Hechos 7:54 - Tayta Diosninchi Isquirbichishan

⁵⁴ Esteban chayno niptenga fiyupa ollgucarcärir quiruntapis uchuranraj. Chaymi fiyupa rabyar ushariyta munaran.

Hechos 7:54 Referans Kwoze

Hechos 5:33

Chayno nishanta wiyaycärir autoridäcunaga fiyupa rabyashpan apostulcunata wañurachiyta munaran.

Salmos 35:16

Wacpita-caypita gayapämashpan asipämasha. Fiyupa chiquimar fiyu ñawinwan ricapämashapis.

Lucas 13:28

Chayno niptinrämi fiyupa wagar llaquicushpayqui quiruyquitapis uchunquipaj. Chay örami ricanquipaj, Abrahamta, Isaacta, Jacobta, profëtacunatapis Tayta Diospa maquincho caycajta. Gamcunanami gargusha caycanquipaj.

Mateo 25:30

Cananga cay guella mana aroj uywayta jawa yanauyaycaj chacayman jitariy. Chaychömi wagashpan quiruncunata uchur ñacanga.›

Mateo 13:50

Juchata rurallar goyajcunataga nina rataycajmanmi garponga. Chaychömi fiyupa wagar quiruncunatapis uchongapaj.»

Job 16:9

Tayta Diosga micucoj animalnömi manchachiman. Gaticachämar rachir usharaman. Chiquimaj-jinarämi mana cachaypa ricapacarcamashapis.

Mateo 24:51

Chayno mana alli ruraycajta tarerga fiyupami castiganga. Waquin janan shongucunatawan iwalmi ñacayman garpurenga. Chaychörämi wagashpan quiruncunatapis uchur fiyupa ñacanga.

Mateo 22:13

Chaura uywaynincunata nisha: ‹Cay runapa chaquinta maquinta manyarcur jitariy jawa chacajman. Chaychömi wagashpan quiruntapis uchur ñacanga›.

Mateo 13:42

Nircurnami ratataycaj ninaman gaycurenga. Chaychönami fiyupa ñacar, wagar quiruncunatapis uchongapaj.

Mateo 8:12

Rimëru gayachishancunami ichanga Tayta Diospa willacuyninta yacharpis mana yäracamashanpita chacaj pachaman jitarisha cangapaj. Chaychömi fiyupa wagar quiruntapis uchongapaj.»

Lamentaciones 2:16

Llapan chiquishojcunami washayquita parlan. Wichyacachashpan, jamurpäshushpayqui cayno nin: «Ushajpämi illgächishcanchi. Chayno canantami munaranchïpis. Cananga ¿manachu ricanchi?» nir.

Salmos 112:10

Chayta ricar fiyu runaga fiyupa rabyarmi chiquicurcun. Rabyawan quiruncunatapis uchongarämi. Fiyu runacuna yarpashanga manami camacangachu.