Isaías 17:8 - Tayta Diosninchi Isquirbichishan

⁸ Manami yarpanganachu runa rurashan altarcunapaj, ni imatapis maquinwan rurashan cajpäpis. Asera diosa-niraj ïdulumanpis mananami yäraconganachu. Manami yarpanganachu «diosnë» nishancunapaj ni insinsuwan saumachishan altarcunapäpis.

Isaías 17:8 Referans Kwoze

Isaías 30:22

Chauraga jitarinquipänami guellaypita rurashayquita, goriwan intërunpa chapyachiypa rurashayqui ïduluyquicunatapis. Chaycunataga ganra räputanömi manana ricaytapis munanquipänachu.

Isaías 27:9

Chaynöpami Jacobpita mirar aywajcuna jucha rurashantaga perdunanga. Chaymi iscu rumita cuwarcur jururachishanno juccunapaj rupachinan altarcunata ichic-ichiclla rurarenga. Asera diosa-niraj ïdulucuna jucnayllapis manami canganachu. Juc dioscunapaj insinsu saumachicunan altarcunapis manami canganachu.

Isaías 2:8

Ïdulucunapis intërucho juntashami caycan. Runacunaga adurarcaycan quiquin rurarcur «diosnë» nishantami.

Zacarías 13:2

«Chay junaj cay nasyunchöga intëruchömi ïdulucunata illgächishaj. Chayrämi mastaga manana imaypis parlanganachu chay ïdulucunapaj. Chay nasyunpitaga illgarachishämi llulla profëtacunata. Noga Tayta Diosmi chayno në.

Sofonías 1:3

«Illgächej-aywä runacunata, animalcunata. Chaynöllami illgächishaj äbicunata, pescäducunatapis. Fiyu runacuna mana alliman chayananpämi camacächishaj. Chaynöpami allpa jananpitaga ushajpaj runacunata illgächishaj.» Tayta Diosga caynömi nin:

Oseas 14:8

Acrashä runacunataga nogami ricä, chayno mañacamashantapis wiyä. Nogaga pïno yöra berdiraycajnömi caycä. Nogami achcaman mirananpäpis yanapä. Chaymi Efraín runacunaga nengapaj: ‹¿Imapänataj munä cay ïdulucunata?› nir.»

Ezequiel 36:25

Chuya yacuwanmi mayllashayquipaj. Ganra caycajta limyuyächishayquipaj. Ïdulucunata adurashayquipita ganra caycajtapis limyuyächishayquimi.

Isaías 44:15

Chay guerutanami yantapaj sajtan. Waquinwanmi ninata ratarcachir mashacun. Waquinwannami tantata ruran. Waquin pedäsutanami jorgun «diosnë» nir ïduluta rurananpaj. Nircurnami adurashpan ñaupanman gongurpacun.

Isaías 1:29

Fiyupa cuyashayqui yöracunata ricar pengacunquipämi. Cuyashayqui wertacunata ricaptiqui pengacuyllawanmi cärayquicunapis pucayacäcongaraj. Chay particunachömi gamcunaga ïdulucunata adurarcaycanqui.

2 Crónicas 34:4

Quiquin Josías ricapaycaptillanmi illgächiran Baalpaj rurachishan tucuy-niraj altarcunatapis insinsu saumachicunantinta. Asera diosa-niraj ïdulucunata, waquin ïdulucunatapis agullachiran. Chullurcachir jundiypa rurashan ïdulucunatapis ñuchu allpano cananyaj agachiran. Nircur mashtachiran chay ïdulucunata rispitar uywacunata pishtajcuna pamparaycashan uchcuman.

2 Crónicas 14:5

Judächo caycaj siudäcunapitaga intërupitami mana bälej ïdulucunapa capillancunatawan puytush lömacunacho altarcunata rurashantapis jitarichiran. Asa ray cashan wichanga runacuna jauca goyaran.

Éxodo 34:13

Chay runacunapataga altarnincunata juchorgärachinqui. Adurananpaj ichichishan wancacunatapis ushacächinqui. Asera nishan diosata adurananpaj jawishan racu guerucunatapis mutorgärinqui.

Deuteronomio 7:5

Chaypitami gamcunaga paycunapa altarnincunata ushajpaj juchuchir-ushanqui. Illgächinqui adurana rumincunata, Aserata adurananpaj jawishan gueruncunata. Ïduluncunatapis rupachinqui.

2 Samuel 22:42

‹Yanapämay› niptinpis manami pipis yanapashachu. Tayta Diosta mañacuptinpis manami yanapashachu.

Isaías 10:20

Chay wichanga wallcallapis quëdaj Israel runacuna mananami Asiria runacunaman yäracongapänachu. Chaypa ruquenga yäraconga Israelpa Santo Diosnillanmannami.

Isaías 17:9

Chay junaj Israelcho curalasha caycaj siudäcunatapis cachaycärengami. Unay Hev runacuna, Amorreo runacuna Israelcunata manchacushpan siudänincunata cachaycushannömi canga. Tiyashayquicunaga chunyajnami quëdangapaj.

Isaías 37:19

Runacuna ‹diosnë› nishancunatapis rupargärachisha. Chaycunaga manami rasunpa dioschu caran. Chaycunaga guerupita, rumipita runacuna rurashallanmi casha. Chaynöpami illgächishapis.

Isaías 41:29

¡Chay dioscunaga mayganpis manami imapischu! Imata ruraytapis manami camäpacunchu. Chaycunaga caycan runa rurashallan y mana-bälejcunallami.»

Jeremías 17:2

Wamrayquicuna manami gonganchu rämasapa yöracunapa rurincunacho altarcuna cashanta, altunnin puytush lömacunacho Asera diosa-niraj ïdulucuna cashanta.

2 Crónicas 31:1

Chay fista ushacaptin Israelcuna llapan aywaran Judá particho caycaj siudäcunaman. Nircur rimëru rispitashan wancacunata paquir-usharan. Asera diosa-niraj ïdulucunatapis llapanta agullaran. Capillancunatapis juchurgärachiran. Illgächiran intëru Judächo, Benjamincho, Efraincho, Manasescho. Llapanta chayno ushaycärir Israelcunaga siudänincunaman, wasinman-cama cada-ünun cuticuran.

Oseas 14:9

Yachaj cajcunaga, yarpaysapa cajcunaga cay willacuyta tantiyachun. Tayta Diospa caminunga derëchumi. Alli runacunaga chaypami purin. Juchasapacunami ichanga chay caminucho tacacan.