Isaías 18:1 - Tayta Diosninchi Isquirbichishan

¹ ¡Ay imanöraj canga Etiopía nasyuncho caycaj mayucunapita mas washacho caycajcuna! Chay nasyunchöga aypalla chinrascunami inririycan.

Isaías 18:1 Referans Kwoze

Sofonías 3:10

Chauraga aduramaj runacuna juc-lä nasyuncunacho canan mashtacasha goyaycäga Etiopía mayupita mas washachu caycajpita-pachami ofrendancunata nogapaj apamonga.

2 Reyes 19:9

Chaychöna Asiriapa raynenga mayaran paypa contran Etiopía nasyunpa raynin Tirhaca suldäruncunawan pillyaj aywaycashanta. Chaypitapis ray Senaqueribga Judäpa raynin Ezequiasman yapayraj cachancunata cacharan.

Sofonías 2:12

¡Etiopía runacuna, gamcunapäpis Tayta Dios camacächenga espädanwan wañunayquipämi!

Mateo 23:37

«¡Ay imanöraj canqui Jerusalén! Tayta Diosga profëtancunata cachamuran. Paycunatami wañuchishcanqui. Waquintaga sajmar-ushashcanqui. Jerusalén, achca cutimi wamrayquicunata shuntayta munarä wallpa chipshancunata älan rurinman shuntashannöpis. Ichanga manami munashcanquichu.

Ezequiel 30:9

« ‹Egipto nasyun castigasha cananpäga wallcanami pishin. Chay junaj chayamuptinmi büquiwan cachata cachashaj mana yarpachacuypa caycaj Etiopiacunata willananpaj. Chaura chaychöga runacuna fiyupami mancharenga.

Isaías 31:1

¡Ay imanöraj canqui yanapänanpaj Egiptucunaman ruwacoj aywajcuna; Egipto runacunapa cawalluncunaman yäracojcuna; aypalla carrëtancuna cashanman yäracojcuna; cawalluta muntacurcur pillyajcunaman yäracojcuna! Paycunaga yarpayllapis manami yarpärinchu Israelcunapa Santo Tayta Diosninman. Paymanga manami yäracunpischu.

Salmos 91:4

Paymi älancunawan chapashunquipaj. Älan rurincho carnaga mananami manchacunquipänachu. Payga imaypis escüdunömi chapaycäshunquipaj.

Salmos 63:7

Gammi yanapämanqui. ¡Gam älayqui rurincho chapämaptiquimi cushisha cawä!

Salmos 61:4

Gampa wasiquichömi imaycamapis goyayta munä. Älayqui rurinman pacaycamay ari. Selah

Salmos 57:1

Tayta Dios, cuyapaycamay ari. Gamman pacacaycämuptëga cuyapaycamay ari. Mana allicuna päsanancamami älayqui rurinman pacacuyta munä.

Salmos 36:7

Tayta Dios, gamga fiyupa cuyacojmi canqui. Runacunaga älayqui rurinmanmi pacacuyta ashircaycan.

Salmos 17:8

Ñawi-ñïñuyquitanöpis cuydaycamay. Älayqui rurinman pacaycamay

Rut 2:12

Chaypita Tayta Dios yanapaycushunqui ari. Yäracushayquipita, allita rurashayquipita Israelpa Tayta Diosnin imachöpis yanapaycushunqui.»

Isaías 37:9

Chaychöna Asiriapa raynenga mayaran paypa contran Etiopía nasyunpa raynin Tirhaca suldäruncunawan pillyaj aywaycashanta. Chaypitapis ray Senaqueribga Judäpa raynin Ezequiasman yapayraj cachata cacharan. Ezequiasta niran:

Isaías 45:14

Israelcunata Tayta Diosga caynömi nin: «Egipto runacunapis, Etiopía runacunapis, jatusaj Sabá runacunapis maquiquichömi canga. Chay runacunapis, murushan micuynincunapis, nigusyuncunapis gamcunapanami canga. Paycunaga cadinawan watashami guepayquita shamongapaj. Gamcunapa ñaupayquiman gongurpacuycurmi ruwacushunquipaj. Chaynöga ruranga ‹Rasunpa gamcunachömi Diosga caycan. Paypita mas jucga manami dios canchu› nirmi.»