Isaías 13:22 - Tayta Diosninchi Isquirbichishan

²² Palasyucunachöpis atojcunallami aullar tiyanga. Alli palasyucunachöpis jirca animalcunallami tiyanga. Babilonia nasyunpaga öran chayaycämunnami. Manami aycäpis pishinnachu.»

Isaías 13:22 Referans Kwoze

Jeremías 51:33

Israelcunapa munayniyoj Tayta Diosninmi nin: «Babiloniaga caycan rïguta ërar cawallu lluchcanan ëranömi. Paycunapäga cosëchan chayaycämunnami.»

Isaías 35:7

Chunyaj chaqui jircapis yacu pashtacaramuptin gochami ricaconga. Chaqui jircachönami pucyucuna pashtacaramonga. Canan jirca allgucuna tiyaycashanchönami wiñamongapaj shogushcunawan guewacuna.

Isaías 25:2

Siudätapis gotuy-gotuy juchusha cananpämi ticrarachishcanqui. Pacacuna curalasha siudätapis ushajpämi juchurgärachishcanqui. Jäpa runacunapa palasyuncunatapis juchuchirmi illgarachishcanqui. Chay siudätaga manami imaypis allchachenganachu.

2 Pedro 2:3

Guellay-raycullami alli-tupayllapa engañangapaj. Ichanga paycunata Tayta Dios castigananpaj unaypita-pachanami distinasha caycan. Paycunataga ñacay shuyaraycannami.

Habacuc 2:3

Cananga manami chayamunrächu öra chay ricaycashayquicuna cumlinanpäga. Ichanga imano carpis cumlengapämi. Gamga ayca wata päsaptinpis shuyaray. Chaycunaga päsanga imaypis päsananpaj caj junajchömi.

Isaías 34:13

Palasyucunachöpis cashallanami wiñamonga. Pacacunanchönami ishancacunawan shirallana wiñanga. Chay partiga ticrangapaj jirca allgucunapa tiyananman, Avestruz äbicuna puñunallanmanna.

Deuteronomio 32:35

Llutanta rurashanman-tupu quiquëmi runacunataga jusgashaj. Juchan aypämuptenga manami jananpashächu. Ushacächinäpaj juchan aypaycämunnami. Öran chayaycämunnami paycunata jusganäpaj.›

Salmos 44:19

Chaypis gamga ñacachimashpayquimi imapis mana cashanman gargamashcanqui. Fiyupa yanauyaycaj chacaymanmi cachaycamashcanqui.

Isaías 32:14

Palasyucho pipis manami tiyangachu. Aypalla runacuna tiyashan siudäpis chunyajmi ricacongapaj. Sumaj curalasha siudäcunatapis para-simrimi cachaycärengapaj. Chaura chaychöga chucaru bürrucunami cushisha tiyangapaj. Manshu uywacunatapis chaychömi michengapaj.

Isaías 43:20

Chauraga jirca-allgucunapis, avestruz äbicunapis agradësicamangami. Nogaga chaqui jircachömi yacuta pashtachimö. Chaqui jircachömi mayuta yurichimö. Chayno yurichimö acrashä runacuna upunanpämi.

Jeremías 9:11

Tayta Dios nin: «Jerusalentaga ticrachishaj ranramanmi. Chaura jirca allgucunapa tiyanallannami canga. Judächo caycaj siudäcunata ticrachishaj chunyajmanmi. Chaura manami pï runapis tiyanganachu.»

Jeremías 48:16

Moab runacuna mana alliman chayananpäga wallcanami pishin. Paycuna ushacänanpäga manami aycäpis cannachu.

Lamentaciones 4:3

Asta atojcunapis wawantaga chuchunmi. Täpayllapami uywanpis. Marcächo tiyaj warmicunami ichanga wamrancunapaj rabyacurcusha. Chunyajcho tiyaj avestruz äbi wawanpaj fiyu cashannömi ricacusha.

Miqueas 1:8

Chaypitami fiyupa llaquicushpä wagashaj. Gara-chaquilla, röpaynajlla purishaj. Atoj-mallwa aullajno wagashaj. Avestruz äbipa wawanno gaparäshaj.

Isaías 14:23

Chay partitaga ticrarachishaj mitu-mitu gochamannami, chushyajcuna tiyanallanmannami. Illgächicuna pichanawanmi illgächiypa pichashaj.» Munayniyoj Tayta Diosmi chayno nisha.

Isaías 34:14

Oshgu mishicunawan jirca allgucunallanami tiyanga. Jacha cabracunallami wacpita-caypita wagapänaconga. Chaychöga chushyajcunallanami tiyanga.

Sofonías 2:14

Chaura chay partiga uywacuna tiyanallannami cangapaj. Tucuy casta chucaru animalcunapa tiyanallannami cangapaj. Garsami, tucumi siudä juchushan tushacunachöpis puñongapaj. Tucucunapis waganga ragäpa bentänancunacho. Cuervocunapis numralcunacho gaparpanga.