Isaías 26:9 - Tayta Diosninchi Isquirbichishan

⁹ Chacaycunapapis gamllamanmi yarparaycä. Llapan shongöpami gamta ashiycä. Cay pachacho caj runacunata llapanta jusgaptiquirämi yachaconga allita rurayta.

Isaías 26:9 Referans Kwoze

Mateo 6:33

Chaycunapaj yarpachacunayquipa ruquenga yarpachacunquiman Tayta Diospa maquincho cawanayquipaj. Pay munashanno cawaptiquega imata nistashayquitapis tarichishunquipämi.

Salmos 119:62

Pullan pagas jatarcurmi gamtaga mañacö alli jusgacoj cashayquipita.

Salmos 63:1

¡Tayta Dios, gammi canqui Diosnë! Gamtami fiyupa ashiycä. Gamwan iwal caytami munä. Gampa buluntäniquitami llapan shongöpa rurayta munä. Gamwan caytaga munaycä chaqui jirca yacuta munaycajnörämi.

Marcos 1:35

Warannenga chacallana siudäpita Jesús llojshiran chunyajninman Tayta Diosta mañacunanpaj.

Apocalipsis 11:13

Chay örami fiyupa timlur caran. Chaymi chay marcacho cada chunca wasipita juc wasi juchuran. Ganchis waranga (7,000) runacuna wañuran. Cawaj cajcunaga fiyupa mancharirmi syëlucho caycaj Tayta Diosta alabaran.

Lucas 6:12

Chay wichan juc junaj Jesús aywaran chunyaj jircaman Tayta Diosta mañacunanpaj. Chay jircacho warayllata Tayta Diosta mañacuycar wararan.

Isaías 55:6

Canan timpu cashancama Tayta Diosta ashiy. Manaraj carucho cashancama gayacuy.

Proverbios 8:17

Cuyamajcunata nogaga cuyämi. Ashimajcunapis yachacunmi.

Salmos 58:11

Chayrämi llapanpis nenga: «¡Tayta Diosta wiyacuymi alliga! ¡Cay pachacho canmi Dios llapanta jusgananpaj!» nir.

Oseas 5:15

«Nircur cuticushaj tiyanämanmi. Chaycho cacushaj paycuna juchayoj cashanta reconösinancama, ashimaj shamunancama. Fiyupa llaquicuycho caycashan örami ashimanga.»

Isaías 27:9

Chaynöpami Jacobpita mirar aywajcuna jucha rurashantaga perdunanga. Chaymi iscu rumita cuwarcur jururachishanno juccunapaj rupachinan altarcunata ichic-ichiclla rurarenga. Asera diosa-niraj ïdulucuna jucnayllapis manami canganachu. Juc dioscunapaj insinsu saumachicunan altarcunapis manami canganachu.

Salmos 130:6

Nogaga ricaj ricajllami Tayta Diosta shuyaraycä. Täpapacojcuna pacha waränanta shuyarajpita masrämi shuyaraycä.

Salmos 64:9

Chayrämi Tayta Diosta llapan rispitanga. Tayta Dios imata rurashancunatapis willaconga. Tantiyaconga Tayta Dioslla llapantapis camacächishanta.

Salmos 83:18

Llapan musyachun gam japallayqui Tayta Dios cashayquita. Tantiyacuchun gamlla janaj pachacho cay pachachöpis Tayta Dios cashayquita.

Salmos 78:34

Castigaptinrämi paycunaga Tayta Diosman yäracoj. Chayno ruraptinrämi arpinticur Tayta Diosta ashej.

Salmos 63:5

Fiyupami cushicushaj mishquej micuyta micushanöraj. Cushicushpä gamtami alabashayquipis.

Salmos 105:7

Tayta Diosmi noganchïpa Tayta Diosninchëga. Paypa maquinchömi caycan cay pachapis.

Salmos 119:55

Tayta Dios, chacaycunapis gamtami yarpä. Yachachishayquicunatami cumliyta munä.

Isaías 50:10

¿Pitaj Tayta Diosta rispitan? ¿Pitaj Tayta Diosta sirbejta wiyacun? Chacaycho purirpis Tayta Diosman yäracojcunallami, upinaycajlla achquin caycaptinpis Diosman guellicojcunallami wiyacun y rispitan.

Lamentaciones 2:19

Chacaycunapapis jatarcur waray-waray gaparay. Llapan llaquicuycashayquipita Tayta Diosta willapay, wagapay. Mañacushpayqui maquiquitapis chojpacuy. Ruwacuy yargaypita wamrayquicuna mana wañunanpaj. Micunanpaj imapis mana captinmi wamrayquicunaga cällicunachöpis wañurcaycan.

Lamentaciones 3:25

Tayta Diosga fiyupa allimi payman yäracojcunapäga llapan shongunpa payman yäracuyta ashejcunapäga.

Ezequiel 5:15

Gamcunapaj rabyasha cashpä imanöpis castigaptë, llapanmi ashllir wiyachipäshunquipaj. Sercayquipa tiyaj runacunapäpis ricacunanpämi canquipaj. Noga Tayta Diosmi nishcä chayno cananpaj.

1 Crónicas 16:14

«Tayta Diosmi noganchïpa Diosninchi. Paypa maquinchömi caycan cay pachaga.