Hechos 28:21 - Tayta Diosninchi Isquirbichishan

²¹ Chaura mayur Israel runacuna niran: «Imano cashayquitapis musyanäpäga manami Judea probinsyapita ima cartatapis apachimushachu. Washapita shamoj Israel-masinchïcunapis manami willapämashachu gampäga.

Hechos 28:21 Referans Kwoze

Isaías 54:17

Ichanga gamta illgächishunayquipaj manami pipis pillyanacunata rurashachu. Achäquita ashipäshojcunataga llapantami upällachinquipaj. Chaynömi canga nogata sirbimajcunapäga. Chaynöpami nogaga salbashaj.» Tayta Diosmi chayno nin.

Isaías 50:8

¿Piraj nogawan churacanman? ¡Pipis nogawan churacayta munaptenga juezman iwal aywashaj! ¿Pillaga caycanchuraj dimandamaj? ¡Cashpanga shamur mä nimächun ari! Ñaupächömi caycan juchaynaj cashäta nimänanpaj.

Isaías 41:11

«Chiquishojcunaga llapanmi pengaypaj manacajman churasha cangapaj. Gamcunawan pillyaj cajcunaga ushajpämi illganga.

Hechos 22:5

Chaytaga mas mandaj cürapis, llapan mayurcunapis musyanmi. Paycunapitami ordinta jorgurä Damasco marcacho Israel-masinchïcunaman aywanäpaj, Jesusman yäracojcunata prësu cay Jerusalenman apaycamur castigachinäpaj.

Éxodo 11:7

Chayno captinpis Israelcuna tiyashanchöga ni juc allgullapis manami aullangachu. Israel runacuna tiyashan cajcho runacunapis ni uywacunapis mana wañuptinmi musyanquicuna Israel runacunata Tayta Dios cuyashanta.›

Hechos 3:17

«Israel-masëcuna, pï cashantapis mana musyarmi gamcunapis autoridäcunapis Jesusta wañuchishcanqui.

Hechos 28:14

Chaychönami ermänucunata tarirä. Paycuna ruwamaptinmi juc semäna goyaräcuna. Chaypitanami chaquillapa Romaman chayaräcuna.

Romanos 9:3

Israel-masë captinmi nogaga fiyupa munä Jesucristuman yäracur salbacunanta. Asta munämi paycuna salbacunan-raycu Jesucristuman mana yäracoj runano quiquë castigasha caytapis.