Isaías 2:8 - Tayta Diosninchi Isquirbichishan

⁸ Ïdulucunapis intërucho juntashami caycan. Runacunaga adurarcaycan quiquin rurarcur «diosnë» nishantami.

Isaías 2:8 Referans Kwoze

Apocalipsis 9:20

Chay castïgucunawan mana wañoj runacunaga mana alli ruraycashancunatapis manami cachariranchu. Chaypa ruquenga dyablucunata, ïdulucunata imaypis aduraran. Aduraran goripita, guellaypita, runsipita, rumipita guerupita rurasha caycashanta musyaycarmi. Chay adurashancunaga manami ricayta, wiyayta ni puriytapis puydinchu.

Jeremías 2:28

Judá, ¿maychötaj caycan rurashayqui diosniquicunaga? Chaycuna mä shamuchun ñacaycho caycashayqui öra salbashunayquipaj. ¿Gamcunapaga diosniquicunapis manachu siudäniquicunano aypalla?

Isaías 37:19

Runacuna ‹diosnë› nishancunatapis rupargärachisha. Chaycunaga manami rasunpa dioschu caran. Chaycunaga guerupita, rumipita runacuna rurashallanmi casha. Chaynöpami illgächishapis.

Hechos 17:16

Atenascho Silastawan Timoteota shuyar Pabloga ricapacur puriran. Aypalla ïdulucunata ricar fiyupa llaquicuran.

Oseas 14:3

Asiria runacunaga manami salbamangapächu. Cawallucunawanpis pillyamanga manami aywashäcunachu. Quiquëcuna rurashätaga mananami imatapis ‹diosnë› nishänachu. Tayta Dios gamllami wacchacunatapis cuyapanqui» nir.

Oseas 13:2

Cananpis jinallami juchata rurarcaycan. Guellaynincunata chullurcachir ïdulucunata rurachicurcun. Chay ïdulucunataga guellay tacajmi yachashanman-tupu rurapan. Nircorga nin: «Paypaj garayniquita churay-llapa» nir. Chaura runacunaga jundiypa rurashan töruta rispitashpan muchan.

Oseas 12:11

Galaadcho tiyajcunaga fiyu runacunami. Paycunaga manacajllami. Gilgalchömi törucunata pishtarcur rupachin. Chaypitami altarnincunapis chacracho rumi gotushacuna goturaycajno quëdanga.»

Jeremías 11:13

Judá runacuna, gamcunapaga siudäniquicuna cashanmanno achcami diosniquicunapis. Jerusalenpa cällincuna aypalla cashantanömi Baal diospaj saumachinanpaj altarcunatapis rurashcanqui.

Isaías 57:5

Gamcunaga roble gueru chaquincunacho, rämasapa yöracunapa chaquinchöpis dioscunata adurashpayqui melanaypaj ganracunatami rurarcaycanqui. Dioscunata adurashpayquipis wamracunata pishtarcur rupaycächinqui ragra läduncunacho, gagapa shillincunacho.

Isaías 17:8

Manami yarpanganachu runa rurashan altarcunapaj, ni imatapis maquinwan rurashan cajpäpis. Asera diosa-niraj ïdulumanpis mananami yäraconganachu. Manami yarpanganachu «diosnë» nishancunapaj ni insinsuwan saumachishan altarcunapäpis.

2 Crónicas 27:2

Jotam Tayta Diosta wiyacur rurashancunaga papänin Uzías rurashanno allilla caran. Tayta Diospa Templunman ichanga mana yaycuranchu. Runacunaga sïguir jucha rurayllacho caycaran.

Deuteronomio 4:28

Juc-lächo carga guerupita, rumipita runa rurashan ïdulucunatami aduranquipaj. Chay ïdulucunaga manami ricanchu, manami wiyanchu, manami micunchu, jämaytapis manami cachanchu.

Oseas 8:6

¡Samariacho caycaj töruga manami dioschu! Chaytaga ruray yachajllami rurasha. Chay törutaga acapa-acapami paquirengapaj.

1 Reyes 16:7

Baasa Tayta Diosta mana wiyacur juchata rurashanpitami Hananipa wamran profëta Jehüwan Tayta Dios willacachiran Baasa llapan castancunawan imaman chayananpaj cashantapis. Baasaga fiyupami Tayta Diosta rabyachiran. Llapan rurashancuna caran Jeroboam castancunawan rurashanno. Paycunataga castigashpan ushajpämi illgächiran.

Isaías 26:13

Tayta Dios, juc mandajcunami nogacunataga munaynincho charämasha. Ichanga gamllami Tayta Diosnë canqui.

Isaías 40:19

¿Ïdulutachuraj ruranqui? Ïdulutaga tacay yachaj runallami ruran. Guellay tacayta yachajmi goriwan chapyan. Chayno guellaypita cadina wallgatapis jundiypa rurapan.

Isaías 41:29

¡Chay dioscunaga mayganpis manami imapischu! Imata ruraytapis manami camäpacunchu. Chaycunaga caycan runa rurashallan y mana-bälejcunallami.»

Jeremías 1:16

Chay siudäcunacho tiyaj runacunataga juchata rurashanpitami castigashaj. Paycunaga nogatami gongaycamasha. Juc-lä nasyun runacuna ‹diosnë› nishancunallapämi insinsutapis goshtachisha. Quiquincuna diosnincunata rurarcurmi adurasha.

2 Reyes 17:10

Puytush lömacunacho, cupösu yöracunapa chaquincunacho ichichicurcuran Asera diosa-nirajcunata, shaywacunata.

2 Reyes 17:16

Tayta Diospa mandamintuncunataga manami juctapis cumlirannachu. Chaypa ruquenga runsita jundiypa ruracarcäriran ishcay besëracunata, Asera diosa-niraj ïdulutapis. Aduraran syëlucho cajcunata, Baaltapis.

Miqueas 5:12

Brüjucunatapis ushajpämi illgächishaj. Chaura gamcunachöga manami cangapänachu musyacojcunapis.