Isaías 17:1 - Tayta Diosninchi Isquirbichishan

¹ Damasco imano cananpäpis Tayta Dios ribilashanta Isaías cayno willacuran: «Damascuga mananami siudänachu canga. Aypalla ragällami ricaconga.

Isaías 17:1 Referans Kwoze

Zacarías 9:1

Cay willacuyga caycan Hadrac nasyunpäwan Damasco siudäpaj Tayta Dios willacachimashanmi. Tayta Diosga llapan runacunatami ricaycan. Israel trïbucunatapis llapantami ricaycan.

Isaías 25:2

Siudätapis gotuy-gotuy juchusha cananpämi ticrarachishcanqui. Pacacuna curalasha siudätapis ushajpämi juchurgärachishcanqui. Jäpa runacunapa palasyuncunatapis juchuchirmi illgarachishcanqui. Chay siudätaga manami imaypis allchachenganachu.

Hechos 9:2

Ordinta jorguran Damasco siudächo sinagogacunaman yaycuycur Jesusman yäracojcunata warmita ollgutapis prësu chariycur Jerusalenman apananpaj.

Miqueas 1:6

Chaypitami Tayta Diosga cayno nin: «Samaria siudä ushajpaj juchunanpämi camacächishaj. Übasta lantananpaj yapyasha caycaj chacranömi ricaconga. Chay siudäpa perga rumincunatapis guechwa ragrapami mashtarishaj. Chayno rurariptë simintuncuna cashanpis alayrimi quëdanga.

Jeremías 49:2

Manapis aycällatanami Rabächo tiyaj Amón runacuna guërracho gaparpashan wiyacangapaj. Juchusha ragällanmi ricacongapaj. Llapan marcacunapis nina rupashallami quëdanga. Chayrämi Israelcunaga siudänincunata yapay shuntanga. Noga Tayta Diosmi chayno në.

Isaías 7:8

Damascuga caycan Siriapa capitalninmi. Rezinnami Damascucho ray caycan. Samariaga caycan Efrainpa capitalninmi. Remaliaspa wamrannami Samariacho ray caycan. Cananpita sojta chunca pichgan watataga Efraín mananami nasyunnachu cangapaj. Rasunpa mana yäracushpayquega gamcunapis chaynömi ushacanquipaj.› »

Génesis 14:15

Abramga uywaynincunawan raquinacuran. Nircur chacaypa illajpita yaycapaycäriran chay prësu apaj runacunaman. Chaycho pillyar binsiptin chay runacunaga gueshpir aywacuran. Chaura gatiran Hoba marcacama. Chay marcaga Damasco siudäpita päsaychöna caycaran.

Miqueas 3:12

Gamcunapa juchayquipitami Sión lömaga quëdanga yapyashano. Jerusalén siudä quëdangapaj muntuy-muntuy rumicuna goturaycajlla. Templu caycashan jircachöpis mana alli jachacunallana juntasha canga.

Isaías 37:26

Gamga ¿manachu musyarayqui noga Tayta Dios chaycunata llapanta camacächishäta? Unaypitanami chayno cananpaj camacächirä. Chaymi cananga cumlishcä. Chaynöpami gamga curalasha siudäcunatapis illgächir cachaycunqui ragällanta, muntuy-muntuy goturaycajta.

Isaías 19:1

Egipto imano cananpäpis Tayta Dios ribilashanta Isaías cayno willacuran: Masqui ricay Tayta Diosta. Egiptuman aywaycämun fiyupa cörrej pucutay jananchömi. Paypa ñaupanchöga sicsicyanmi Egiptucho caycaj ïdulucunapis. Egipto runacunapis fiyupami mancharin.

Isaías 15:1

Moab nasyun imano cananpäpis Tayta Dios ribilashanta Isaías willacuran: Moab nasyuncho caycaj Ar siudätaga illgächengami. ¡Juc chacayllachömi illgächenga! Moab nasyuncho caycaj Kir siudätaga illgächengami. ¡Juc chacayllachömi illgächenga!

Isaías 13:1

Amozpa wamran Isaiastami Tayta Dios ribilaran shamoj watacunacho Babilonia nasyun imano cananpaj cashantapis.

Isaías 10:9

Nogaga charishcä Calno siudätapis Carquemis siudätanöllami; Hamat siudätapis Arfad siudätanöllami, Samaria siudäpis Damasco siudätanöllami.

Isaías 8:4

Chay wamra manaraj ‹mama› ni ‹papä› nir rimayta pashtachiptinmi Damascupitawan Samariapitaga ima-aycantapis apacongapaj. Nircurnami llapan bälej cajcunataga Asiriapa rayninman apapanga.»

2 Crónicas 28:23

Damascucuna «diosnë» nishancunapämi uywancunata pishtarcur rupachiran. Chayno rurarmi Acazga mana alliman chayaran. Acazga yarparan Siria runacuna «diosnë» nishancuna chay nasyuncho tiyaj raycunataga imachöpis yanapashanta. Chaymi paypis yarparan uywacunata pishtarcur rupachiptenga yanapänanpaj cashanta. Chayno rurashanpitaga Acaz mana allimanmi chayaran. Israelcunapis ñacayman chayaran.

2 Crónicas 28:5

Chaypitami Tayta Dios cachaycuran Siriapa rayninpa munayninman. Chaura Siria runacunaga binsir Judäcunata aypallata prësu aparan Damascuman. Chaynöpis Tayta Diosga Acazta cachaycuran Israelpa rayninpa munayninman. Chaura paycunataga binsiran.

2 Reyes 16:9

Chayno apachiptinmi Asiriapa raynenga ruwacushanno shamur washaran. Damasco siudäman aywar yaycuran. Nircur chay siudächo tiyajcunata prësu charircur aparan Kir siudäman. Rezintapis wañuchiran.

Génesis 15:2

Chayno niptin Abramga niran: «Tayta Dios, ¿imapänataj imäcuna mas aypalla cananpäpis yanapämanqui? Nogapaga manami wamrä canchu ni jucnayllapis. Wañucuptëga llapan ima-aycäwanpis quëdanga Damasco runa uywaycashä Eliezerchari.

1 Crónicas 18:5

Chaypitaga Siria runacuna Damasco siudäpita chayaran Sobapa raynin Hadad-ezerta yanapänanpaj. Paycunatapis David binsir wañuycachiran ishcay chunca ishcaynin warangata (22,000).

1 Reyes 11:24

Rezonga runacunata shuntasha caran achcajta. Payga caran suwacunapa mandajnin. Soba runacunata David wañuchiptin Rezonga gueshpir aywacusha caran Damasco siudäman. Chaychönami Damascucunaga ray cananpaj churaran.

Deuteronomio 13:16

Ima-aycantapis shuntarcur-shuntarcur läsaman gotuycushpayqui llapanta rupachinqui. Nircur chay siudäta rupaycärachinqui. Chayga rupachina sacrifisyuta Tayta Diospaj rupachishayquinömi canga. Siudäga imaycamapis ragällannami quëdanga. Pipis manami allchanganachu.

Isaías 7:16

Chay wamra manaraj sumaj yarpayninman chayaptinmi ishcan raycuna manchaycächishojpa nasyunnincuna illganga.