Isaías 1:24 - Tayta Diosninchi Isquirbichishan

²⁴ Chaypitami, Israelcunapa munayniyoj Tayta Diosnin cayno nin: «Cananmi ichanga chiquimajcunataga jusgashayqui imallata rurashayquipitapis. Gamcunataga ayñitami cutichishayqui.

Isaías 1:24 Referans Kwoze

Isaías 60:16

Llapan nasyuncunami allinnin micuynincunata apapämushunquipaj. Raycunanami riquësancunata apapämushunquipaj. Chauraga tantiyacunquipämi noga Tayta Diosniqui salbashoj cashäta, Jacob rispitashan Munayniyoj Dios gamta imapitapis jorgoj cashäta.

Isaías 61:2

Tayta Dios cachamasha allita rurananpaj chayamushana cashanta willacunäpämi; contranchïcunata ayñita cutichinanpaj chayamushantana willacunäpämi. Chaynöpis Tayta Dios cachamasha llaquicuycajcunata shacyächinäpaj;

Isaías 49:26

Ñacachishojcunataga quiquin-pura micunacunanpämi camacächishaj. Machananpaj bïnuta upushannömi quiquincunapa yawarnintapis uponga. Chaynöpami llapan runacuna musyangapaj Noga Tayta Dios salbashojniqui cashäta, Jacobpa munayniyoj Diosnin gamcunata chapaj cashäta.»

Isaías 35:4

Manchacojcunata niy: «¡Ama manchacuychu! ¡Balurchay! ¡Caychömi Tayta Diosga caycan salbashunayquipaj! ¡Chiquishojcunataga gamta rurashushayquimannömi castiganga!»

Deuteronomio 28:63

Gamcuna alli cawanayquipaj, achcaman miranayquipaj yanapäshushpayqui Tayta Dios cushicushannöllami mana wiyacushayquipita ushacächishushpayquipis cushiconga. Mana munaycajtami tiyashayqui nasyunpitapis gargushunquipaj.

Apocalipsis 18:8

Chayno cashanpitami juc junajllacho fiyupa ñacaycuna payman chayanga. Wañuypis, ñacaypis, yargaypis illajpitami chayanga. Nircurnami rupar fiyupa ushacanga. Paytaga llapanpaj munayniyoj Tayta Diosmi castigangapaj.»

Hebreos 10:13

Cananga chaycho shuyaraycan contrancunata paypa munayninman Tayta Dios churanancamami.

Ezequiel 21:17

Nogapis maquëta jitashämi rabyasha caycashä pascacänancama. Noga Tayta Diosmi chayno nishcä.› »

Ezequiel 16:42

Chayrämi gampaj rabyasha caycashä päsarconga. Chauraga manami rabyashanachu cashaj. Allinami cashaj.

Ezequiel 5:13

Chayno castigaycuptërämi fiyupa rabyasha caycashäta gasacächishaj. Chayrämi musyanga cachaycamashanpita fiyupa rabyawan noga Tayta Dios chayno castiganäpaj nishätaga cumlishäta.

Isaías 30:29

Gamcunapämi ichanga cangapaj cushicur cantay. Fiyupa rispitädu fistata rurar cushicushayquino canga. Gamcunaga fiyupa cushishami carcaycanquipaj, pinculluta wiyapallapa Tayta Dios acrashan lömaman aywar. Chaychöga Tayta Diosmi Israelcunata ima-aycapitapis chapanga.

Salmos 132:2

Jacobpa munayniyoj Tayta Diosnin yarpaycuy ari David aunishushayquitaga.

Deuteronomio 32:43

«May-chay nasyunchöpis tiyaj runacuna Tayta Dios acrashan Israelcunawan iwal cushicuy-llapa. Paymi ayñita cutichishpan wañuchenga sirbejnincunata wañuchishanpita. Acrashan runacuna cushisha cawananpämi tiyashan nasyunninta limyuyächenga.»

Jeremías 50:34

Noga munayniyoj Tayta Diosmi Israelcunataga imapitapis jorgushaj. Nircur nasyunninchöga jaucami goyächishaj. Babilonia runacunatami ichanga fiyupa castigashaj.

Isaías 63:4

Nogaga maynami yarpaycarä juc junaj llapanpita jusganäpaj. Acrashä runacunata salbanäpaj caj chayamushanami.

Génesis 49:24

Ichanga gampa ricrayquicuna fiyupa callpami canga. Lëchayquicunatapis sinchimi charinquipaj. Chaynöga canquipaj Jacobpa Tayta Diosnin yanapäshuptiquimi, Israelpa michejnin chapajnin yanapäshuptiquimi,

Isaías 12:6

Sioncho tiyajcuna, cushicuypita gaparpay, cantay. Chayno ruranqui Israelpa Santo Tayta Diosnin gamcunacho fiyupa munayninwan captinmi.»

Isaías 59:18

Chayno camaricurcurmi Tayta Diosga cada-ünunta imanöpis rurashanmanno cutichenga. Contrancunataga castigangami. Chiquej cajtaga imanöpis rurashanmannömi cutichenga. Chaynömi ruranga lamar cantun nasyuncunacho tiyaycajtapis.

Jeremías 9:9

Chayno rurarcaycaptenga ¿imanirtaj mana castigämanchu? ¿Imanirtaj mana castigämanchu yapaycho chayno mana rurananpaj?» Chaynömi Tayta Dios nisha.

Miqueas 5:15

Noga nishäta mana wiyacoj nasyun runacunatami ichanga fiyupa rabyawan castigashaj.»

Ezequiel 5:12

Gamcuna quimsaman raquisha caycajpita juc partimi jinan siudächo wañonga fiyu gueshyawan, yargaywan. Yapay juc parti cajtanami contrancuna quiquin siudä ñaupancunacho wañuchenga. Yapay juc parti cajtanami machiypa-machir intëruman mashtarishaj. Paycunataga espädäta aptacurcurmi gaticachäshaj.