Isaías 12:1 - Tayta Diosninchi Isquirbichishan

¹ Chay wichanga ninquipaj: «Gamta agradësicömi Tayta Dios. Nogapaj fiyupa rabyashami caycarayqui. Cananga rabyashayquipita allchacashcanquinami. Allinami goyaycächimanqui.

Isaías 12:1 Referans Kwoze

Salmos 30:5

Payga rätullami rabyan. Alli cayninmi ichanga imaypis mana ushacanchu. Chacaypa wagashpanchïpis tutapaga cushicushunnami.

Isaías 25:1

Tayta Dios, gammi canqui Diosnë. Nogaga gamtami rispitashpä alabashayqui. Almiraypajcunata rurashayquipitami adurashayqui. Unaypita-pachami yarpashayquicunaga caycan rasun cajlla, alli cajlla.

Isaías 54:8

Illajpita rabyacurcushpämi juc rätulla mana ricamänayquipaj witicurirä. Ichanga imaycamapis cuyapäcoj cashpämi gamta cuyapashcä.» Jorgushoj Tayta Diosniquimi chayno nin.

Zacarías 14:9

Chay wichanga Tayta Diosllanami mandangapaj intëru munducho. Pay japallanmi Tayta Diosninchi.

Oseas 6:1

Llapanchi shuntacäshun. Nircur Tayta Diosninchïmanna cutishun. Paymi rachir-usharamaranchi. Chaymannömi allchacächimäshunpis. Yawar-yawar ruramashcanchi. Chaymannömi jampimäshunpis.

Isaías 51:3

Ragällan caycaj Sión siudätaga nogami cuyapäshaj. Chunyaj chaqui jircatami wertamanna ticrarachishaj. Chaura cangapaj Edencho cashan wertanömi. Chaychöga cangapaj cushicuyllana, jauca goyayllana, alabansacunata cantayllana.

Isaías 35:10

Tayta Dios salbar jorgamushan cajcunaga cutimongami. Cantashpanmi Sionman yayconga. Chaychöga imaypis cushishallami goyangapaj. Paycunapäga cushicuywan alli goyayllanami cangapaj. Llaquicuypis nanaypis manami canganachu.

Isaías 14:3

Israelcuna, ñacaycashayquipita uywayno fiyupa sirbircaycashayquipita Tayta Dios jamachishunquipämi.

Isaías 49:13

¡Syëlu, cushicuypita gaparay! Tayta Diosga acrashan runacunata shogashami. ¡Allpa, fiyupa cushicuy! Acrashan runacuna llaquicuycaptin Tayta Diosga cuyapashami. ¡Jircacuna, cushisha caycashayqui musyacänanpaj gaparpay!

Isaías 25:9

Chay junaj runacuna nengapaj: «Chaynömi noganchïpa Diosninchëga. Paymanmi yäracuranchi. Tayta Diosmi salbamashcanchi. Pay salbamashanchïpita cushicur gaparpäshun ari.»

Romanos 11:15

Tayta Diosninchi Israelcunata cachaycur intëru mundu runacunata chasquiycaptenga ¿imanöraj canga Israelcunata pay yapay chasquiptin? ¡Chayno captenga runacuna wañushanpita cawarimushanömi canga!

Zacarías 14:20

Chay junäga cawallucunapa cuncanman waguipashan campanillacunachöpis isquirbisha caycanga «Tayta Diospa acracuynin» nirmi. Templucho caycaj mancacunapis cangapaj fiyupa rispitädumi. Altarpa ñaupancho caycaj tasuncunano rispitäduna canga.

Oseas 11:8

«¿Imanöpataj gamtaga gongaycöman Efraín? ¿Imanöpataj gamtaga jaguiriycöman Israel? ¿Imanöparäshi ruraycöman Adma siudäta illgächishänöga? ¿Imanöparäshi ruraycöman Seboim siudäta rurashänöga? Gamta cuyapar fiyupa llaquicuptëmi shongöpis nananraj.

Isaías 66:13

Imanömi wamranta maman shogan, chaynömi gamcunata nogaga shogashayquipaj. Jerusalenchömi alli goyaytapis tarinquipaj.»

Isaías 26:1

Chay junäga cay alabansatami Judá nasyun runacuna cantangapaj: «Noganchïpa siudäninchëga sumaj curalashami. Tayta Diosga salbamänanchïpaj rurasha ishcay ayway pergatami.

Isaías 11:16

Israelcuna unay Egiptupita llojshicamur jatun näninpa shamushannömi Asiriacho quëdajcunaga jatun nänipa cutimongapaj.

Isaías 10:25

Ichanga cananpita manapis aycällatanami gamcunapaj rabyasha caycashäpita allchacäshaj. Nircorga Asiriacunatanami fiyupa rabyashpä illgächishaj.

