Isaías 10:1 - Tayta Diosninchi Isquirbichishan

¹ ¡Ay imanöraj canga mana allita rurananpaj layta rurajcuna, pipis cumliyta mana puydinanpaj caj layta rurajcuna!

Isaías 10:1 Referans Kwoze

Lucas 11:52

«¡Ay imanöraj canqui lay yachajcuna! Wasiman mana pipis yaycunanpaj lläbinpa wawanta pacacuycojnömi runacunata michaycanqui Tayta Dios nishanta mana yachacunanpaj. Quiquiquicunapis wasiman mana yaycojno manami yachacunquichu.»

Mateo 23:23

«¡Ay imanöraj canqui lay yachachejcunawan fariseucuna! ¡Janan shongullami carcaycanqui! Gamcunaga irbabuynapita, anispita, cominuspita, diesmuta raquiycanqui ‹Diospaj› nir. Chaypis manami cumlinquichu rasunpa cumlinayquipaj caj mandamintucunataga. Runa-masiquiwan alli arriglanquiman, runa-masiquita cuyapanquiman, Tayta Diosta wiyacunquiman. Cay mandamintucunataga imaypis cumlinquiman waquin caj mandamintucunatapis mana gongaypa.

Juan 19:6

Chaura Jesusta ricar mandaj Israelcunawan Templuta täpajcuna gaparparan: «¡Crusificachiy! ¡Crusificachiy!» nir. Chayno gayarpaptinmi Pilato niran: «Chaura gamcuna crusificay, ari. Nogaga manami ima juchantapis tarëchu wañuchicänanpänöga.»

Juan 9:22

Maman-taytanga chayno niran mandaj Israelcunata manchacushpanmi. Mandaj Israelcunaga parlacushana carcaycaran mayganpis «Jesusga Tayta Dios cachamushan Cristumi» nej cajtaga sinagogapita jitarinanpaj.

Habacuc 2:6

Juc junajchömi ichanga Caldea nasyun runacuna ushacangapaj. Chaymi chay charishan nasyun runacunaga cantapashpan asipashpan cayno nenga: «¡Ay imanöraj canqui jucpa cajllawan rïcuyajcuna! Gamcunaga shuntashcanqui mañacuytanöllami.

Isaías 5:8

Ay imanöraj canqui juc-lächo juc-lächo wasicunata rantiycajcuna, chacracunatapis masta-masta shuntaycajcuna. Chayno rurarmi juccunapäga imatapis mana cachaycunquinachu. Nircorga tiyacaycärinqui chay nasyuncho gamcunalla caycajnöpis.

Judas 1:11

¡Ay imanöraj canga paycunaga! Paycunaga Caín rurashannömi ruran. Guellayta chasquinan-casha Balaam rurashannömi ruran. Chaypitami chay llutan yachachicojcunaga Moisespa contran rimashanpita Coré ushacashanno ushacanga.

Mateo 26:24

Tayta Dios isquirbichishancho nishannöllami noga Destinädu Runaga wañushaj. Chay entregamaj runami ichanga fiyupa ñacanga. Paypäga mas alli canman caran mana yuriptinmi.»

Mateo 23:29

«¡Ay imanöraj canqui lay yachachejcunawan fariseucuna! ¡Janan shongullami carcaycanqui! Gamcunaga unay profëtacunapaj jatun mïchucunata ruraycächinqui. Wañoj alli runacunapa mïchuncunatapis adurnaycanqui.

Mateo 23:27

«¡Ay imanöraj canqui lay yachachejcunawan fariseucuna! ¡Janan shongullami carcaycanqui! Gamcunaga jananpa pintasha mïchunömi caycanqui. Mïchupa jananga cuyayllapämi ricacan. Rurincho ichanga wañojcunapa ismusha tullullan melanaypaj caycan.

Habacuc 2:12

«¡Ay imanöraj canqui wañuchicojcuna! Gamcunaga runacunata wañuchishpayquimi, mana allita rurashpayquimi siudäniquicunata arushcanqui.

Habacuc 2:9

«¡Ay imanöraj canqui suwacuna! Gamcunaga wasiquimanpis juntachishcanqui ima-aycatapis suwacuyllapami. Chayno shuntashcanqui disigrasya chayamuptin salbacunayquipämi.

