Isaías 11:12 - Tayta Diosninchi Isquirbichishan

¹² Señalwanmi nasyuncunata musyachenga. Nircorga prësu aywaj Israelcunata shuntamonga. Judá runacunataga wacpa-caypa machicasha caycajta intërupita shuntamonga.

Isaías 11:12 Referans Kwoze

Sofonías 3:10

Chauraga aduramaj runacuna juc-lä nasyuncunacho canan mashtacasha goyaycäga Etiopía mayupita mas washachu caycajpita-pachami ofrendancunata nogapaj apamonga.

Isaías 56:8

Mashtacasha caycaj Israelcunata yapay shuntaj Tayta Diosmi cayno nin: «Shuntasha caycächishäpa jananmanpis mastarämi shuntamushaj.»

Isaías 43:6

Norte caj-lä nasyun runacunatapis ‹Cutichimuy› nishämi. Sur caj-lä nasyun runacunatapis nishaj: ‹Wamräcunataga ama charicurcuychu.› Paycunataga ollguta warmitapis may carupita carpis cutichimushaj.

Isaías 11:10

Chay wichanga tumpuno caycaj Isaïpita mirar aywaj yurejmi llapan runacunata shuntanga. Llapan nasyun runacunami payta ashej aywanga. Pay caycashannami fiyupa rispitädu cangapaj.

Zacarías 10:6

«Nogami callpayojyächishaj Judäpita mirar aywaj runacunataga. Josëpita mirar aywajcunatapis salbashaj. Yapaymi cutichimur nasyunninman pushamushaj. Chaynöga rurashaj paycunata cuyapashpämi. Chaura paycunaga cangapaj noga imaypis mana cachaycushänömi. Nogami caycä mañacamashanta wiyaj Tayta Diosnin.

Salmos 147:2

Tayta Diosga Jerusalentapis allchaycächinmi. Israelcuna mashtacasha caycajcunatapis shuntaycämunmi.

Isaías 27:13

Chay junäga trompëtatami tucamongapaj. Chaura Asiriacho ogracasha caycajcunawan Egiptuman prësu aywasha caycajcunapis Jerusalenman shamongapaj fiyupa rispitädu lömacho Tayta Diosta adurananpaj.

Salmos 68:22

Tayta Diosmi nisha: «Basán puntapitapis cutichimushayquimi. Lamar yacu rurinpitapis jorgamushayquimi

Apocalipsis 5:9

Paycunami mushoj alabansata cantar Cashni uyshata alabaran cayno nir: «Gammi runacuna-raycu wañushcanqui. Chaymi gamlla rölluta chasquircur pachganayquipaj caycanqui. Wañur yawarniquita jichaptiquimi yäracoj cajtaga Tayta Dios salbasha may trïbu runacunatapis, ima rimayta rimaj runacunatapis, may marca runacunatapis, may nasyun runacunatapis.

Santiago 1:1

Chunca ishcay Israel trïbu runacunano may-chaychöpis mashtacasha caycaj ermänucuna: Noga Santiago, Tayta Diosninchïpa y Taytanchi Jesucristupa sirbejninmi gamcunata saludamö.

Juan 7:35

Chaura Israel mandajcunaga jucnin-jucnin ninacuran: «Mana tarinanchïpäga ¿maymanraj aywaconga? ¿Juc-lä nasyuncho tiyaj marca-masinchïcunamanchuraj willapaj aywanga? ¿Jäpa runacunatachuraj willapämonga?

Isaías 62:10

¡Siudäpa sawan puncucunapa llojshiy-llapa! ¡Runacuna purinanpaj nänita aruy! Jatun nänita aruy-llapa. Nänicho rumicuna caycajtapis jitariy-llapa. Llapan nasyun runacuna musyananpaj señalta jawiy.

Isaías 59:19

Tayta Diosga fiyupa chayasha mayu aywar jaytarejnörämi chayamongapaj. Llapan runami inti yagamunan caj-läpita-pacha inti yaganan caj-läcama Tayta Diosta rispitangapaj fiyupa munayniyoj caycajta ricashpan.

Isaías 18:3

Llapayquimi, intëru munducho tiyajcunaga ricanquipaj puntacho señalta churamushanta. Llapayquimi wiyanquipaj trompëta wagamushantapis.

Deuteronomio 32:26

« ‹Nogaga yarparä pipis mana yarpänanpaj intërupa garguriytami.

Apocalipsis 7:1

Chaypitaga ricarä chuscu anjilcuna cay pachapa chuscun cuchuncho ichirpaycajta. Wayratami chaparaycaran cay pachamanpis lamarmanpis, yöracunamanpis mana wayränanpaj.

