Hechos 2:11 - Tayta Diosninchi Isquirbichishan

¹¹ Caycan Cretapita, Arabiapita. May nasyunpita carpis quiquinchïpa rimayninchïcho wiyaycanchi Tayta Diosninchi fiyupa allita ruraycashanta.»

Hechos 2:11 Referans Kwoze

1 Corintios 12:10

Waquintana churan milagrucunata rurananpaj. Waquinna yachayta chasquin Tayta Dios tantiyachishancunata rimananpaj. Waquinpis Espíritu Santupita yachayta chasquin pipis llutanta u rasun cajta yachaycächishanta tantiyananpaj. Waquinna yachayta chasquin mana yachashan rimaycunacho willacunanpaj. Waquinna yachayta chasquin juc rimaycho willacushancunata rimaynincho tantiyachinanpaj.

Éxodo 15:11

«Tayta Dios, maygan dioscunapis gammanga manami tincunchu. Gamno santuga manami juc canchu. Gamno munayniyöga manami juc canchu. Gamga fiyupa almiraypajcunatami rurashcanqui.

Hebreos 2:4

Chaycuna rasunpa cashanta quiquin Tayta Diosmi musyachimashcanchi milagrucunata rurachishpan, almiraypajcunata rurachishpan, acrashancunatapis yachayta gor Espíritu Santuta cachamushpan.

Tito 1:12

Yachaj Creta runapis unayga isquirbiran: «Creta runacunaga llullami; micucoj animal-nirajmi; pachallanta ashejmi; guellami» nir.

Jeremías 25:24

Arabia nasyunpa raynincunata, chunyaj chaqui pachacho tiyaj achca casta runacunapa raynincunatapis;

Salmos 26:7

Chaychömi alabansacunata cantashaj. Fiyupa almiraypajcunata rurashayquitapis willacushaj.

Job 9:10

Payga tucuy-niraj mana atipaypaj milagrucunatami ruran. Chaycunaga yupaytapis mana atipaypämi.

Tito 1:5

Lamar chaupin Creta tishgupita shacamur gamtaga chaycho cachaycamurä marcan-marcan aywar ermänucuna shuntacashancho mayur ermänucunata churanayquipämi. Chayno ruranayquipaj nishätaga ama gongaychu.

Hechos 27:12

Tamya wichan Buenos Puertuscho goyänäcunapäga manami allichu caran. Chaymi llapanë-japuy yarparä Cretacho caycaj Fenice marcaman aywacuyta, tamya wichan chaycho goyänäcunapaj. Chay marcami ichanga tamya quillacho goyänanpäpis alli caran.

Hechos 27:7

Achca junaj aywaycarpis aywayta mana atiparäcunachu. Ñacar-raj chayaräcuna Gnido marca ñaupanman. Aywanäpaj caycaj-läpita fiyupa wayra shamuptinmi aywaräcuna lamar chaupin Creta tishgu ñaupallanpa. Chaypa alläpa mana wayraptinmi päsacuräcuna Salmón marca ñaupanpa.

Jeremías 3:2

Galayasha jircacunata masqui ricay. Chay jircacunachömi juchata rurashpayqui dioscunata adurashcanqui. Chunyajcho jamarpaj Arabiacunanöpis caminu cantuncunacho juc mösucunata shuyaraj warminömi cashcanqui. Pï-maywanpis cacushpayqui, mana allita rurashpayquimi nasyunniquitapis ganrachishcanqui.

Isaías 28:29

Chaytapis ruran munayniyoj Tayta Dios yarpayta goptinmi. Paypa yachachicuynenga almiraypämi. Pay yachaj cashanga manami imamanpis tincunchu.

Isaías 25:1

Tayta Dios, gammi canqui Diosnë. Nogaga gamtami rispitashpä alabashayqui. Almiraypajcunata rurashayquipitami adurashayqui. Unaypita-pachami yarpashayquicunaga caycan rasun cajlla, alli cajlla.

Isaías 13:20

Chaychöga imaypis manami runa tiyanganachu. Yapayga mananami pipis tiyanganachu. Arabia runacunapis chaychöga manami pachaconganachu. Uyshërucunapis chaychöga mananami uywancunata jamachenganachu.

Salmos 136:4

Ima-aycatapis almiraypajcunata rurajta agradësicuy-llapa. Pay cuyacoj cashanga imaycamapis chaynöllami.

