Hageo 2:9 - Tayta Diosninchi Isquirbichishan

⁹ Cay guepata rurashayqui Temploga cangapaj rimir caj Templupita mas cuyayllapänami. Nogami camacächishäpaj cay particho alli goyayna cananpaj. Noga munayniyoj Tayta Diosmi chayno në.› »

Hageo 2:9 Referans Kwoze

1 Timoteo 3:16

Llapanchïmi musyanchi Jesucristupa willacuynin llapanpitapis mas alli cashanta. Jesucristoga runami yuriran. Wañuptinna Espíritu Santu cawarachimuran. Anjilcunapis ricashpan aduraran. Willacuynenga maychöpis willacusha caran. May-chaychöpis paymanmi yäracuran. Syëluman cutirnami Tayta Diospa ñaupanman chayaran.

Juan 14:27

«Alli goyaytami gamcunataga cachapaycö. Ichanga chay alli goyay manami mana riguejcuna ashishannöchu. Chaymi aywacuptëpis ama llaquicunquichu ni manchacunquipischu.

Juan 1:14

Camacächej Palabraga runamanmi ticraran. Nircur nogacunawanmi cay pachacho goyaran. Paywan purirmi ricarä Tayta Diospa japallan wamran cashpan munayniyoj caycajta. Chaynöpami ricarä payga cuyapäcoj cashanta; rasun cajllata rimaj cashanta.

Lucas 2:14

«¡Syëlucho cajcunapis Tayta Diosta alabaycullächun! ¡Cay pachachöpis Tayta Diosta wiyacojcunapaj alli goyay caycullächun!»

Santiago 2:1

Ermänucuna, munayniyoj Tayta Jesucristuman yäracorga pitapis manacajman ama churaychu.

Hechos 10:36

Tayta Diosga Israel runacunaman willacuyninta chayachiran. Chay alli willacuyninta Jesucristuwanmi willacachiran runacuna paywan allina cananpaj. Jesucristoga llapanpa mandajninmi caycan.

Miqueas 5:5

Pay mandaptenga alli goyaymi cangapaj. Asiria runacuna nasyunninchïman yaycamuptin, palasyunchïcunaman yaycuptin, paycunaman cachashun ganchis mandajninchïcunata, pusaj mas rispitädu runacunatapis.

Isaías 60:7

Cedarcho caj uyshacunatapis gampämi llapanta gatimongapaj. Nebaiotcho caj carnicunanami gampa munayniquicho canga altarcho nogata garamänayquipaj. Chaynami canga nogapa gustöpaj. Chaura nogaga wasëtapis mas cuyayllapaj cananpämi camacächishaj.

Isaías 66:12

Chayno cananpäga Tayta Diosmi nin: «Nogami camacächishäpaj mayu aypalla chayajno Jerusalencho alli goyay cananpaj. Chaynömi Jerusalenmanga juc-lä nasyuncunapa ima-aycanpis mayu chayashpan yaycojnöraj aypallanpa chayangapaj. Chauraga Jerusalenmi gamcunata garashunquipaj. Paymi margaräshunquipaj. Gongurninman jamarcachirmi cuyashunquipaj.

Hageo 1:8

Puntacunaman ayway-llapa. Chaypita guerucunata apaycamushpayqui Templuta yapay jatarachiy. Templuta jatarachiptiqui nogaga cushicushämi. Chaymi nogaga alabasha cashaj.

Hageo 2:3

Ñaupata Templö imano cuyayllapaj cashantapis ricajcuna ¿maygallanga cawaycanrächuraj? Cananga ¿imanötataj ricaycanqui? ¿Manachu pasaypa manacajnölla caycan?

Zacarías 2:5

Tayta Diosmi nin: ‹Jerusalenpaga nogami cashaj intëru cantunpa nina ratataycaj curralninno. Paycunacho cashpänami musyachishaj munayniyoj cashäta› nir.»

Ezequiel 43:5

Chaypita Tayta Diospa Espiritun janajpa jogacarcamaran. Nircorga apamaran ruri caj sawan pampaman. Chaycho ricarä Tayta Diospa achicyaynin Templu ruricho juntasha caycajta.