Isaías 2:11

Alli-tucojcunaga uysurpangami. Ollgojcunapis manacajman churashami ricacongapaj. Chay junäga Tayta Diosllami fiyupa munayniyoj cashpan rispitasha canga.

Isaías 10:4

Ima ruraytapis mana camäpacur prësunami aywanquipaj; man'chäga wañojcunawan iwalmi wañunquipaj. Chaypis, Tayta Dios rabyashanpitaga manami allchacanrächu. Payga jinallarämi castigananpaj rimaycan.

Job 13:16

Capaschari chayräpis salbacöman. Juchasapa runaga manami chayanmanchu pay cajman.

Salmos 9:1

Tayta Dios, llapan shongöpami alabayta munä. Allita rurashayquitaga llapantami willacushaj.

Salmos 71:21

Nircorga masnami munayniyojyächimanquipaj. Yapaymi cushicachimanquipaj.

Isaías 54:7

«Gamtaga rätullami cachaycurä. Ichanga fiyupa cuyapäcoj cashpämi yapay shuntashayqui.

Isaías 54:9

«Noé cashan wichanmi jurarä yapayga allpata imaypis yacuwan manana jundichinäpaj. Chaynömi gamtapis jurashpä në gampäga imaypis manana rabyanäpaj. Mananami castïgutapis munachishayquinachu.

Isaías 61:10

Tayta Diosnëga salbamashami. Llapanchöpis allichömi jorgamasha. Chayno yanapämashanpitami cushicö. Almäpis fiyupa cushicun. Cananga caycä casarananpaj mösu alli rucacusha caycajnömi, u casarananpaj caycaj jipash camaränanpaj bisticusha caycajnömi.

Isaías 64:5

Gamga munanqui pipis cushisha alli cajllata ruranantami. Chaynöpis munanqui gam munashayquita rurananpaj yarpachacojcunallatami. Gamga rabyacurcushcanqui juchäcunapitami. Unaypita-pachanami gamta rabyachir jucha rurayllacho nogacuna cashcä. ¿Imanöparaj nogacunaga salbacöman?

Isaías 65:18

Ruranäpaj caycajpäga imaycamapis fiyupa cushicuy-llapa. Mushoj Jerusalentami camashaj chaycho fiyupa cushicuy cananpaj.

Jeremías 30:19

Paycunami agradësicamar alabamanga. Cushishami goyanga. Paycunaga manami wallcayangachu. Chaypa ruquenga nogami camacächishaj achcayänanpaj. Llapan rispitananpaj noga camacächiptëmi manana pipis manacajmanga churanganachu.

Zacarías 8:11

Canan ichanga cay marcacho quëdar tiyarcaycaj runacunapäga manami unaynönachu cashaj. Munayniyoj Tayta Diosmi chayno në.

Zacarías 8:19

«Noga, munayniyoj Tayta Diosmi cayno në: Wataman aywajcho chuscu caj quillacho, pichga cajcho, ganchis caj quillacho, chunca caj quillacho llaquicur ayunashayquicunaga cushicuymanmi ticrangapaj. Judäpita mirajcunapäga cangapaj cushicuy fistami. ¡Ichanga gamcuna allilla caway; rasunpa cuyanacuy ari!

Nehemías 8:10

Esdrasga mastapis niran: «Aywar alli micuycunata micucarcäramuy. Bïnutapis mishquejta upuy. Micuyta mana charajcunatana garay. Canan junäga Tayta Diosta alabar cushicunanchi junajmi. Ama llaquicuychu. Cushicushun ari. Tayta Diosninchëga chapaycämanchïmi.»

Job 11:16

Imano ñacashayquitapis gongaycunquipänami. Yacu päsacushannömi llapan yarpachacushayquipis cangapaj.

Salmos 85:4

Nogacunata Salbamaj Tayta Dios, yapaypis salbaycamay ari. Amana rabyaynachu ari nogacunapäga.

Salmos 86:17

Cuyapäcoj cashayquita musyachimay. Chayta ricar chiquimajcunaga pengacongami. Tayta Dios, gammi yanapämashpayqui cushicachimanqui.

Isaías 60:10

«Nogaga rabyacurcurmi gamta castigarä. Cananmi ichanga gamta cuyashäta musyachishayqui. Chaymi pergayquicuna juchusha caycajtapis juc-lä nasyun runacuna allchanga. Raynincunapis sirbishunquipaj.

Jeremías 31:13

Cushishami dansanga jipashcunapis auquincunapis, mösucunapis. Nogami cushicachishäpaj. Llaquicur wagashanpitapis cushicur goyänanpämi camacächishaj. Llaquicur ñacashanpitapis masrämi cushicachishaj.

Zacarías 1:16

Chaypitami noga Tayta Diosga në: Cananga cuyapäshänami Jerusalenta. Templutapis siudätapis yapay jatarachinanpänami camacächishaj› nir.»