Isaías 1:14 - Tayta Diosninchi Isquirbichishan

¹⁴ Llullu quilla fistata rurashayquicunata, shuntacarcur fistacunata rurashayquitapis melanäcömi. Chayno rurashayquitaga manami awantänachu. Pasaypanami yamacashcä.

Isaías 1:14 Referans Kwoze

Amós 5:21

«Noga Tayta Diosga fiyupami melanäcö gamcuna rispitädu fistata rurashayquicunata. Aduramänayquipaj shuntacashayquipis manami gustamanchu.

Isaías 43:24

Nogapaj ofrendata apapämänayquipaj manami alli asyajcunata rantishcanquichu. Pishtashayqui uywacunapa wirantapis cushicachimänayquipaj manami garamashcanquichu. Chaypa ruquenga juchata rurashpayquimi yamacächimashcanqui. Tucuy melanaypajcunata rurashpayquimi fiyupa rabyachimashcanqui.

Amós 2:13

Chayno cashayquipitami aypallata cargasha aywaycaj carrëta pampata ñitirishannöpis gamcunataga ñitirishayqui.

Isaías 61:8

Chayga canga Tayta Dios cayno nishanpitami: «Nogaga alli rurajcunatami cuyä. Suwacunata, wañuchicojcunataga chiquëmi. Aunishänömi gamcunaga päguyquita chasquinqui. Gamcunawan imaycamapis allilla cananchïpaj conträtutami rurashun.

Isaías 7:13

Chaura Isaías niran: «Wiyamay-llapa Davidpita mirar aywajcuna. Runata rabyachishallayquiwanna ¿manachu cuntintacunqui? Cananga ¿Diosnëtapis rabyachiytanachu munanqui?

Malaquías 2:17

Tayta Diosga gamcunata wiyashuyta yamacashanami caycan. Chaypis nircaycanquiraj: «¿Imatataj nishcä wiyayta yamacänanpäga?» nir. Gamcunaga nishcanqui: «Tayta Diosga allimi rican mana allita rurajcunatapis. Chayno ruraptinpis payga allimi rican» nir. Chaynöpis asipashpayquimi gamcunaga nircaycanqui «¿Maytaj alli arriglaj Tayta Dios?» nir.

Zacarías 11:8

Chaypita juc quillallachömi jitarirä quimsaj uyshërucunata. Paycunaga fiyupana rabyachimaran; quiquincunapis chiquicarcäramaran.

Isaías 29:1

«¡Ay imanöraj canqui Davidpa siudänin Ariel! ¡Ay imanöraj canqui David pachacushan Jerusalén siudä! Chay siudächo tiyajcunaga cada wata fistata rurar cushicushpanmi goyarcaycan.

1 Crónicas 23:31

Säbadu jamay junajcho, llullu quilla fistacho y jatun fistacunachöpis paycunami Tayta Diospaj rupachina sacrifisyucunata rupachinanpaj cüracunata yanapaj. Cada fistapaj aycajtapis nistashanman-tupumi paycunaga Tayta Diospa ñaupancho cüracunata yanaparan.

Isaías 29:2

Ichanga nogami Ariel siudämanga ñacaycunata chayachishaj. Chayrämi canga llaquicuy, wagay. Chay siudä nogapäga cangapaj rupachicuna altarnömi.

Isaías 66:23

Cada quillami, llullu quilla cashan junajcho, cada semäna, säbadu jamay junajchöpis llapan runacuna shamongapaj nogata rispitamashpan ñaupächo gongurpacunanpaj.» Noga Tayta Diosmi chayno në.

Oseas 2:11

Cushicur goyashancunapis ushacangami. Manami canganachu fistancuna, llullu quillacho rurashan fistacuna, säbadu jamay junajcuna, waquin fistacunapis.

Oseas 5:7

Noga willapashäta manami wiyacushachu. Wamrancunapis caycan juc runapa churillannami. Chaypitami paycunaga juc quillallacho chacrancunawan iwal llapan ushacanga.