Isaías 17:6 - Tayta Diosninchi Isquirbichishan

⁶ Olivo yörata tapsircur-tapsircur wayuyninta pallariptin juc ishcay quëdashannöllanami quëdanga. Öjan rurincunacho quimsa chusculla quëdashannöllanami quëdanga.» Israelpa Tayta Diosninmi chayno nisha.

Isaías 17:6 Referans Kwoze

Isaías 24:13

Runaga wallcallanami cay pachacho quëdanga. Olivota pallar ushajpaj shicwananpaj wiruptin juc ishcay quëdashannöllana, cosëcha ushay quëdaj übasta ashishannöllanami quëdanga.

Deuteronomio 4:27

Chaymi Tayta Diosga juc-lä nasyuncunaman machiypa-machir gargushunquipaj. Chaura chayashayqui nasyunchöga wallcajllanami cawaycar quëdanquipaj.

Romanos 9:27

Israel runacunapänami ichanga Isaías cayno niran: «Lamar cantuncho agushnöraj Israel runacuna aypalla captinpis wallcajllatami Tayta Dios salbanga.

Abdías 1:5

«Suwacuna suwapäshunayquipaj chacaypa shamushpan imayquitapis ushajpäga manami apacunmanchu. Übasta pallajcuna gam cajman shamushpan juc ishcay sartataga cachaycunmanrämi. Gamcunatami ichanga contrayquicuna ushajpaj illgächishunquipaj.

Jueces 8:2

Efraín runacuna rabyacarcäriptinmi Gedeonga niran: «¿Noga rurashäpita mas allita rurashayquita manachu gamcuna tantiyanqui? Nogacuna achcata rurasha captëpis gamcuna rurashayquega mas allimi.

Romanos 11:26

Chaynöpami llapan Israel runacunapis salbacongapaj. Chayno cananpaj captinmi Tayta Diosninchïpa palabranchöpis cayno niycan: «Sionpitami salbacoj shamonga. Jacobpita mirar-aywajcunataga juchanpita perdunangami.

Miqueas 7:1

¡Cuyapaypämi caycä! Cosëchata ushaycur chacracho quëdajcunata ashejnöllanami caycä. Manami tarënachu micuyta munashä übasta ni ïgustapis.

Ezequiel 39:29

Israelcunacho Espiritö captinmi yapayga manana cachaycushänachu. Noga Tayta Diosmi chayno në.»

Isaías 27:12

Chay junajmi Tayta Diosga runa rïguta ërashanno ruranga Éufrates mayupita asta Egipto mayucama. Gam Israelcunataga juctapis mana cachaypami juc juclla shuntashunquipaj.

Isaías 10:22

Israel runacuna lamar cantuncho agushnöraj aypalla cashpanpis wallcajllanami cutimonga. Paycunataga Tayta Diosmi jusganga. Illgächinanpaj camacächishanami caycan.

Isaías 1:9

Munayniyoj Tayta Dios noganchïta juc ishcayllatapis cawaycajta mana cachaycamashaga canan öra caycashwan caran Sodomawan Gomorra quëdashannönami.

1 Reyes 19:18

Chayno captinpis quiquëmi chapäshaj nogaman yäracamaj ganchis waranga (7,000) runacunataga. Paycunaga manami Baalman gongurpacushachu ni muchashapischu.»

Jeremías 4:27

Tayta Diosmi cayno nin: «Cay pachacho cajtaga llapantami illgächishaj. Ichanga manami ushajpäga illgächishärächu.