Isaías 1:31 - Tayta Diosninchi Isquirbichishan

³¹ Callpayoj runaga ricacongapaj ogshanöllami. Imata arushancunapis canga lliptano yangallami. Chaynömi runaga arushanwan iwal rupanga. Chay ninata upichinanpäga manami pipis cangapächu.

Isaías 1:31 Referans Kwoze

Isaías 66:24

«Chayno shamushpanmi ricangapaj Nogapa conträ jatarejcunataga wañusha carcaycajta. Chay runacunata micoj curucunaga mana wañojmi. Rupaj ninapis mana imaypis upejmi. ¡Chayga llapan runacunapäpis fiyupa melanaypämi canga!»

Malaquías 4:1

Munayniyoj Tayta Diosmi nin: «Wallcanami pishin jurnucho nina rataycajno chayamunanpaj caj junaj. Chay junäga llapan alli-tucojcuna, fiyu runacuna rupangapaj ninacho ogsha rupaycajnörämi. Chay junaj chayamur rupaptin manami ni imallanpis quëdangapächu.

Ezequiel 32:21

Wañushacuna caycashanchöga mas munayniyoj mandajcunami Egipto runacunata, yanapajnincunata chasquicushpan cayno nenga: ‹¡Gamcunapis urämushcanquina! ¡Mala-muertipa wañojcunawan iwalnami caycanqui!› nir.

Apocalipsis 20:10

Runacunata engañaj dyablutana Tayta Dios gayconga asufriyoj nina rataycaj gochaman. Waräcuytapis engañacoj profëtatapis maynami gaycusha. Paycunaga para-simrimi chacaypa junajpapis ñacanga.

Apocalipsis 19:20

Chaymi waräcuyta y engañacoj profëtatapis Jesucristo prësu chariran. Manaraj prësu chariptinmi chay engañacoj profëtaga milagrucunata ruraran runacunata engañananpaj. Engañashpanmi chay waräcuypa señalninwan señalachiran, ïdulunta adurachiran. Chaypitami waräcuyta, engañacoj profëtatapis cawaycajta Jesucristo gaycuran asufriyoj nina rataycaj gochaman.

Mateo 3:10

Juc yöra frütata mana wayuptenga duyñun sapipita muturirmi ninaman rupachenga. Chaynömi Tayta Diospis mana allita rurajcunataga castigananpaj caycan.

Isaías 50:11

Cuydädu, achquicunayquipaj quiquiquicunalla ninata sindejcuna; chay ninawan achquicusha purejcuna. Chayno cawaptiquega Tayta Dios castigashunquipämi. Fiyupa llaquicur ñacaychömi goyanquipaj.

Isaías 43:17

Conträcunaga aypalla munayniyoj suldärucunawanmi gatimaran. Llapanta usharinanpaj carrëtancunawan, cawalluncunawanmi shamuran. Chay gaticachämajcunataga llapantami tunichishcä. Chaypitaga mananami jatarishanachu. Achqui rataycashanpita upicäcojtanöpis illajpitami illgächishcä.

Isaías 33:14

Juchayojcunaga Sioncho sicsicyanmi. Diosman mana yäracojcunami fiyupa mancharishpan cayno nircaycan: «¿Mayganchïraj awantashwan rupar ushacoj ninataga? ¿Mayganchïraj cawaycushwan imaycamapis mana upej ninachöga?» nir.

Isaías 27:4

Paytaga manami rabyapänachu. Fiyucuna yaycuptenga cashata, mana alli guewacunata rupachejnömi illgarachishaj.

Isaías 26:11

Tayta Dios castiganayquipäga maynami camarisha caycanqui. Ichanga chay runacuna manami tantiyacunchu. Acrashayqui runacunata fiyupa cuyashayquita ricashpanrämi pengaycho ricacongapaj. ¡Chay runacunataga rabyasha caycashayqui ninano usharichun!

Isaías 9:19

Munayniyoj Tayta Dios fiyupa rabyasha captinmi nasyuntaga nina rupaycan. Ninaga rupar ushacurcun runacunata. Runacunapis runa-masinta mana cuyapannachu.

Isaías 5:24

Chaypitami nina ogshata rupacurcushanno, chaqui öjacunatapis ushacurcushanno gamcunapis ushacanquipaj. Sapinpita ismoj lantacunanömi, ismuptin waytancuna allpaman ticrashannömi ticranquipaj. Chaynöga canquipaj munayniyoj Tayta Dios yachachishushayquita mana wiyacushayquipitami, Santo Tayta Diospa layninta mana cäsushayquipitami.

Jueces 15:14

Lehiman chayachiptin Filistea runacunaga fiyupa cushicur tariparan. Chaura jinan öra Tayta Diospa Espiritun Sansontaga charicurcuran. Chaymi Sansonga liyaraycashan wascatapis rupasha jïlutanölla rachiriran.

Mateo 3:12

Payga jorquëtita aptaraycannami rïguta wayrananpaj. Wayrarcurnami rïgunta wasinman churanga. Punshantanami ichanga mana imaypis upej ninaman gaycurenga.»

Isaías 4:4

Tayta Dios arriglashan junaj y castiganan junäga Jerusalén runacunata mayllanga wañuchicushanpita yawarlla caycajtami. Sión löma warmicunatapis ganra caycajta mayllangami.

Isaías 24:6

Chaypitami castïgu chayamur cay pachataga usharisha. Chay castïguwanmi cay pachacho tiyajcunapis ñacaycan. Chaypitami cay pachacho tiyajcuna ushacasha. Wallcallanami runacunaga cawaycar quëdasha.

Isaías 33:11

Gamcuna rurayta yarpaycashayquiwan rurashayquipis caycan ogshanölla, rïgu päjanölla. Chayno captinmi pücarcuptillä jämaynëga nina rupacurcojnöpis usharengapaj.

Isaías 66:17

Tayta Dios cayno nin: «Gatinayllanpa wertacunaman aywananpaj limyuyaycajcuna, cuchi aychata, ucush aychata micojcuna, u ima animaltapis ganra cajta micojcunaga llapanmi illgächisha canga.