Isaías 15:2 - Tayta Diosninchi Isquirbichishan

² Nebo, Medeba siudäcuna ushajpaj illgashanpitami Moab runacunaga fiyupa llaquiconga. Diboncho tiyaj runacuna wagaj aywanga puytush lömacho caycaj capillacunaman. Llaquicur llapanpis ajchan rutucusha, shapran jichcacusha carcaycanga.

Isaías 15:2 Referans Kwoze

Jeremías 48:1

Israelcunapa munayniyoj Tayta Diosninmi Moab nasyun imano cananpäpis cayno nin: «¡Ay imanöraj canqui Nebo siudä! Pasaypa ushacashami canquipaj. Quiriataim siudächo tiyajcunataga llapantami prësu charenga. Chaymi fiyupa pengaypaj canga. Curalasha caycaj pacacunantapis ushajpämi juchurachenga.

Levítico 21:5

«Ni ajchanta ni shaprantapis ama rutucongachu. Garancunatapis ama yawar-yawar ruracongachu.

Jeremías 48:18

«Dibón siudä runacuna alli-tucur rispitäducho jamaraycashayquipita llojshircur chucru chaqui pampamanna jamacuy. Illgächicöga gamcuna cajchönami caycan. Sumaj curalasha pergayquicunatapis maynami illgächisha.

Isaías 3:24

Chay junäga perfümipa ruquin canga melanaypaj asyayllami. Chegllantapis watacongapaj wascawannami. Cuyayllapaj ñajchasha cananpa ruquin ajchaynaj gala-umami cangapaj. Alli röpacunata jaticunanpa ruquin jaticongapaj gachga röpatami. Cuyayllapaj gagllan cananpa ruquin cangapaj wayllasha fyërruwan rupachishami.

Deuteronomio 34:1

Chunyaj Moab pampapita Moisesga aywar Nebo jircacho caycaj ricäpannin Pisga nishan puntaman wicharan. Chay puntaga Jericöpa chimpanchömi caycan. Chay puntapitami Tayta Diosga ricachiran Galaad partipita Dan particama.

Números 21:30

«Hesbón siudäga pasaypami ushacasha. Wamracunapis wañusha Dibón particama, warmicunana Nofa particama, ollgucunana Medeba particama.»

Ezequiel 7:18

Llapanmi llaquicushpan gachga röpacunata jaticonga. Ajchancunatapis galaypa rutuconga. Intëru cuerpunmi sicsicyanga. Pasaypa pengacuycarmi purengapis.

Jeremías 48:31

Chaymi fiyupa llaquicushpä wagashaj Moab nasyuncho tiyajcunapaj, Kir-hares siudächo tiyaj runacunapäpis.

Jeremías 47:5

Gazacho tiyaj runacunaga fiyupa llaquicushpanmi ajchancunatapis rutucun. Ascalón siudächo tiyaj runacunapis upayashanömi ricacun. Waquin guechwa pampacunacho quëdajcuna ¿imaycamaraj llaquicuywan garayquicunata cuchucurcaycanqui?

Jeremías 7:29

Jerusalén, gamcunapäga Tayta Dios fiyupa rabyashami caycan. Cachaycushurayquinami. Manami ricaytapis munashunquinachu. Chaymi ajchayquita ruturir jitariy. Chunyaj jirca lömacunacho llaquicuypajcunata cantay.› »

Isaías 22:12

Chay junaj munayniyoj Tayta Dios gamcunataga nishurayqui waganayquipaj, llaquicur ajchayquicunatapis rutucunayquipämi. Chayno nishurayqui llaquicushayqui musyacänanpaj gachga röpacunatapis jaticunayquipämi.

Isaías 16:12

Moab runacuna puytush lömacunaman aywashpan uticänancama chaycho mañacushanpis, capillancunaman mañacoj aywashanpis manacajllapämi canga.

Isaías 16:7

Chayno cashanpitami Moab runacunaga nasyunnin imano caycajtapis ricaycärir wagangapaj. Fiyupa llaquicurmi wagangapaj, chaquisha übaspita llapshalla mishquej tantata Kir-haresetcho micushanpaj yarpar.

Isaías 15:3

Läsacunachöpis llapan llaquicurcaycanga, wagarcaycanga. Wasin janancunachöpis nanaywan gaparpaycanga. Cällinpapis runacunaga purenga gachga röpasha.

