Hebreos 1:11 - Tayta Diosninchi Isquirbichishan

¹¹ Llapanmi chaycunapis illgangapaj. Gammi ichanga jinalla caycanquipaj. Llapan chaycunaga röpanömi ushacanga.

Hebreos 1:11 Referans Kwoze

Isaías 51:6

Syëlutapis ricäriy. Pachatapis ricäriy. Syëluga goshtaynöllami illgacäcongapaj. Allpapis röpa ushacajnöllami ushacangapaj. Runacunapis chuspicunanöllami wañongapaj. Salbacoj cashämi ichanga imaycamapis chaynölla caycanga. Nogaga imaypis canan caycashänöllami caycäshäpaj.

Marcos 13:31

Janaj pachapis cay pachapis ushacangami. Noga nishäcunami ichanga mana illgangapächu. Nishäcunaga llapanmi cumlicanga.

Isaías 34:4

Syëlupis llapan chaycho caycajcunapis papil cauchucajnömi pitucäconga. Estrëllacunapis manana achicyar chaquisha öjanömi shicwacamonga.

Apocalipsis 21:1

Chaypitanami ricarä mushoj pachata, mushoj syëluta. Ñaupa caj pachapis, ñaupa caj syëlupis illgashana caran. Lamarpis mana carannachu.

Lucas 21:33

Janaj pachapis cay pachapis ushacangami. Noga nishäcunami ichanga mana illgangapächu. Nishäcunaga llapanmi cumlenga.

Mateo 24:35

Janaj pachapis cay pachapis ushacangami. Noga nishäcunami ichanga mana illgangapächu. Nishäcunaga llapanmi cumlenga.

Hebreos 12:27

«Yapaymi» nerga musyachimanchi llapan camashancunata sicsicyachir illgarachinanpaj cashantami. Chayno ruraptinmi syëlucho caycaj mana ushacajcunallana quëdanga.

Isaías 65:17

«Sumaj wiyamay. Nogami camaj aywä syëluta y cay pachatapis mushojta. Unay cajcunaga gongacashami canga. Chaytaga manami pipis yarpangapänachu.

Salmos 90:2

Puntacunapis manaraj cashanpita-pacha, cay pacha manaraj cashanpita-pacha, unaypita-pacha imaycamapis gamllami canqui Tayta Diosga.

Salmos 10:16

Cay pachachöga Tayta Diosllami imaycamapis ray. ¡Payta mana rispitajcunataga gargongami!

Apocalipsis 20:11

Chaypita ricarä jatuncaray yuraj achicyaycachaycaj sillunta. Chaychömi Tayta Dios jamaraycaran. Chay örami syëlupis cay pachapis illgacäcuran. Mananami mas ricacarannachu.

Apocalipsis 2:8

«Esmirna marcacho caycaj ermänucunata ricaj anjilpaj cayno nishäcunata isquirbiy: Nogaga gallaycunanpita ushanancamami caycä. Y wañushäpitapis cawarimushcämi.

Apocalipsis 1:11

nimajta: «Ribilar ricachishäcunata llapanta isquirbircur apachiy ganchis marcacunacho caycaj ermänucunaman: Efesuman, Esmirnaman, Pergamoman, Tiatiraman, Sardisman, Filadelfiaman, Laodiceaman.»

Isaías 50:9

Nogataga Tayta Diosmi yanapäman. Chauraga ¿piraj «juchayojmi canqui» nimanga? Puyu ushaptin röpa ushacashannömi conträcunaga llapan ushacanga.

Isaías 41:4

¿Pitaj chaycunataga rurasha? Gallarinanpita-pacha llapanpis chayno cananpäga ¿pitaj nisha? Noga Tayta Diosllami chayno camacächishcä. Nogallami gallarinanpita-pacha imaycamapis caycä.»

Salmos 29:10

Löcu tamyapis Tayta Diospa munaynillanchömi caycan. Tayta Diosllami imaycamapis rayga caycan.

Isaías 51:8

Chay runacunaga ushacangapaj puyu röpata ushacurcushannömi, millwa garachata curu ushacurcushannömi. Salbacoj cashämi ichanga imaycamapis chaynölla caycanga. Nogaga imaypis canan caycashänöllami caycäshaj.»

Isaías 44:6

Israelcunata salbaj ray munayniyoj Tayta Diosmi cayno nin: «Nogaga gallarinanpita-pacha imaycamapis caycämi. Nogapita mas juc diosga manami canchu.

Salmos 102:26

Llapanmi chaycunapis illgangapaj. Gammi ichanga jinalla caycanquipaj. Llapan chaycunaga röpanömi ushacanga. Juc runa röpata rucacurejno gam rucachiptiquega rucachishami canga.

Hebreos 8:13

Chayno Tayta Dios mushoj conträtuta rurananpaj parlarga tantiyaycächimanchi unay caj conträtu auquisyashana cashantami. Chayno auquisyasha car mana allina carga manapis aycällatanami illganga.