Isaías 28:1 - Tayta Diosninchi Isquirbichishan

¹ ¡Ay imanöraj canga Samaria! Payga corönanömi micuyta alli wayuchej altu patacho caycan. Burrächu Efraín runacuna alli-tucushanmi caycan. Chaynöpis caycan adurnu wayta wañuytasha caycajnömi. Chaychöga bïnuta upyallarmi goyarcaycan.

Isaías 28:1 Referans Kwoze

Oseas 7:5

Ray fistata ruraptin mandajcunaga fiyupa machänancama upyan. Chaura raypis asipajcunatana gayan upyäshinanpaj.

Isaías 28:7

Cananga cüracunawan profëtacunapis machächicojcunata achcata upucurcushpanmi tuni-tuni purircaycan. Tayta Dios willapaycashan örapis tuniycacharcaycan. Dimandacojcunatapis machashami arriglaycan.

Amós 6:6

Jatusaj cöpacunawan bïnuta upyarcaycanqui. Cuerpuyquicunamanpis allinnin perfümicunataraj pichucuycanqui. Nasyunniqui mana alliman chayaycashanpäga manami imapis gocushunquichu.

Amós 6:1

¡Ay imanöraj canqui Sioncho goyaj autoridäcuna! ¡Ay imanöraj canqui Samariacho tiyaj mandajcuna! Gamcunaga charashayquiman yäracurmi munayniyoj-tucurcushcanqui. Gamcunamanmi Israelcunaga «yanapämay» nir aywarcaycämun.

Amós 2:12

Mastapis Tayta Diosga nin: «Chayno caycaptinpis gamcunaga nazareo runacunata firsapita bïnuta upuchishcanqui. Profëtacunatapis michashcanqui nogapa jutëcho mana willacunanpaj.

Amós 2:8

Israelcunaga rindata chararashan röpacunata mashtaycärirmi wegurpan ïdulucunapa ñaupancho rispitar micunanpaj. Multata pägachishan guellaywanmi bïnuta rantin. Nircurmi chayta upyan ‹diosnë› nishancunapa templuncunacho.

Oseas 6:10

Israelcunachöga ricashcä fiyupa melanaypaj mana allicunatami: Efrainga jucwan-jucwanmi aywacusha. Israelcunapis fiyupa ganrayasha.

Oseas 5:5

Alli-tucushanga quiquin mana alliman chayanallanpämi. Efraín jutiyoj Israelcunaga quiquincuna mana allita rurashallanwanmi mana alliman chayanga. Paycunawan iwalmi Judäpis mana alliman chayanga.

Oseas 4:11

«Pipis jucwan-jucwan cacushpan y amatar upyarpis pasaypami pirdican.

Isaías 9:9

Chaytaga Samariacho tiyaj Efraín runacuna llapanmi tantiyan. Ichanga paycuna alli-tucushpan cayno nin:

Isaías 8:4

Chay wamra manaraj ‹mama› ni ‹papä› nir rimayta pashtachiptinmi Damascupitawan Samariapitaga ima-aycantapis apacongapaj. Nircurnami llapan bälej cajcunataga Asiriapa rayninman apapanga.»

Isaías 5:22

Ay imanöraj canqui waran-waran upyallar cacojcuna, machächicojcunata rurayllapaj callpayojcuna.

Isaías 5:11

Ay imanöraj canqui upyallapaj yarparaycar warämojcuna, machashalla chacarpärejcuna.

Proverbios 23:29

¿Pitaj ñacan? ¿Pitaj nanächicun? ¿Picunataj rimanacullar, wagallar goyan? ¿Piraj pitapis mana gallaripaycällar malubracun? ¿Picunaparaj ñawinpis yawartasha?

2 Crónicas 28:6

Remaliaspa wamran Peka Judá runacunata juc junajllacho wañuchiran pachac ishcay chuncan waranga (120,000) runacunata. Wañojcunaga caran jinyucunalla. Chaynöga caran unay caj awiluncuna rispitashan Tayta Diosta gongaycärishanpitami.

2 Reyes 15:29

Israelpa raynin Peka caycashan wichan aywar chayaran Asiriapa raynin Pul nishan Tiglat-pileser. Nircur charicurcuran Ijonta, Abel-bet-maacata, Janoata, Cedesta, Hazorta, Galaadta, Galileata, Neftalí runacuna tiyashantapis ushajpaj. Chay particho tiyajcunatana llapanta Asiriaman prësu aparan.

Levítico 26:19

Alli-tucurcaycajtami manacajman churashayqui. Cay pachamanpis manana tamyachimushänachu. Chauraga allpapis manami imatapis wayonganachu.

Oseas 5:9

Castiganä junaj Efraín runacunaga ushajpämi ushacanga. Rimashätaga rasunpami Israelcho cumlishaj.

Isaías 9:8

Tayta Diosga juc willapatami willachisha Jacobpita mirar aywaj Israel runacunata.

Isaías 9:11

Chayno cashanpitami cay nasyunmanga Tayta Dios cachamusha fiyupa chiquejcunata. Quiquin Tayta Diosmi camacächisha magaj yaycamunanpäpis.

Amós 4:1

Sumaj wiyay Samaria warmicuna. Basán particho wäcacunano caycaj warmicuna wiyay cayno nishäta: Gamcunaga pobricunatami ñacaycächinqui. Pishëpacojcunatapis magar-ushaycanqui. Runayquicunatana «Bïnuta apamuy upyanäpaj» nircaycanqui.

Amós 6:4

Cuyayllapaj llagllaypa adurnasha jamanacho wegurpaycanqui. Fistata rurar cushicushpayqui goyaycanqui. Carni-mallwacunata, werannin töru-mallwacunata micur jamarpaycanqui.

Amós 6:8

Tayta Diosga quiquinpa jutinchömi jurasha. Munayniyoj Tayta Diosga caynömi nin: «Jacobpita mirar-aywajcuna alli-tucushanga fiyupami rabyachiman. Palasyuncunatapis melanäcömi. Chaypitami paycunataga siudänintinta cachapaycushaj chiquejcunapa munayninman.»