Isaías 14:31

¡Filistea runacuna llapayqui llaquicuy! ¡Nanaywan gaparpay! ¡Manchariywan sicsicyay! Norte caj-läpitami suldärucuna aywaycämun pucutayno jirca ñitejraj. Fïlanpa aywaycämushanpitaga manami ni juc runapis llojshinchu.

Job 1:20

Chaura Jobga fiyupa llaquicushpan ichircur jatiraycashan röpanta rachiriran. Ajchantapis ruturiran. Nircur Tayta Diosta adurashpan gongurpacur umpuran.

Deuteronomio 14:1

«Gamcunaga Tayta Diospa cuyay wamrancunami canqui. Chaymi pipis wañuptin Diosman mana yäracoj runacuna rurashanno cuerpuyquicunata ama pishtaypa pishtar cuchucunquichu ni urcuyquicunapapis ama galaypa rutucunquichu.

Números 32:38

Nebo, Baal-meón, Sibma siudäcunata. Waquin siudäcunapa jutinta rucachishpan quiquincunapa jutintana churaparan.

Números 32:3

«Atarot, Dibón, Jazer, Nimra, Hesbón, Eleale, Sebam, Nebo, Beón particunaga

Levítico 13:40

«Pipapis ajchan ushacäcuptin sepla ricacurpis limyumi caycan.

Números 21:28

Sehonpa siudänin Hesbonpitami nina llojshiyta gallaycusha. Nircur ushasha Moabcho caycaj Ar particama. Ushasha Arnón mayupa altuncunatapis.

2 Samuel 10:4

Chaura Hanunga niran: «Davidpa suldärucunata prësu charircur shaprantapis pullanta garaypa rutuy. Röpantapis siqui-patanpita uraman rogupariy.» Chaura chayno rurarcärir garguriran.

Jeremías 3:21

«Chunyaj jircacunacho gaparashanmi wiyacaycan. Israelcunami wagashpan cuyapänanpaj mañacurcaycan. Paycunaga allipa aywarcaycashanpitami llutanpa aywacusha. Chaymi Tayta Diosnin caycaptë nogataga gongaycäramasha.

Jeremías 47:2

«Noga Tayta Diosmi në: Mayu chayar intëru pampapa mashtacar yagacuycojnömi norte caj-läpita runacuna chayamoj-aywan. Chay suldärucuna cay nasyunmanga intërumanmi yagacaycärenga, siudäcunamanpis, chay siudäcunacho tiyaycajcunamanpis. Chay nasyuncho tiyajcunaga llapanmi gaparpanga. Intëruchömi runacunaga nanächicur gaparpanga.

Jeremías 48:35

«Nogaga illgächishämi Moab runacuna puytush lömacunaman aywaycur diosnincunapaj uywacunata rupachejta, insinsuta rupachejcunata. Noga Tayta Diosmi në chayno ruranäpaj cashanta.

Ezequiel 27:31

Gampaj llaquicushpanmi ajchanta rutuconga. Lütu röpatapis jaticonga. Fiyupa llaquicushpanmi wagangapis.

Ezequiel 30:2

«Runa, gamga willapashpayqui cayno niy: ‹Tayta Dios caynömi nin: « ‹¡Gamcunamanga fiyupa castïgu cananpaj junajmi chayaycämunna! Chaymi llaquicushpayqui wagay.

Amós 8:10

Fistata rurashancunatami ticrachishaj täpapacuyman. Wañojcunapänami cantangapis. Lütu röpatana jaticachishaj. Llaquicushan musyacänanpaj ajchanta rutucachishaj. Japallan wamranta ograycushanörämi waganga. Llapanpis canga pasaypa llaquicuyllami.»

1 Crónicas 19:4

Chaura Hanunga niran: «Davidpa suldärucunata prësu charircur shaprantapis garaypa rutupay. Röpantapis siqui-patanpita uraman rogupariy.» Nishanno rurarcärerga garguriran.

Jeremías 49:3

¡Hai siudä ushacashanpita gaparpay Hesbón runacuna! Milcom diostaga prësumi apaycan aduraj cürancunatawan mandajnincunatawan. ¡Chaypita Rabächo tiyaj warmicuna llaquicushpayqui wagay! ¡Lütu röpata jaticushpayqui pëchuyquita cutacuy! ¡Garayquicunata cuchucushpayqui löcuyaycajnöraj cörricachay!