Salmos 60:4

Gamta rispitashoj cajcunataga musyaycachiy ari lëchawan wañunanpita gueshpicunanpaj. Selah

Salmos 107:3

llapan nasyuncunapita allpapa juc cantunpita jucaj cantuncama shuntashushayquita.

Isaías 24:16

Cay pachapa cuchunpita-pacha cantamojtami wiyashcäcuna «¡Juchaynäga alabasha cachun!» nir. Noganami nishcä: «Ay, ima ruraytapis manami camäpacöchu. Pasaypa llaquishami caycä. Fiyu runacunaga engañacunmi. Paycunamanga manami yäracuypächu.»

Isaías 49:5

Tayta Diosga mamäpa pachancho caycaptillänami pay munashanta willacoj canäpaj churamaran. Jacobpita miraj Israel nasyun runacunata shuntamunäpämi, cutichimunäpämi churamaran. Chaypitami Tayta Diosnëga alli ricamasha. Paymi nogataga yanapaycäman.

Isaías 49:22

Tayta Diosmi cayno nin: «Nasyuncunacho tiyajcunatami nishaj ollgu wamrayquicunata margacurcur apamunanpaj. Marcacunatami señalwan musyachishaj warmi wamrayquicunatapis aparisha apamunanpaj.

Isaías 54:7

«Gamtaga rätullami cachaycurä. Ichanga fiyupa cuyapäcoj cashpämi yapay shuntashayqui.

Isaías 60:4

«Jerusalén, ichircur intërupa sumaj ricachacuy. Llapanmi shuntacaycur gam cajman aywaycämun. Wamrayquicunapis carupitami aywamongapaj. Warmi wamrayquicunatapis margacarcärirmi apamongapaj.

Isaías 66:19

Nogami señalta ricachishaj. Waquintaga juc-lä nasyuncunamanmi chayachishaj. Chayanga Tarsisman, Libiaman, Lidiaman, (chay nasyuncho tiyajcunaga fiyupami yachan lëchawan illapayta), Tubalman, Greciaman. Waquintanami chayachishaj fiyupa caru lamar cantuncho caycaj nasyuncunamanpis. Chay nasyun runacunaga manami imaypis wiyashachu casha nogapaj parlajta. Manami ricashachu casha munaynëwan rurashäcunatapis. Chayman chayajcunami munayniyoj cashäta chay nasyuncunacho willacongapaj.

Jeremías 23:3

Ichanga may-chaypapis aywacunanpaj camacächishäpita quiquëmi yapay shuntamushaj. Llapanta shuntarcurmi paycunataga tiyashancunaman cutichishaj. Chaychönami aypallaman miranga.

Jeremías 30:17

Gamtami ichanga gueriquicunata jampipäshayqui. ‹Dios cachaycushan siudä› nir manacajman churashuptiquipis gamtaga allchacächishayquipämi. Noga Tayta Diosmi chayno në.»

Jeremías 50:4

Tayta Diosmi nin: «Chay wichan Israel runacunawan Judá runacunaga noga Tayta Diosninta ashimashpanmi wagaraycar cutimongapaj.

Ezequiel 28:25

« ‹Noga Tayta Diosmi cayno në: Nasyuncunacho machicasha caycaj Israelcunata shuntamushämi. Nircorga santo cashäta musyachishaj llapan nasyun runacuna ricaycaptin. Chaura sirbimaj Jacobta goycushä nasyunchömi paypita mirajcunaga tiyacaycärenga.

Oseas 1:11

Chauraga Judá runacunawan Israel runacuna jucllachacar iwalnami goyanga. Jucnayllatanami mandajnin cananpäpis churanga. Chauraga may-chaypitapis Jerusalenmanmi cutenga. ¡Chay junaj Jezreelchöga fiyupa cushicuymi cangapaj!

Jeremías 51:12

¡Babiloniapa curralninta juchuchej yaycunanpaj sëñata ruray! ¡Suldärucunatapis sumaj camacächiy! ¡Ricchacojcunata churay! ¡Wañuchinayquipaj pacacuy-llapa! Noga imano ruranäpäpis yarpashätaga Babiloniacho tiyajcunapaj camacächishcänami.

Oseas 2:2

«Israel nasyonga majänömi casha. Chaymi wamräcuna mamayquita niy ‹Gammi juchayoj canqui.› Cananpitaga pay manami nogapa warmënachu. Ni nogapis manami runannachu cä. Amana mañösa car pintacushancunawanpis pintacuchunnachu. Mañösa car wallgarashancunatapis cachaycuchunna.

Zacarías 8:7

«Noga, munayniyoj Tayta Diosmi cayno në: Nogami acrashä runacunata salbashaj inti yagamunan caj-lä nasyun runacunapa munayninpita, inti yaganan caj-lä nasyun runacunapa munayninpitapis.