Isaías 26:14 - Tayta Diosninchi Isquirbichishan

¹⁴ Chay mandajcunaga wañushanami. Manami cawarimongapänachu. Paycunaga llantuynöllami casha. Mananami jatarimonganapischu. Castigashpayqui maynami llapanta illgarachishcanqui. Paycunata pipis mana yarpänanpämi illgarachishcanqui.

Isaías 26:14 Referans Kwoze

Proverbios 10:7

Alli runataga alli cashanpita fiyupami yarparan. Fiyu runatami ichanga manapis aycällatana gongaycärin.

Isaías 8:19

Ichanga runacuna nishunquipaj: «Almata tapucuy. Tapucuy shap-shapyayllapa parlaj musyacojcunata» nir. ¿Imanirtaj runacunaga wañojcunapa almanta tapucun? Chaypa ruquin runaga ¿manachu Tayta Diosta tapucunman?

Salmos 106:28

Paycunaga Baal-peorta sirbiran. Mana cawaj dioscunapaj churashanta micuran.

Apocalipsis 20:5

Chay cajcunaga rimir caj cawarimojllarämi caycan. Waquin wañojcunaga manarämi cawarimongarächu waranga (1,000) wata cumlinancama.

Mateo 2:20

«Wamrata mamantinta pushacurcur Israelmanna cuticuy. Wamrata wañuchiyta munajcunaga wañushanami» nir.

Isaías 10:3

Chayno car gamcunaga ¿imataraj ruranquipaj jusgashushayqui öra? Carupita castïgu chayashuptiqui ¿pitaraj mañacunqui? Riquësayquicunatapis ¿maymanraj churanqui?

Salmos 109:13

Paycunapita mirajcunapis chayllachöna ushacächun. Chay apillïduga illgächunna.

Salmos 9:6

Chiquimajcunaga wañushanami. Quiquinwan iwalmi illgasha siudänincunapis. Gammi illgächishcanqui. Paycunapaga manami imallanpis quëdashachu yarpänanpaj.

Deuteronomio 4:28

Juc-lächo carga guerupita, rumipita runa rurashan ïdulucunatami aduranquipaj. Chay ïdulucunaga manami ricanchu, manami wiyanchu, manami micunchu, jämaytapis manami cachanchu.

Éxodo 14:30

Chay junaj Egiptucunapa maquinpita Tayta Dios Israelcunata gueshpichiran. Chaypitaga Israelcuna ricaran lamar cuchuncho Egiptucunapa ayan wampurcaycajta.

Isaías 26:19

Gamman yäracamoj runacunaga cawarimongami. Allpacho pamparaycajcunami cawarimonga. Nircorga cushicuyllawanmi gaparpangaraj. Llapan guewacunata shullay wiñachir yagarichimushannömi llapan wañushacunatapis cawarachimunquipaj.

Salmos 36:12

Masqui ricay chay fiyu runacunata. Cananga mana allimanmi chayasha carcaycan. Chaypitaga mananami llojshenganachu.

Salmos 59:5

Tayta Dios, gammi munayniyoj Dios canqui. Gammi Israelcunapa Diosnin canqui. Riccharcur castigay ari mana rispitashojcunataga. Ama cuyapaychu fiyu runacunataga. Selah

Salmos 135:17

Rinrin captinpis manami wiyanchu. Chaycunapaga manami jämayninpis canchu.

Eclesiastés 9:5

Cawaycajcunaga musyanrämi wañunanpaj caycashallantapis. Wañushacunami ichanga imatapis mana musyanchu ni gänanpischu. Wañojcunataga llapanmi gongaycärinna.

Isaías 37:19

Runacuna ‹diosnë› nishancunatapis rupargärachisha. Chaycunaga manami rasunpa dioschu caran. Chaycunaga guerupita, rumipita runacuna rurashallanmi casha. Chaynöpami illgächishapis.

Job 7:9

Imanömi pucutay jogaricar illgacäcun, chaynömi caycan wañur pampacöga. Sepultürapitaga manami imaypis jatarimonganachu.

Job 18:17

Chay runata cay pachachöga gongayconganami. Chay runapa jutintapis manami parlanganachu.

Job 24:20

Paycunataga mamanpis gongayconganami. Curucunanami micur ushacurconga. Pipis mananami yarpanganachu chay runataga. Gueruta wayra sajtarishannömi ushacanga.