Hebreos 11:25 - Tayta Diosninchi Isquirbichishan

²⁵ Faraonpa wasincho cawananpa ruquenga Israel-masincunawan ñacarmi cawaran.

Hebreos 11:25 Referans Kwoze

Salmos 84:10

Waranga watantin juc-lächo goyänäpa ruquenga mas alli canman juc junajllapis Wasiquicho goyaptëmi. Juchasapacunawan goyänäpa ruquenga mas alli canman Wasiquicho pichapacullarpis goyaptëmi.

2 Corintios 5:17

Pipis Jesucristuman yäracorga mushoj runanami caycan. Manami ñaupata cawashannönachu cawan. Llapanpis mushojnami.

Job 36:21

Imano ñacay cashantapis musyaycashpayquinaga yapayga mana allicunata ama ruraynachu.

Apocalipsis 18:7

Payga ima-aycayojpis car fiyupa alli-tucushpanmi cawaran. Chayno alli goyashanpita cananga payta ñacachiy, llaquicachiy. Payga shonguncho caynömi nej: ‹Nogaga raynanömi caycä. Manami biyüdachu cä. Manami imaypis ñacashächu› nir.

Job 20:5

Mana alli runacunapaga cushicushanpis rätullapämi. Fiyucunapis rätullami cushicun.

1 Pedro 2:10

Ñaupataga manami Tayta Diosninchïpa marcanchu cashcanqui. Cananmi ichanga Tayta Diosninchi acrashan marca runacunana caycanqui. Ñaupataga Dios manami cuyasha-cashunquichu. Cananmi ichanga fiyupa cuyashunqui.

Santiago 5:5

Cay pachachöga gustullayquitami, munashallayquitami rurashcanqui. Pishtananpaj werayächisha uywanömi caycanqui. Örayqui chayaycämunnami.

Santiago 1:20

Rabyarga Dios munashanta manami ruranchu.

Hebreos 11:37

Waquintaga sajmaypami wañuchiran. Waquintanami siruchuwan cuchuypa wañuchiran. Waquintanami sabliwan tucsiypa wañuchiran. Waquinnami fiyupa pobri cashpan uysha garachapita y cabra garachapita röpanta ruracurcur marcan-marcan chiquisha puriran.

Hebreos 10:32

Chayno caycaptenga gamcuna Jesucristuman riguir pay munashanno cawashayqui wichan imano ñacashayquitapis yarpay. Chay-jina ñacarpis gamcunaga manami guepaman cutishcanquichu.

Hebreos 4:9

Chaymi Tayta Diosman yäracoj runacunapäga canan caycanraj alli jamayta tarinanpaj junaj.

2 Timoteo 1:8

Espíritu Santu yanapaycäshuptiquega mana pengacuypa Jesucristupa alli willacuyninta willacuy. Ama pengacuychu Jesucristu-janan nogata wichgaraycächimaptinpis. Chaypa ruquenga ñacachishuptiquipis alli willacuyta willacuy. Chayno willacunayquipämi Tayta Diosninchi yanapaycäshunqui.

Colosenses 1:24

Jesucristupa willacuyninta runacuna chasquicuptinmi willacushäpita runacuna ñacachimaptinpis mana llaquicöchu. Jesucristo gamcunapaj ñacashannömi nogapis gamcuna-raycu ñacar cushisha caycä.

Romanos 5:3

Chaynöpis runacuna ñacachimaptinchïpis cushishami goyanchi. Noganchi musyanchïmi ñacaycunaga mana yamacaypa ñacananchïpaj yachachimashanchïta.

Lucas 16:25

«Chayno niptinshi Abraham niran: ‹Ïju, gamga yarpay rïcu cashpayqui alli cushisha goyashayquita. Lazaroga pobri cashpanmi fiyupa ñacaran. Chaypitami cananga caycho cushisha caycan. Gammi ichanga chaycho ñacaycanqui.

Mateo 13:21

Cushisha chasquicurpis shallacho allpa alläpa mana captin rïgu yagarcamur mana sumaj sapichasha car chaquicäcushannömi paycunapis ruracan. Chaymi Tayta Diosninchi-janan runacuna chiquiptinnaga u ima ñacaychöpis carnaga ñaupata cawashanmannöna cuticun.

Isaías 21:4

Manami imano yarpachacuytapis camäpacönachu. Manchariyllawanmi fiyupa llaquicuycä. Pacha tardiyar chacänanta ñaupatacuna amatar munashäga canan ticracurisha fiyupa manchariypajmanmi.

Salmos 47:9

Nasyuncunapa mandajnincunapis Abrahampita mirajcunata Tayta Dios acrashan runacunawanmi shuntacan alabananpaj. (10) Chaynöga carcaycan nasyuncunapa mandajnincunapis Tayta Diospa munaynincho cashpanmi. Tayta Diosga llapanpitapis mas munayniyojmi.

Daniel 3:18

Nogacunata mana salbamänan captinpis diosniquicunataga manami adurashächu. Goripita rurachishayquipa ñaupanmanpis manami gongurpacushächu.»

Hechos 7:34

Nogaga ricashcämi acrashä Israel runacunata Egipto runacuna fiyupa ñacaycächishanta. Llaquicur mañacamashantapis wiyashcämi. Chaymi paycunata jorgamunäpaj urämushcä. Chaymi gamtana Egiptuman cachashayqui.›