Isaías 33:10 - Tayta Diosninchi Isquirbichishan

¹⁰ Tayta Diosmi cayno nin: «Cananmi castigayta gallaycushaj. Cananmi musyachishaj munayniyoj cashäta.

Isaías 33:10 Referans Kwoze

Salmos 12:5

Tayta Diosga caynömi nin: «Pobricunata, wacchacunata, ñacachishpan munashanta ruraycächin. Chaypitami cananga salbashaj yanapänäpaj shuyaycämajcunataga.»

Amós 6:1

¡Ay imanöraj canqui Sioncho goyaj autoridäcuna! ¡Ay imanöraj canqui Samariacho tiyaj mandajcuna! Gamcunaga charashayquiman yäracurmi munayniyoj-tucurcushcanqui. Gamcunamanmi Israelcunaga «yanapämay» nir aywarcaycämun.

Sofonías 3:8

Chaymi gamcunaga ichicllata shuyaycäriy jusganä junajcama. Noga Tayta Diosmi në: Achca nasyun runacunata, raycunata shuntanäpämi yarpachacushcä. Shuntarcurnami rabyasha caycashäta paycunacho gasarpachishaj. Rabyashäga caycan rataycaj ninanörämi. Nina ratariycajno rabyasha caycashäwan castigaptë munducho cäga ushajpaj illgächishami canga.

Isaías 10:33

Ricay-llapa Asiria runacunata. Paycunaga jatun guerucunanömi. Tayta Diosga munayninwanmi chay guerucunata sajtargärin. Jatusajnin caj guerucunatapis muturishanami. Mas jatunnin cajcunapis pampachönami jitarpaycan.

Isaías 10:16

Chaypitami munayniyoj Tayta Diosga fiyupa callpayojcunata gueshyawan gueshyachenga. Rispitananpa ruquin ninawan rupachenga.

Salmos 78:65

Chay örami runa puñushanpita riccharamojno Tayta Dios jataricurcuran. Bïnuwan machashanpita pillyaj runa paucar jataricurcojno

Salmos 46:10

Caynömi niran: «Diosniqui cashäta tantiyacuy. Maquëchöna caway. Nogami intëru nasyuntapis maquëcho caycächë. Nogami cay mundutapis chararaycä.»

Salmos 7:6

¡Tayta Dios! ¡Chiquimajcunawan rabyasha pillyay ari! ¡Alli arriglanayquipaj nisha caycarga faburnë jatariy ari Tayta Dios!

Éxodo 14:18

Egiptucunaga noga Tayta Dios cashäta musyanga faraonwan aywajcunata imanöpis ruraptërämi.»

Isaías 2:21

Chay junaj runacunaga mancharishpanmi yagacaycärengapaj gagacho caycaj uchcucunaman, pachapa shimin uchcucunamanpis. Chaynöga pacaconga Tayta Diosta manchacushpanmi.

Salmos 94:16

¿Pillaraj shamonga mana alli runacunapitawan fiyucunapita washämänanpaj?

Isaías 2:19

Tayta Dios chayno shamuptin runacunaga mancharishpanmi yagacaycärengapaj gagacho caycaj uchcucunaman, pacha rurinpa caycaj uchcucunamanpis. Chaynöga pacaconga manchacuypaj munayniyoj Tayta Diospitami.

Isaías 5:16

Munayniyoj Tayta Diosmi nishanta cumlishpan musyachenga munayniyoj cashanta. Santo Tayta Dios alli arriglashpanmi musyachenga rispitädu cashanta.

Salmos 12:6

Tayta Diosga aunishancunata cumlinmi. ¡Tayta Dios aunishancunaga caycan ganchis cuti chulluchiptin ganra ushajpaj llojshishan gorinömi!