Miqueas 6:16

Chaynöga cangapaj ray Omriwan, ray Acabpa famillyancuna nishancunata, rurashancunata, wiyacur rurashayquipitami. Chaypitami cananga noga camacächishaj Jerusalenta illgächinanpaj. Chaycho tiyaj runacunataga pasaypa manacajmanmi churanga. Llapan nasyun runacunami jamurpangapaj acrashä runacunataga.»

Mateo 11:21

«¡Ay imanöraj canqui Corazín marca runacuna! ¡Ay imanöraj canqui Betsaida marca runacuna! ¡Fisyu junäga fiyupami llaquicunquipaj! Gamcunacho milagrucunata rurashäno Tiro marcacho Sidón marcacunacho milagrucunata ruraptëga jucha ruraynincunata cachaycunmanmi caran. Juchanpita arpinticur maynami gachga röpata jaticunman caran. Uchpaman jamaycur waganman caran.

Habacuc 2:15

«¡Ay imanöraj canqui juccunata machächejcuna! Gamcunaga bisïnuyquicunata machächishcanqui upatächicojcunawan bïnuta tacurcachir upuchishpayquimi. Chayno rurashcanqui galallata ricar cushipänayquipämi.

Jeremías 22:13

«¡Ay imanöraj canqui fiyu cayniquiwan mana allita rurashpayqui janay-janay jatun wasicunata, palasyucunata aruchej Joacim! ¡Gamga runacunatapis aruchinqui dibaldillami!

Isaías 5:18

Ay imanöraj canqui llullacuypa mana allita apaycämojcuna, jucha rurayta garchaycämojcuna.

Isaías 3:11

¡Ay imanöraj canga juchasapacuna! Paycunataga imatapis rurashanman-tupumi Tayta Dios cutichenga.

Salmos 58:2

Manami. Mana allita rurayllatami yarparcaycanqui. Chayno rurarmi gamcunaga caminuta goycanqui cay pachacho runacuna chiquinacunanpaj.

Isaías 5:11

Ay imanöraj canqui upyallapaj yarparaycar warämojcuna, machashalla chacarpärejcuna.

1 Reyes 21:13

Ishcay llulla testïgucunatapis pusharan. Paycunana llapan runacunapa ñaupancho Nabotpa contran rimaran. «Rasunpami gamga rimashcanqui Tayta Diospa, raypa contran» nir cäraran Nabot-ta. Chayno cäraycuptin siudäpita jorguycur sajmaycällar wañuycärachiran.

Isaías 3:14

Tayta Diosmi arriglananpaj gayachishpan dimanducho arriglajcunatawan mandajcunata nenga: «Gamcunami übas wertäno caycajcunatapis illgächishcanqui. Pobricunatapis suwapashcanqui. Suwacushayquicunatanami wasiquicunaman juntaycächinqui.

Isaías 5:23

Gamcunaga guellay-raycumi juchayojtapis «juchaynaj» ninqui. Juchaynajtana alli arriglanayquipa ruquin «juchayojmi» ninqui.

Isaías 29:21

Ushacanganami manacajpita jitapajcunapis, dimanduta arriglaj juezcunata mana alliman chayachejcunapis. Manami canganachu alli runata lebantashpan jitapajcunapis.

Isaías 59:4

Pipis manami rasun cajtaga dimandacunnachu. Pipis manami cannachu rasun cajllawan dimanduman chayäga. Chaypa ruquenga llullacunanpaj cajllamanmi yarparaycan. Llullacuyllata rimananpämi carcaycan. Mana allitami gueshyaj carcaycan. Chayno carmi wañuchinacuyllacho carcaycan.

Isaías 59:13

Tayta Dios nishantaga manami cumlishcanchïchu ni wiyacushcanchïpischu. Paytaga chiquicarcärishcanchïmi. Noganchëga wañuchicuyllapämi, juc runata mana alli rurayllapämi parlashcanchi. Jucta-jucta engañanallanchïpämi parlacushcanchïpis.

Éxodo 23:3

Llutanta rurasha captenga ni pobri captinpis ama faburnin jatarinquichu.

Éxodo 23:6

«Dimandacamuptenga pobritapis alli arriglanqui.

Amós 2:7

Pengaypaj ñacachin. Umildicunataga arriglarpis jananpanmi. Taytanpis, wamranpis chay jipashllawan cacun. Chayno rurashpanmi juchaynaj caycaptë pengayman churaman.