Isaías 3:16 - Tayta Diosninchi Isquirbichishan

¹⁶ Mastapis Tayta Diosga nin: «Sión warmicunaga fiyupami alli-tucun. Ñuquiycachaycar guepishtaycachar-raj purinpis. Chaquinman watacushancunata suynachinanpämi jinallanman jinallanmanraj japaycunpis.

Isaías 3:16 Referans Kwoze

Isaías 4:4

Tayta Dios arriglashan junaj y castiganan junäga Jerusalén runacunata mayllanga wañuchicushanpita yawarlla caycajtami. Sión löma warmicunatapis ganra caycajta mayllangami.

Mateo 21:5

«Sión lömacho tiyajcunata willay: « ‹Ricay. Umildi rayniquimi aywaycämun bürrullan muntasha. Cargacuna bürrupa wawanta muntashami aywaycämun.› »

Cantares 3:11

Sión warmicuna, llojshimuy ray Salomonta ricanayquipaj. Maman cuyayllapaj corönata majachacänanpaj rurapashantami jatiraycan. Chay corönataga ruraparan mas cushisha-canan junajpämi.

Proverbios 30:13

Waquenga fiyupami munayniyoj-tucun. Chaymi waquin runataga manacajman churan.

Lucas 23:28

Wagar aywaycaj warmicunata Jesús niran: «Jerusalén warmicuna, nogapäga ama wagaychu. Chaypa ruquenga wamrayquicuna quiquiquicuna ñacanayquipaj caycajpita wagay.

Sofonías 3:11

Chay junäga gamcunapita illgächishämi ollgojcunatawan alli-tucojcunatapis. Chauraga chay mana alli runacuna manami acrashä runacunata pengayman churanganachu. Chaynöpami rispitädu jircächöga manana imaypis alli-tucojcuna canganachu.

Isaías 24:4

Cay pachaga llaquicuycho cashpanmi chaquir shushuycan. Mundu cansädu cashpanmi pasaypa chaquir shushucäcun. Munayniyoj runacunapis fiyupami llaquicun.

Isaías 3:18

Chay junäga Tayta Diosmi ushajpaj illgächenga warmicuna camaränanpaj jaticunancunata: chaquincho camarächinanpaj caj shall-shallyajcunata, vinchancunata, coröna-niraj adurnuncunatapis,

Isaías 1:8

Sionga japallannami quëdasha. Übas chacra chaupincho chuclla tiyaraycajno, calbäsa wayuraycaj chacra chaupincho jucnaylla ramäda caycajno, japallan siudäta chiquejcuna intëru cantunpa tumaparaycashannömi quëdasha.

Proverbios 16:18

Alli-tucojcunaga ushapacangami. Jucta manacajman churajcunaga mana allimanmi chayanga.

Isaías 3:1

¡Ricay-llapa! Munayniyoj Tayta Diosmi Judá nasyuntawan capitalnin Jerusalenta cachayconga. Micuytawan yacutapis apacongami.

Isaías 3:4

Nircorga mana yachaj wamracunallatanami mandajnin cananpaj churapanga.

Isaías 3:17

Chaypita castigashpämi umantapis garachuwan galayächishaj. Llapan runa ricaymi gala-umalla purenga.»

Proverbios 21:4

Manacajman churaypis, yachaj-tucuypis, mana allita yarpaypis juchami.