu tamya mana chayananpaj pacacunanmi cashcanqui. Fiyupa shanay mana chayananpäpis llantunmi cashcanqui. Fiyu runacunapa jämayninmi ichanga caycan löcu tamyano,

Proverbios 18:10

Tayta Diosga caycan mana tunej alli arusha törrinömi. Alli runacuna payman yäracojtaga imapitapis chapanmi.

Salmos 111:5

Payta rispitajcunataga micuyta tarichinmi. Conträtuta rurar alli parlacushanta payga imaypis yarparaycanmi.

Salmos 107:41

Pobricuna llaquicurcaycajtami ichanga Tayta Dios alliman churan. Chay famillyacunatana Tayta Diosga uyshatano aypallaman mirachin.

Salmos 90:1

Tayta Dios, unaypita-pachapis gamllami pacacunä cashcanqui.

Salmos 37:3

Allillata rurashpayqui Tayta Diosllaman yäracuy. Cay pachacho goyashpayqui Tayta Dios munashannölla caway.

Salmos 33:18

Tayta Diosga manami cachaycunchu payta rispitajcunataga, payman yäracojcunatapis.

Salmos 18:33

Paymi chaquïtapis bïbuyächin lluychupatanöraj. Paymi altu jircacunachöpis mana manchacuypa goyächiman.

Salmos 91:14

Tayta Diosmi nin: «Cuyamaj runataga nogapis salbashämi. Rejsimaj runataga nogapis pushashaj pipis mana chayananmanmi.

Salmos 34:10

Rïcucunapis pobriyar muchupacarga yarganmi. Tayta Diosman yäracojcunapaga manami ima-aycanpis pishengachu.

Salmos 15:1

Tayta Dios, ¿piraj wasiquiman yaycamunman? ¿Piraj chayanman rispitädu jircayquiman chaycho adurashunayquipaj?

Mateo 6:11

Canan junajpäpis micuyta tariycachillämay ari.

Proverbios 10:9

Pipis mana rimasha limyu runaga cushishami goyäcun. Llutancunacho purejcuna mana allita rurajcunami ichanga mana alliman chayan.

Isaías 58:14

Chaycunata cumlerga cushisha allimi goyanquipaj. Noganami alliman churashayquipaj altunnin jircacunapa llapanta binsichir pushashpä. Unay awiluyqui Jacobta goycunäpaj aunishächönami alli goyächishayquipaj.» Quiquin Tayta Diosmi chayno nisha.

Jeremías 37:21

Chaura ray Sedequías niran Jeremiastaga palasyupa sawannillanchöna prësu charänanpaj. Chaynöpis niran waran-waran Tanta Rurajcuna tiyananpita juc tantata apapänanpaj. Chaura ray nishannölla ruraran chay siudächo tanta cashancamaga. Chaynöpami Jeremiasga prësu cacuran palasyuta suldärucuna täpaycashan sawanllacho.

Joel 3:16

Sión lömapita-pacha Tayta Dios gayacamonga. Jerusalenpita-pachami räyuno busninta wiyacächimonga. Syëluwan cay pachapis sicsicyangami. Acrashan Israel runacunatami ichanga Tayta Dios ima-aycapitapis washashpan chapanga.»

Deuteronomio 33:29

Israelcuna cushicäriy. ¿Picunaräshi gamcunamanga tincunman? Tayta Dios quiquinmi gamcunataga salbashunqui. Paymi imapitapis chapäshushpayqui yanapäshunqui. Paymi contrayquicunatapis binsëshishunquipaj. Chiquishojcunataga ushajpämi wañuchinquipaj. Alli-tucuycajtami manacajman churanquipaj.»

1 Reyes 19:6

Chaura Eliasga ricchacuran. Jawanan ñaupancho ricaran shanshacho cuwasha tantata, puyñuwan yacutapis. Chaura jatarcur micucurcur upucurcur yapay puñucuycuran.

Salmos 62:7

Tayta Diosllami salbamajnëga. Paymi munayniyoj cayman churaman. Paymi chapacunä. Tayta Diosllami pacacunä.

Isaías 30:20

Tayta Dios, fiyupa ñacayman llaquicuyman chayachishushpayquipis pushashojniqui caycarga manami yapayga pacaconganachu. Gamcunaga ñawiquiwanmi ricanquipaj.