Isaías 32:19 - Tayta Diosninchi Isquirbichishan

¹⁹ Munticunata runtu tamya ushariptinpis, siudäcuna juchuchir-ushasha captinpis

Isaías 32:19 Referans Kwoze

Isaías 28:17

Chaychöga alli goyaymi plomädano canga. Rasun cajta ruraynami nibilno canga. Gamcuna llullacuypa pacacushayquitaga runtu tamyami illgarachengapaj. Chapäshunayquipaj yäracushayquitanami yacu apacongapaj.

Isaías 30:30

Asiriata ushananpaj shamur Tayta Diosga fiyupa manchariypaj munayniyoj busnintami wiyacächenga. Rabyashpanmi fiyupa castigangapaj räyuwan, löcu tamyawan, runtuwanpis ima-aycatapis ushacurcoj ninawannöraj.

Isaías 28:2

Chay siudäpaj Tayta Diosga maynami acrasha caycächin callpayoj, munayniyoj runata. Chay runaga runtu tamyanöpis munayniyoj caycan; imatapis illgächej löcu wayranömi; löcu tamyaptin ima aycatapis lloglla apar illgächejnömi; aypalla yacu chayar ima-aycatapis ñiticurcojnömi. Chay runaga charircurmi pampaman sajtarenga.

Isaías 26:5

Paymi mana alliman chayachin alli-tucojcunataga. Munayniyoj caycaj siudätapis allpawan llapan tacucänanpaj juchurachin. Chay siudäpa pergancunapis juchucäcun.

Zacarías 11:2

Wagay pino gueru. Sedru gueruga maynami tunisha. Chay cuyayllapaj guerucuna ushacashanami caycan. Basancho caj encina yöracuna, nanaywannöraj gaparpay. Fiyupa juntasha caycaj muntitaga ushajpämi sajtargärisha.

Apocalipsis 18:21

Chaura munayniyoj anjil mulinu rumita-niraj jogarcur lamarman jitarir niran: «Chaynömi päsashunquipaj jatuncaray Babilonia siudätaga. Mananami imaypis ricashunquipänachu.

Apocalipsis 8:7

Rimir caj anjil trompëtata tucaptin yawarwan nina tallusha runtu tamya cay pachaman tamyamuran. Chaura cay pachacho cajtaga pullanpita mastami ruparan yöracunatawan guewatapis.

Mateo 7:25

Wasita rurayta usharcuptin fiyupa tamyaptin aypalla yacu aywaptinpis, löcu wayrapis manami juchuchishachu gaga janancho sumaj simintunwan jatarachisha captin.

Nahúm 1:8

Paypa contran cajcunatami ichanga mayu chayar ima-aycatapis apacushanno illgarachin. Paypa contran cajcunataga yanauyaycaj chacaychöpis gaticachangami.

Nahúm 1:1

Cay libroga caycan Nínive imano cananpaj cashantapis Nahumta Tayta Dios ribilashanmi. Nahúm tiyaran Elcos marcachömi.

Isaías 37:24

Cachayquicunawan ashllichimarmi cayno nimashcanqui: «Yupaytapis mana atipaypaj aypalla carrëtäcunawanmi yaycushcä intëru puntancunapapis. Mana pipis yaycunan Líbano jircacunamanpis yaycushcämi. Mas cuyayllapaj pïno gueruncunatapis, jatunnin sedru gueruncunatapis sajtashcämi. Chayashcämi altunnin jircancunaman, may-may muntincunamanpis.

Isaías 27:10

Intërunpa curalasha caycaj siudäga chunyajmi ricaconga, runa wasinta cachaycuptin quëdashanno, chunyaj chaqui jircacho runa mana tiyashanno. Chay siudä cashanga canga uywacunata michicunallannami, sacsacarcärir uywancuna puñurpänallannami.

Isaías 25:4

Pobricunataga gammi imaypis washashcanqui. Llaquicuycajcunatapis yanapar chapashcanquimi. Löcu tamya mana chayananpaj pacacunanmi cashcanqui. Fiyupa shanay mana chayananpäpis llantunmi cashcanqui. Fiyu runacunapa jämayninmi ichanga caycan löcu tamyano,

Isaías 24:10

Siudäga juchushami caycan. Wasimanpis mananami pipis yaycunnachu.

Isaías 10:19

Chauraga muntichöpis wallcallanami guerucuna quëdanga. Quëdaj guerucunataga wamrallapis yupanganami.

Isaías 10:18

Ushajpämi illgächenga cuyayllapaj muntincunata, wertancunatapis. Gueshyawan gueshyaycaj runa callpaynaj caycajtanönami cachayconga.

Isaías 24:12

Siudäga pasaypa ragällami quëdasha. Puncunpis ichic-ichiclla ruracashami caycan.

Isaías 25:2

Siudätapis gotuy-gotuy juchusha cananpämi ticrarachishcanqui. Pacacuna curalasha siudätapis ushajpämi juchurgärachishcanqui. Jäpa runacunapa palasyuncunatapis juchuchirmi illgarachishcanqui. Chay siudätaga manami imaypis allchachenganachu.

Isaías 29:4

Pengaypämi jitarpaycar quëdanquipaj. Rimashayquipis almapanöllami wiyacanga. Parlashayquicunaga pajallami wiyacanga.

Isaías 10:33

Ricay-llapa Asiria runacunata. Paycunaga jatun guerucunanömi. Tayta Diosga munayninwanmi chay guerucunata sajtargärin. Jatusajnin caj guerucunatapis muturishanami. Mas jatunnin cajcunapis pampachönami jitarpaycan.