Hebreos 12:12 - Tayta Diosninchi Isquirbichishan

¹² Ermänucuna, chayno caycaptenga ñacaycuna chayamuptinpis ama llaquicuychu. Callpayquicuna mana captinpis chaquiquicuna uticasha captinpis balurchay Tayta Diosninchi munashanno cawanayquicunapaj.

Hebreos 12:12 Referans Kwoze

Isaías 35:3

Callpaynajcunata shacyächiy. Uticasha caycajcunatapis yanapay.

Hebreos 12:3

Ermänucuna, ñacarga tantiyacuy Jesucristupis ñacashanta. Allita ruraptinpis juchasapacunaga fiyupami chiquiran. Chayta ricacushpanchi imano ñacarpis mana yamacaypa pay munashanno cawashun.

1 Tesalonicenses 5:14

Chaynöpis ermänucuna, gamcunacho arucuyta mana munaj ermänucunata piñacuy arucunanpaj, llaquisha caycajcunata shacyächiy cushicunanpaj y imachöpis yanapaypaj captenga yanapaycuy. Chayno pï-maypäpis pasinsayqui cachun ari.

Ezequiel 21:7

‹¿Imapitataj wagaycanqui?› nishuptiquega gam ninqui cay nasyunman mana alli chayamunanpaj cajta mayaycur wagaycashayquita. Ninqui, chay junäga llapan callpaynajno ricacunanpaj cashanta, pipapis manana balurnin cananpaj cashanta, manchariyllawan chaquincunapis sicsicyananpaj cashanta. Chayno cananpaj caj öraga chayaycämunnami. Manapis aycällatanami canga. Noga Tayta Diosmi chayno në.»

Hebreos 12:5

Gamcunaga ¿Tayta Diosninchïpa palabrancho niycashanta gongaycärishcanquinachu? Palabranchöga caynömi nin: Ïju, Tayta Diosninchi piñacushuptiquega ama jagayanquichu. Pay willapäshuptiqui ama manacajman churanquichu.

Ezequiel 7:17

Llapanmi callpaynajna ricaconga. Manchariywanmi gongurnincunapis sicsicyanga.

Nahúm 2:10

Nínive siudäga illgächishana, chunyaj jircaman ticrashana, pasaypa chaquishami caycan. Runacunapaga manchariyllawanmi shonguncunapis tic-ticyaycan. Gongurnincunapis sicsicyaycan. Llapanpapis mananami callpan cannachu. Cärancunapis yur'gasha utcunömi caycan.

Daniel 5:6

rayga fiyupa manchariyllawan pasaypa yur'gacäcuran. Manchariyllawan sicsicyaycaran.

Salmos 109:24

Mana micuptëmi gongurnëpis sicsicyaycan. Pasaypa chaquishanami caycäpis.

Sofonías 3:16

Chay wichanga Jerusalenta nengapaj: «¡Sión, ama manchacuychu! ¡Balurchayna!