Isaías 32:11 - Tayta Diosninchi Isquirbichishan

¹¹ Imapäpis mana yarpachacuypa goyaycajcuna, manchariywan sicsicyay. Imanöpis caycashallayquiman yarparajcuna llaquicuy. Jatiraycashayqui alli röpayquicunata lojticuy. Nircorga llaquicur jaticunayqui röpayquicunatana jaticuy.

Isaías 32:11 Referans Kwoze

Isaías 3:24

Chay junäga perfümipa ruquin canga melanaypaj asyayllami. Chegllantapis watacongapaj wascawannami. Cuyayllapaj ñajchasha cananpa ruquin ajchaynaj gala-umami cangapaj. Alli röpacunata jaticunanpa ruquin jaticongapaj gachga röpatami. Cuyayllapaj gagllan cananpa ruquin cangapaj wayllasha fyërruwan rupachishami.

Santiago 5:5

Cay pachachöga gustullayquitami, munashallayquitami rurashcanqui. Pishtananpaj werayächisha uywanömi caycanqui. Örayqui chayaycämunnami.

Oseas 2:3

Mana chayno ruraptenga quiquëmi pengaypaj garapachashaj. Yurishantano galallatami cachaycushaj. Chunyajmanmi ticrarachishaj. Chayno rurar yacunaypitami wañuchishaj.

Jeremías 49:3

¡Hai siudä ushacashanpita gaparpay Hesbón runacuna! Milcom diostaga prësumi apaycan aduraj cürancunatawan mandajnincunatawan. ¡Chaypita Rabächo tiyaj warmicuna llaquicushpayqui wagay! ¡Lütu röpata jaticushpayqui pëchuyquita cutacuy! ¡Garayquicunata cuchucushpayqui löcuyaycajnöraj cörricachay!

Jeremías 6:26

Marca-masëcuna, fiyupa llaquicushpayqui gachga röpacunata jaticuy. Uchpacho gochpay. Nircur jucnaylla wamrayqui wañusha caycajpäno fiyupa wagay. Ushamänanchïpaj caycäga manapis aycällatanami chayamonga.»

Jeremías 4:8

Chaymi gachga röpacunata jaticuy. Fiyupa wagashpayqui nanächicuycajnöraj gaparpay. Nogaga jinallami nina ratarejnöpis gamcunapaj fiyupa rabyaycä.»

Isaías 33:14

Juchayojcunaga Sioncho sicsicyanmi. Diosman mana yäracojcunami fiyupa mancharishpan cayno nircaycan: «¿Mayganchïraj awantashwan rupar ushacoj ninataga? ¿Mayganchïraj cawaycushwan imaycamapis mana upej ninachöga?» nir.

Isaías 20:4

Isaías cashantanöllami Asiriapa rayninpis prësu apangapaj Egipto runacunatawan Etiopía runacunataga: auquincunatapis, mösucunatapis. Paycunata apangapaj gala-chaquillata, ruri caj röpallantawan, gala-siquillata fiyupa pengacachishpan.

Isaías 15:3

Läsacunachöpis llapan llaquicurcaycanga, wagarcaycanga. Wasin janancunachöpis nanaywan gaparpaycanga. Cällinpapis runacunaga purenga gachga röpasha.

Isaías 2:21

Chay junaj runacunaga mancharishpanmi yagacaycärengapaj gagacho caycaj uchcucunaman, pachapa shimin uchcucunamanpis. Chaynöga pacaconga Tayta Diosta manchacushpanmi.

Isaías 2:19

Tayta Dios chayno shamuptin runacunaga mancharishpanmi yagacaycärengapaj gagacho caycaj uchcucunaman, pacha rurinpa caycaj uchcucunamanpis. Chaynöga pacaconga manchacuypaj munayniyoj Tayta Diospitami.

Deuteronomio 28:48

Contrayquicunata Tayta Dios cachamuptinmi gamcunaga uywaynöna paycunata sirbinquipaj. Llapan ima-aycayquicunapis ushacaptinmi pasaypa muchoj ricacunquipaj. Chaymi micunayquipäpis ni upunayquipäpis ni jaticunayquipäpis mana canganachu. Chayno ñacanquipaj ushacänayquiyajmi.

Salmos 123:4

Asipämaptin manami awantänachu. Ollgoj runacunapis fiyupami ashlliman. Alli-tucojcunami manacajman churaman.

Isaías 22:12

Chay junaj munayniyoj Tayta Dios gamcunataga nishurayqui waganayquipaj, llaquicur ajchayquicunatapis rutucunayquipämi. Chayno nishurayqui llaquicushayqui musyacänanpaj gachga röpacunatapis jaticunayquipämi.

Isaías 47:8

«Chaypita cananga wiyay Babilonia. Fiyupa cuyayllapajcunallata cuyaj warmimi cashcanqui. Mana yarpachacuypami mandanayqui sillunniquicho jamaraycanqui. Shongullayquicho niycanqui: ‹Manami pipis noganöga canchu. Nogaga manami biyüdapis quëdashächu. Manami wawaynajpis quëdashächu› nir.

Amós 4:12

«Chaypitami cananga Israelcuna sumaj camaricuy tapuptë imata willamänayquipäpis. Gamcunataga mas piyur-rämi castigashayquipaj.»

Sofonías 2:15

Chay siudä runacunami caycan fiyupa alli-tucoj. Chaycho tiyajcunaga imapäpis mana yarpachacuypami goyarcaycan. Chay runacunaga caynömi parlan: «Cay siudäninchïnöga manami juc siudä canchu» nir. Ichanga chay siudäpis muntuy-muntuy juchushami quëdanga. Atojcunapa tiyananmanmi ticranga. Pï-maypis chay siudä ñaupanpa päsashpanga wichyapar maquinwan togrishpanraj manacajman churar asipanga.

Éxodo 33:4

Tayta Dios chayno nishanta musyaycur Israelcuna amatar llaquicuran. Wañupacusha caycajnöraj ricacuran. Chaymi mana jaticurannachu aläjacunata ni alli röpacunatapis.

Joel 1:8

Runacunaga wagarcaycan majachacänanpaj caycaj mösu wañucäcuptin jipash wagaycashannömi.