Salmos 111:4

Fiyupa almiraypajcunata rurashantaga manami pipis gongangachu. Tayta Diosga alli shongumi y cuyapäcojmi.

Salmos 107:21

Chaymi Tayta Diostaga agradësicuy cuyapäcoj cashanpita, runacunata cuyapar yanapashanpita.

Salmos 107:15

Chaymi Tayta Diostaga agradësicuy cuyapäcoj cashanpita, runacunata cuyapar yanapashanpita.

Salmos 107:8

Chaymi Tayta Diostaga agradësicuy cuyapäcoj cashanpita, runacunata cuyapar yanapashanpita.

Salmos 96:3

Pay munayniyoj cashanta nasyuncunaman willacuy. Fiyupa almiraypajta rurashancunatapis marcacunaman willacuy.

Salmos 89:5

Tayta Dios, janaj pachacho caycajcunami alabashunqui llapanta cumlej cashayquipita, milagrucunata rurashayquipitapis.

Salmos 78:4

Noganchïpis wamranchïcunata willapäshun Tayta Diosninchi munayniyoj cashanta, Munayninwan fiyupa allicunata rurashantapis.

Salmos 77:11

Unay watacunacho Tayta Diosninchi almiraypajcunata rurashallantami yarparäshaj.

Salmos 71:17

Tayta Dios, mösu cashäpita-pachami gamga willapämashcanqui. Canancamapis fiyupa allita rurashayquitami willacuycä.

Salmos 40:5

Gamga Tayta Dios, aypallatami milagrucunata rurashcanqui. Nogacunataga imay örapis yarparaycämanquimi. Chaycunata willacushpämi pï-maytapis willapayta munä. Ichanga willapaytapis manami ushämanchu. Manami imapis tincunchu gammanga tayta.

2 Crónicas 26:7

Tayta Diosmi yanaparan Uziastaga: Filistea runacunata, Gur-baalcho tiyaj Arabia runacunata, Meun runacunatapis binsinanpaj.

2 Crónicas 17:11

Chiquinanpa ruquin waquin Filistea runacunaga ima-aycatapis Josafat-ta apapämoj goycunanpaj. Guellayninpami impuestuta pägaj. Arabia nasyun runacunana ganchis waranga ganchis pachacnin (7,700) uyshata apaparan, chïbucunatapis juc chaynöta.

1 Reyes 10:15

Chay jananmanmi runacuna pägashan impuestutapis chasquej. Chay impuestuta pägaj nigusyanticuna, Arabia nasyunpa raynincuna, Israel nasyunpa gobernadornincuna.

Gálatas 4:25

Agarga Arabiacho caycaj Sinaí jircamanmi tincun. Chaynöpis Jerusalén siudäwanmi tincun. Chaycho tiyäga llapanmi laycunata cumlir munaynincho carcaycan.

Gálatas 1:17

Manami rimir caj apostulcunawan parlajpis Jerusalenman aywashcächu. Chaypa ruquenga jinan örami Arabia partipa aywacurä. Chaypitanami Damascuman yapay cutirä.

Isaías 21:13

Arabia imano cananpäpis Tayta Dios ribilashanta Isaías cayno willacuran: Dedán runacuna Arabiacho caycaj shatacunaman pacacuy.

1 Corintios 12:28

Tayta Diosninchi camacächisha yäracojcunacho rimëruga apostulcuna cananpaj, chaypita profëtacuna cananpaj, nircur yachachicojcuna cananpaj. Waquintana churasha milagrucunata rurananpaj, waquintana gueshyajcunata allchacächinanpaj, waquintana pobricunata yanapänanpaj, waquintana tantiyachicoj cananpaj, waquintana mana yachashan rimaycunata rimananpaj.

Hechos 2:10

Frigiapita, Panfiliapita, Egiptupita, Libiacho caj Cirenepa ñaupancunapita, Romapita. Waquenga Israel runacunami. Waquenga Israelcunapa custumrinta cumlej juc-lä runacunami.

Hechos 2:12

Chaymi fiyupa almirasha car quiquin-pura tapunacurcaycaran: «¿Imataj päsaycan?» nir.

Hechos 27:13

Surpita wall-wallyayllapa alli wayra wayrämuptin aywanäcunapaj allino caran. Chaymi lamar chaupin Creta tishgu cuchullanpa aywaräcuna.