Hechos 6:10 - Tayta Diosninchi Isquirbichishan

¹⁰ Esteban Espíritu Santupa munayninwan captin, yachaj captinmi contrancunaga ima niytapis mana camäpacuranchu.

Hechos 6:10 Referans Kwoze

Lucas 21:15

Nogami tantiyachishayquipaj imata ninayquipäpis. Chauraga maygan contrayquipis manami ima niytapis camäpacongachu. Ni ima achäquitapis manami tarengachu.

1 Corintios 2:4

Alli willacuyta willapar manami yachajcuna willapashannöchu willaparä. Chaypa ruquenga Espíritu Santu tantiyachishuptiquimi willapashäcuna shonguyquiman alli chayasha.

Juan 7:46

Chaura suldärucuna niran: «¡Pay rimashantano rimajtaga manami imaypis wiyashcächu!»

Job 32:8

Ichanga Tayta Diospa Espiritunmi runataga yarpayniyoj cananpaj yanapan. Munayniyoj Tayta Diosmi pücashpan yanapan tantiyaj cananpaj.

Éxodo 4:12

Cananga ayway. Gam parlashayqui öra Nogami rimachishayquipaj. Imano parlanayquipäpis yachachishayquipaj.»

Lucas 1:17

Tayta Diospa munayninwan Elías willacushannömi paypis willacongapaj. Tayta Dios shamunanpaj caycaptin, willacushpanmi willapanga papäninpis wamrancunawan amistananpaj, mana wiyacojcunapis Tayta Dios munashannöna goyänanpaj. Chaynöpami runacunata shacyächenga Tayta Dios cachamushan Cristuta alli chasquicunanpaj.»

Hechos 7:51

«Gamcunaga mana wiyacoj rinriynajmi canqui. Llutan ruraycunallapaj yarpanqui. Unay castayquicunanöllami Espíritu Santupa contran carcaycanqui.

Ezequiel 3:27

Imatapis gamta niyta munashpä ichanga parlanayquipaj yapay camacächishaj. Chauraga yapay ninquipaj: ‹Caynömi Tayta Dios nin› nir. Wiyacuyta munaj cäga wiyacongami. Wiyacuyta mana munaj cäga manami wiyacongachu. Chay runacunaga pasaypa mana wiyacojmi.

Job 32:18

Rimanäpäga aypallami caycan. Mananami upällallaga cacömannachu.

Hechos 5:39

Tayta Diospita rasunpa ruraptenga manami imanöpapis illgächinquipächu. Pajta Tayta Diospa contran ima jatariycanqui.»

Miqueas 3:8

Nogatami ichanga Tayta Diospa Espiritun yanapäman callpayoj canäpaj, alli cajllata ruranäpaj, balurchanäpaj. Chaynöpami Israelcunataga mana wiyacoj cashanta, juchayoj cashanta niycä.

Jeremías 15:20

Nogami camacächishaj chay runacunapäga runsipita tapyano canayquipaj. Manami imanöpapis binsishunquipächu. Gamwan pillyarpis manami binsishunquipächu. Gamwanga nogami caycä imapitapis salbar chapänäpaj. Noga Tayta Diosmi chayno në.

Isaías 54:17

Ichanga gamta illgächishunayquipaj manami pipis pillyanacunata rurashachu. Achäquita ashipäshojcunataga llapantami upällachinquipaj. Chaynömi canga nogata sirbimajcunapäga. Chaynöpami nogaga salbashaj.» Tayta Diosmi chayno nin.

Hechos 6:9

Chayno ruraptinmi «Librina» nishan sinagogapita shamoj runacuna Estebanwan rimanacuran. Chay runacuna unayga uywaymi caran Cirene, Alejandría, Cilicia, Asia probinsyacunacho.

Hechos 6:11

Chaymi chay contrancunaga juc runacunata pägaran «Estebanga Moisesta, Tayta Diosta ashllisha» nir jitapänanpaj.