Isaías 10:2 - Tayta Diosninchi Isquirbichishan

² Paycunaga pobricunata mana allimi rican. Ñacarcaycajtapis manami alliga arriglanchu. Biyüdacunapa ima-aycantapis guechun. Wacchacunata suwapan.

Isaías 10:2 Referans Kwoze

Malaquías 3:5

Munayniyoj Tayta Diosmi nin: «Nogaga shamushaj gamcunata jusganäpämi. Chaynöpis brüjuta rurajcuna, majayoj caycar jucwan cacojcuna, llullacuypa jurajcuna, arupacojcunata ñacachejcuna, biyüdacunatawan wacchacunata ñacachejcuna, jäpa runacunata mana alli ricajcuna, nogata mana rispitamajcuna castigasha cananpämi camacächishäpaj.

Isaías 3:14

Tayta Diosmi arriglananpaj gayachishpan dimanducho arriglajcunatawan mandajcunata nenga: «Gamcunami übas wertäno caycajcunatapis illgächishcanqui. Pobricunatapis suwapashcanqui. Suwacushayquicunatanami wasiquicunaman juntaycächinqui.

Ezequiel 22:7

Chaycho tiyajcunaga manami rispitanchu papäninta ni mamantapis. Juc-lä runacunata fiyupami ñacachin. Biyüdacunatawan wacchacunataga imantapis guechun.

Isaías 29:21

Ushacanganami manacajpita jitapajcunapis, dimanduta arriglaj juezcunata mana alliman chayachejcunapis. Manami canganachu alli runata lebantashpan jitapajcunapis.

Isaías 5:23

Gamcunaga guellay-raycumi juchayojtapis «juchaynaj» ninqui. Juchaynajtana alli arriglanayquipa ruquin «juchayojmi» ninqui.

Isaías 1:23

Mandajniquicunapis Tayta Diosta manami wiyacunchu. Paycunaga suwacunapa amiställanmi. Paycunaga munarcaycan pacayllapa päguta chasquiytami. Munarcaycan imapitapis imallatapis päganantami. Wacchacunataga manami alli arriglanchu. Biyüdacuna dimandacuptinpis manami cäsunchu.

Mateo 23:13

«¡Ay imanöraj canqui lay yachachejcunawan fariseucuna! ¡Janan shongullami carcaycanqui! Gamcunaga yachachishayquiwanmi Tayta Diospa maquincho cawaj yaycuyta munajcunata puncuta wichgapajno carcaycanqui. Ichanga quiquiquicunapis manami yaycunquichu.

Amós 2:7

Pengaypaj ñacachin. Umildicunataga arriglarpis jananpanmi. Taytanpis, wamranpis chay jipashllawan cacun. Chayno rurashpanmi juchaynaj caycaptë pengayman churaman.

Lamentaciones 3:35

Tayta Diosga manami munanchu pï runatapis manacajman churananta.

Jeremías 7:6

Juc-lä runacunata, wacchacunata, ni biyüdacunatapis ama ñacachiychu. Cay partichöga ama wañuchiychu alli runacunata. Juc dioscunatapis ama aduraychu. Mana allilla goyarga quiquiquicunami disigrasyaman chayanquipaj.

Isaías 5:7

Chacrapa duyñonga munayniyoj Tayta Diosmi. Lantashan übasga caycan Israel nasyun runacunami, Judá runacunami. Tayta Diosga munaran layninta chay runacuna cumlinantami. Nishanga wañuchinacuyllatami aruycan. Tayta Diosga niran allillata rurananpämi. Nishanga ñacajcuna gaparpashallanmi wiyacaycan.

Salmos 94:6

Biyüdacunata, wañuchin. Wacchacunata yarpaypa wañuchin. Juc-lä runacunatana ñacachin.

Isaías 3:15

¿Imanirtaj chaynöga acrashä runacunata ñacaycächinqui? ¿Imanirtaj pobricunata ñacachishcanqui?» Munayniyoj Tayta Diosmi chayno nishunqui.

Isaías 32:6

Fiyu runaga mana allillatami parlan. Yarpayninchöpis yarpaycan mana allita ruranallanpämi. Tayta Dios melanäcushancunatami ruran. Tayta Diospäga llutancunatami riman. Pishipacojcunatapis manami yawaycachinchu. Yacunaycajtapis manami yacuta chagapaycunchu.

Isaías 59:15

Rasun cajtaga mananami pipis parlannachu. Mana allita rurayta cachaycoj cajtaga ima charashallantapis suwapaycärinmi. Pipis allita mana ruraptin Tayta Diosga fiyupami rabyacurcusha.

Éxodo 23:6

«Dimandacamuptenga pobritapis alli arriglanqui.

Job 31:16

«Pobri pishipacajcunata yanapaytaga imaypis manami dëjashcächu. Manami dëjashcächu biyüdacuna yargaypita canantapis.

Proverbios 22:22

Pobri cashan-raycu, pobri runataga ama suwapanquichu. Pïninpis mana caj runatapis autoridäcunacho ama ichiycachächinquichu.

Proverbios 30:14

Waquenga yargaj cashpanmi pobricunapa imantapis guechun. Chay runacunapa quironga espädanömi. Waguncunapis cuchillunömi. Chayno carmi pobricunapa imantapis ushapan.

Isaías 1:17

Allillatana rurayta yachacuy ari. Rasun cajllatana ruranayquipaj sumaj yarpachacuy ari. Ñacaycajcunata yanapay. Alli cajta rurashpayqui wacchacunata alli arriglay. Biyüdacunatapis yanapay.»

Amós 2:6

Tayta Diosga caynömi nin: «Israel nasyun runacunaga aypallatanami mana allita rurasha. Chaypitami castigänillataga mana cachaycushächu. Paycunaga juchaynaj alli runacunatami uyway cananpaj ranticun. Pobricunatanami ishcay llanguillawan rucan.

Amós 5:19

Chay junäga canga, juc runa liyunpita gueshpiycashancho ösuwan tincupurajnömi. Man'chäga gueshpir wasinman yaycurir pergaman guellicuycojta culebra cañiycushannömi.

Miqueas 3:1

Sumaj wiyay-llapa: Israelcunapa autoridänincuna, mandajnincuna, gamcunaga ¿manachu alli cajta ruranquiman?